Matthew 7:21 - Pupu Oharo Āre 1963 Genese 1970 Rute 1972

²¹ Araro Amua e, Amua e, oharo maeaeaki la haela oaria hareho kaia ve basileia arahava va ka. Arave kaia ve Oa ve ikivere mai leivahaeaki la haela hiki.

Matthew 7:21 Iomraidhean Croise

Matthew 12:50

Arave kaia ve Oa ve ikivere horova leilula la haela ere va arave apoheari, arave mariloa, arave lou kara.

Matthew 16:17

Iesu arero kavale maeape, A va ikiveveke leive, Simon Bar‐Iona, ehovea aivau kai apu aro la oharo au kileaila, aka arave kaia ve Oa.

Matthew 18:10

Auhohi iapaila, e maria akore hekai haroapo haure lei va arekaea, ehovea ara ero maeaeaive — ereve aneru arave kaia ve Oa ve oropape mehae mehae eavalula.

Matthew 18:19

Ara ero kai maeaeaive, Eve haela orahoka meahaiapo apevelavela leiki eharu aea ve ikikekela haroapo hovea ra leikilava, arave kaia ve Oa ereve la eharu aiarakilai.

Matthew 18:3

Are mari maeaeape, O iele ara ero maeaeaive, E va iki helarivahaeaki aue ra leikilava, akoremari titaeka hovea leivahaeakive, e va kaia ve basileia ure ve arahava va ka.

Matthew 18:35

Lahovea, e va iki ureve ero haeae leilula haela ve haeae ra hapururukaki aue ra leikilava, arave kaia ve Oa ero lari leikilai.

Matthew 19:24

Ae va ara ero maeaeaive, Kamela karahe ve ura ve ukaki ai horerakilai va heraho perehekai, aka erohoho oaria ila la haela Aualari ve basileia ure la araeakilava, heraho eapapo iele.

Matthew 25:10

Ere va ilaea leikive auvahaeape la hoa uva are laeape haela ekepe. Eharu overa kariki hoveahovea la haela arero koarai uvi pekahavape, kai okiape kokaukape, aheke iele leipe.

Matthew 25:21

La amua arero maeape, Ave ma mai veveke havahu — a va iapa havahu horova haela. A va eharu perehekai kiva auhohi leipe, laelave ara aro eharu oaria kiva haela leikilai. E va haelapo i ari ikiveveke eapapo leila.

Matthew 26:39

Are perehekai ai areve oropape ekaopape kai ivaiva lei mariape, Arave Oa e, leiki oki veveke ra leikilava, a va ma hekako arave oropa ve hareava — lae vi va, arave iki va ka, a lahua ve iki.

Matthew 26:42

Are va kai aireaki aupe, kai ivaiva lei mari ape, Arave Oa e, ma hekako la hareavakilava ehovea ara hiki larilai, heroe, ara larilai. Ehovea ave ikivere.

Mark 3:35

Ehovea Aualari ve ikivere horova ra leikilava, la haela hovea hovea ere arave apoheari, kai arave mariloa, kai arave lou kara.

Mark 9:47

Ave ovohae ukai aro la hararuakilava, haoavi, aukapa — a ve veveke perehekai maria ovohae ukai hiki, Aualari ve basileia araeakive, a va ovohae ukai ukai ila Gehenna ve laria hiki hahavila la a ere aro ureve paraeaki ave.

Luke 11:28

Aka are mari ape, Maria oharo va heroe — Aualari ve oharo iapai kiva auhohi leilula la haela va momorapuki.

Luke 13:25

Uvi haela urai okiape overa kolakaukakilava, e va mahokaea ve pavi okiape kokoeaki la haela mari la maeakilava, Amua, okiape ela v'ila hela hapaki. Are ero kavale kimaeaeakilai, Ara ero haveva, e va lela haela?

Luke 18:25

Camel karahe ura avuhapakive heraho perehekai la, aka erohoho haela Aualari ve basileia araeakive heraho eapapo iele.

Luke 6:46

Ehovealeve e va araro Amua e, Amua e, itavavahaelula, kai ara ero maeaeaki la horova e leivahaea va ka ha?

John 14:7

E va araro ore la lailava, e va arave Oa kara ore leipe. Aireaki e va arero ore leikilai, ehovea e va arero overa eavape.

