Matthew 6:2 - Pupu Oharo Āre 1963 Genese 1970 Rute 1972

² Laelave, a va meru avaraki la hoa, puva ave oropa kahohoalue, opore haela synagogue ureve, karikara hihi ve leilula hovea, ehovea haela erero momorapukive. O iele, ara ero maeaeaive, ereve kavale ere mave avaro.

Matthew 6:2 Iomraidhean Croise

Matthew 15:7

Opore haela e, Isaiah peroveta haela oharo e v'ila iele havahu maeaeape

Matthew 16:3

Kai vevelare hoa e va maria arura, Mahau mea heaha leikilai ehovea kaia uru koave, mea le hihirive. E opore haela e — E kaia ve ihova heheava ore — e va ma mea hovea ore va ka ha?

Matthew 22:18

Aka Iesu ereve heaha iki kekela mari maeaeape, E opore haela e, e va araro amuraeaki ehovealeve ha?

Matthew 23:5

Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara.

Matthew 23:6

Ere va ikivere eapapo hurai ve akea avaki ita — ae va synagogue ve la oropa ita oaria.

Matthew 24:51

Are arero oaria huhari harilai, kai arero opore haela ve ita ra paraeakilai. Ere va, hivavara eapapo, kao ere hahaeakilai.

Matthew 5:18

O iele ara ero maeaeaive, aiai kaia meahaiapo ila kari leikilai, pupu ve iota haroapo aka hohoa haroapo ila havoava va ka, aiai eharu oaria hareho iele leivahaeakive.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:3

A va meru avaraki la hoa, ave mai keva ukai ave mai ore ukai ve horova kakilealue.

Matthew 6:5

A va ivaiva leiki la hoa, ava hehepo leilula haela hovea kalailue, ehovea ere ikivere eapapo synagogue ureve, karikara hihi ve ila ivaiva leikive, haela erero ovohae eavakive. O iele ara ero maeaeaive — ereve kavale ere mave avaro.

Matthew 7:5

Opore haela e, oropa ave ovohae ureve la kora hakaea hauavi, aire a apoheari ve ovohae ureve la kora harava hauavi auhohi eavakilai.

Mark 12:39

Kai synagogue ureve oropa avakive ikivere, kai hurai hoa ve akea ita kara.

Mark 7:6

Are erero kavale maeaeape, E opore haela e, Isaiah iele e v'ila peroveta oharo ape maria: Ma vilakao araro ape iilu hiki morapaealula, Aka ereve iki ureve ita apehai vea.

Luke 11:41

Lae vi va, ureve la eharu meru veveke hovea la aiarakilava, aireaki eharu oaria e v'ila veveroro leivahaeakilai.

Luke 11:43

Ikihuru hela, Pharisee haela e, ehovea e va ikivere eapapo synagogue la akea ita veveke avakive — kai karikara hihi ve la momorapuki oharo kara.

Luke 12:33

E va overa aeape eharu ilaea leiki, e va heaha leiki aue la eharu ve aroa veveke harive — kaia ve la erohoho heaha lei va ka: leia korea haela ekeva ka: ihoko kara eharu haea va ka.

Luke 12:56

E opore haela e, e va meahaiapo i kaia ila ve ihova mureakive ore. Ehovealeve e ma hoa ve ihova mureakive haveva ha?

Luke 13:15

Amua arero kavale maeape, A opore haela e, lehae! E haela oaria sabati hare eve boromakau aka asini va areve hahaki ita ve paraea va ka ehovea ma avarakive ha?

Luke 20:46

E va hohoa haealula haela ve mai kiva leivahaeaki — ere va ikivere pura heahapiki oreai loakive, kai karikara hihi elare momorapuki oharo ikivere eapapo leilula: ere kai synagogue ureve oropa ve la ita avakive ikivere, kai hurai hoa ve akea ita avakive ikivere.

Luke 6:24

Ikihuru hela, erohoho haela, ehovea e va kavale overa avi.

