Matthew 6:5 - Pupu Oharo Āre 1963 Genese 1970 Rute 1972

⁵ A va ivaiva leiki la hoa, ava hehepo leilula haela hovea kalailue, ehovea ere ikivere eapapo synagogue ureve, karikara hihi ve ila ivaiva leikive, haela erero ovohae eavakive. O iele ara ero maeaeaive — ereve kavale ere mave avaro.

Matthew 6:5 Iomraidhean Croise

Matthew 21:22

E va ivaiva hoa velavela leiki la eharu oaria e va iki iele la kelavakilava, e va aeakilai.

Matthew 23:13

Aka — Ikihuru e, hohoa haealula haela i Pharisee haela ila, opore haela e, ehovea e va kaia ve basileia haela v'ila kokauvahaelula: ehovea e kara leia arahava va ka — e va haela ae kara ve oki hereavalula.

Matthew 23:5

Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara.

Matthew 23:6

Ere va ikivere eapapo hurai ve akea avaki ita — ae va synagogue ve la oropa ita oaria.

Matthew 6:1

Kiva leila, eve meru haela oaria oropa ve hihika aikararue, e va laria la leikilava, e va kaia ve Oa ve kavale veveke aireaki aea va ka.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:2

Laelave, a va meru avaraki la hoa, puva ave oropa kahohoalue, opore haela synagogue ureve, karikara hihi ve leilula hovea, ehovea haela erero momorapukive. O iele, ara ero maeaeaive, ereve kavale ere mave avaro.

Matthew 9:38

Ehoveala, e va hae hovare ve Amua hilahila leila, are hae hovare ikaeaki haela elavelave kiparaeakive.

Mark 11:25

E va ivaiva leiki hoa ero haeae leivahaeape haela ve haeae hapururukaila, laelave eve kaia ve Oa eve haeae kara hapurukavakilai.

Mark 12:38

Areve kileaki oharo uku maria, Hohoa haealula haela kiva leila — Ere va pura heahapiki ikivere leilula, kai karikara hihi maea pelaea oharo haropalula.

Luke 11:43

Ikihuru hela, Pharisee haela e, ehovea e va ikivere eapapo synagogue la akea ita veveke avakive — kai karikara hihi ve la momorapuki oharo kara.

Luke 18:1

Are erero parabole kileape ehovea ere mea oaria ivaiva kiva leikive la heroe, iki mahuka lei va arekaea.

Luke 18:13

Aka tax korukaia haela arai ve epavi ovohae kaia ve au iupevahaila, aka arahu koavi mari ape, Aualari, ara mai heaha haela, araro ikiheroe leikive.

Luke 20:47

Ere va uavila maitava ve eharu korea leivahaelula, kai opopoe ivaiva oharo heaikiapo avahaelula. Ma haela va aireaki heheavaki hoa heaha kavale le avakilai.

Luke 6:24

Ikihuru hela, erohoho haela, ehovea e va kavale overa avi.

John 16:24

Oropaki, e va arave rare v'ila eharu velavela au leila. Apevelavela leivahaeaki, e le avakilai, ehovea e ikiveveke eapapo leivahaeakilai.

Ephesus 6:18

E va mea oaria Ove ve ivaiva i velavela mai ila kiva auhohi leivahaeaki; e va hehe haela oaria v'ila ivaiva kiva hare oaria leivahaeaki.

1 Thessalonia 5:17

Ivaiva mea oaria kiva auhohi leivahaeaki.

James 4:6

Aka are va ikiheroe meru aeva avarakilai; laelave areve oharo maria, Aualari pelaea haela hereavakilai, aka are maeoka la haela ikiheroe meru avarakilai.