John 15:23

Araro ikiheaha leivila la haela are arave Oa kara ikiheaha leivila.

John 3:5

Iesu arero kavale maeape, O iele, O iele, ara aro maeaive. Haela ma i ove v'ila epaki aue la leikilava, are Aualari ve basileia araeakive hovea lei va ka.

John 5:17

Aka, Iesu erero kavale maeaeape, Arave Oa horova leivila ikiki mahau — ara kara horova leivila.

John 6:40

Araro kiparaeape haela ve ikivere maria — Akore ovohae eavi ikikelavalula haela oaria ovokake haiapo apeakilai. Ara va aireaki la hare erero lei uralapakilai.

John 7:17

Haela areve ikivere horova la leikilava are kilea oharo kara ore leikilai, Aualari ve aka ara havahu ve.

Horova 14:22

Ere leia ve ikikekela haela lei aheke leivahaeape, kai erero oharo karava maeaeape — iki auhohi kekela apeakive — ehovea elaviila heraho oaria v'ila Aualari ve basileia arahavakive,

Rome 12:2

E meahaiapo hiki hovea kalailue: eve iki helari auhohi kelavaki, iki are leikive: laria e va Aualari ve ikivere mai ehoe i mekakure ila hihika amoeakilai.

Rome 2:13

Ehovea pupu au hiki iapailula la haela Aualari ve oropa ve ehohoe leivahaea va ka, aka pupu kiva leivahaelula la haela, ere va aireaki lei ehohoe iele leivahaeakilai.

Ephesus 6:6

Kavale kavale mai hiki kai haela ve oropa ve hiki v'arakaea, aka Keriso ve horova haela hovea, eve horova mai Aualari ve iki ureve mai hovea hovea.

Colossae 4:12

Eve haela aea, Epaphras, Iesu Keriso ve horova haela, ero ikiheroe leive — are mea oaria areve ivaiva hoa ero iki kekelavila, E va aheke i mekakure ila Aualari ve ikivere horova oaria kiva leivahaeakive.

1 Thessalonia 4:3

Aualari ve ikivere iele ma: e kai hehe mai iele kiva leivahaeaki, mai heaha kalaivahaelue.

1 Thessalonia 5:18

Mea oaria thank you oharo avahaeaki; ehovea Aualari Iesu Keriso v'ila ikivere e va laria leivahaeakive.

Titus 1:16

Ereve ape oharo maria — ere va Aualari ore, aka ereve horova Aualari ve horova hovea ka: ereve mai heaha oaria. Ere va oharo veveke iapavahaea va ka, kai horova veveke leivahaea va ka.

Hebrew 13:21

Ero lei mekaka leivahaeakive, ehovea ikivere horova leivahaeakive. Are eve iki ureve areve ikivere mai veveke kileavahaeakive, ehovea Iesu Keriso ve harihari. Areve rare mea oaria lei morapaeaki. Amene.

Hebrew 4:6

Laelave, ehovea uku haela arahavakilai, aeka oropa oharo veveke iapavahaeape la haela oaria au arahavaila, ehovea ere iki au kelavaila

James 1:22

Oharo ve iele ve horova leivahaeaki, au hiki iapavahaea v'arekaea. Elare iki kamuraealue.

1 Peter 2:15

Ehovea Aualari va ikivere maria, e va horova veveke la leivahaeakilava — e va oharo haeae maeaelula la haela ve ape kokaukakilai.

1 Peter 4:2

Laelave, are va aireaki aivau ve hoa elare ikivere mai lahua lahua lei va ka, aka Aualari ve ikivere mai hiki.

Apokalupto 2:27

Are ereve mamoe kiva haela leikilai; areve kiva leiki mai aheke iele leikilai — Hoveahovea elaa karikiki haela ve eharu va koekakilai — areve aheke, ara Oa ve avape la aheke hovea hovea leikilai.

Apokalupto 22:14

Areve pupu iapai kiva leivahaelula la haela ikiveveke kara leivahaeakilai, ehovea ovokake kora ve iele ereve eharu: ere va okiape havahu leia ve karikara pekahavakilai.

Apokalupto 3:5

Heaorapaki haela pura houhuka oreaukilai; ara areve rare ovokake la buka ureve hapururuka va ka. Arave Oa i aneru oaria oropa ve ara are v'ila vavavakilai.