Luke 6:42

A va apoheari leari maeakilai, Apoheari e, ara ave ovohae ureve la kora harava hareavakilai, aka a havahu ve ovohae ureve kora hakaea a va au eavaila ha? Opore haela e, oropa ave ovohae ureve la kora hakaea hareavaki, aireaki ave apoheari ve ovohae ureve la kora harava auhohi eavakilai.

John 13:29

Uku ve ikikekela, ehovea Judas moni aroa kiva leipe, laelave Iesu arero maeape hurae ve ikivere eharu ilaea leikive aukive, aka are va eharu ae merava haela aiarakive.

John 5:41

Haela kara araro morapaea va ka.

John 5:44

E va elarelare momorapulula oharo ikivere, laelave e va iki learia kelavakilai, Aualari ve kihoreaki la haharika e haropa va ka.

John 7:18

Elare oharo la hukavavila la haela elare hiki morapaeavila. Arero kiparaeape haela ve rare morapaeavila la haela, are va iele, areve mai heaha kara karia.

Horova 10:2

Are hehe haela iele, are Aualari oaoka lei kekela merava haela meru oaria aiari mea oaria ivaiva kiva auhohi leipe.

Horova 10:31

mari maeape, Cornelius, ave ivaiva overa iapai, ave meru oaria Aualari iki le kelavape.

Horova 10:4

Are arero eavi oaoka lei mariape, Amua, le ha? Are arero maeape, Ave ivaiva i meru oaria ila aro morapaeaki — Aualari ve leia pekape.

Horova 11:29

Kilea haela oaria elare maea hovea, ikivere eharu uku Judea apealula haela oaria koarakive paparaehakive.

Horova 24:17

Hitolo oaria kari leivahaeai ara arave merava haela ve meru i Aualari ve meru aiarakive pekape.

Horova 9:36

Joppa karikara aeaveape kilea uamari rare Tabitha (uri aea ve rare Dorcas) are va horova veveke oaria leivila uamari, kai mea oaria Aualari v'ila meru veveke aiarape.

Rome 12:8

Oharo Haela, oharo veveke o iele avahaeakilai. Meru avaraki la horova kara, pelaea ila v'arekaea: Amua horova leivahaeaki la haela, kiva auhohi leivahaeakilai. Ikiheroe leivahaeaki la haela, iki veveke ila la mai leivahaeakilai.

1 Corinth 13:3

Ara va eharu oaria merava haela ailarakilava, arave maea ara a harive avilarakilava, aka ikiheroe aue la leikilava, ara veveke lei va ka.

Galatia 2:10

Ere elaro oharo haroapo hiki velavela leipe — ela va merava haela ikikelavakive heroe: ela la mai mea oaria laria leilula.

Ephesus 4:28

Korea leipe la haela aireaki korea mai kahara. Veveke are mai horova iele lei eharu veveke karikikive; laria, are va eharu aeaki hoa are va ikivere haela le hukapakilai.

1 Thessalonia 2:6

Ela haela ve morapaeaki oharo ikivere au laila, eve leia ka laria, haela ae ve kara. O iele, ela va Keriso ve aposetolo haela hovea pelaea leikive heroe la!

1 Timothy 6:18

Erero ahilaki — ere ikiheroe mai leivahaeaki, horova veveke leivahaeaki, eharu herehere mai ikivere leivahaeaki, elare hiki v'arekaea.

Philemon 1:7

Ehovea ela va ave la ikiheroe mai v'ila ikiveveke leilula, ehovea a va ekalesia haela oaria a v'ila ikiveveke leivahaeape, apoheari e.

Hebrew 13:16

Ikiheroe mai veveke leikive iki ka hoapalue, ehovea Aualari lahovea horova ikivere iele.

1 Peter 4:11

Iroro oharo arive la haela, Aualari ve iroro oharo iele arive, heroe. Horova leiki la haela, Aualari ve horova hoveahovea leiki va heroe. Laria, Iesu Keriso ve okiharo ve, Aualari ve Rare iele morapaeakilai; areve rare mea oaria lei morapaeaki, Amene.