Matthew 6:1 - Pupu Oharo Āre 1963 Genese 1970 Rute 1972

¹ Kiva leila, eve meru haela oaria oropa ve hihika aikararue, e va laria la leikilava, e va kaia ve Oa ve kavale veveke aireaki aea va ka.

Matthew 6:1 Iomraidhean Croise

Matthew 16:27

Ehovea haela ve Akore areve Oa kai aneru ve haharika iele ila kihorerakilai. La hoa are haela oaria kavale leikilai, ereve horova hovea.

Matthew 16:6

Iesu erero mari maeaeape, Kiva auhohi leila, Pharisee haela i Sadducee haela ila ve pai avaki ave.

Matthew 23:13

Aka — Ikihuru e, hohoa haealula haela i Pharisee haela ila, opore haela e, ehovea e va kaia ve basileia haela v'ila kokauvahaelula: ehovea e kara leia arahava va ka — e va haela ae kara ve oki hereavalula.

Matthew 23:5

Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara.

Matthew 25:40

Amua erero kavale mari maeaeakilai, O iele, ara ero maeaeaive, Lae vi va, e va arave mari akore hekai iele la ikiheroe ma va laila, e va araro kara lari leipe.

Matthew 5:16

Eve ovava haela oropa ve hihika amoeakive, ere eve horova veveke laria ovohae eavakilai, eve kaia ve Oa ere morapaeakilai.

Matthew 5:46

E va ero ikiheheroe leivahaeaki la haela hiki ikiheheroe la leivahaeakilava, kavale le la avakilai? Tax korukaia haela la hovea leivahaea ve ka ha?

Matthew 5:48

E va mai veveke hiki leivahaeaki, eve kaia ve Oa ve mai veveke hoveahovea.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:9

E va ivaiva mari leikive: Elave Oa kaia akea, Ave rare hehe iele leikive.

Mark 8:15

Are erero ahilape maria, Kiva auhohi leila, Pharisee haela i Herod ila ve pai aeaki ave.

Luke 11:35

Kiva auhohi leila, ave ureve la ovava muru leiki ave.

Luke 12:1

La hoa haela oaria korukaiavahaeape, haela maeakoko, laelave haela ae haela ae ve loa la huharape. Are areve kilea haela aeka maria maeaeape, E Pharisee haela ve la mai kiva leila, ehovea leia ve hehepo mai iele.

Luke 12:15

Are erero maeaeape, E kiva leila e va e‐lahua haela ve mai hovea leivahaeaki ave — ehovea haela ve erohoho eharu oaria arero lei makuri va ka.

Luke 16:15

Are erero maeaeape: E va elare mai haela oropa ve hiki ehohoe leikive ikivere, aka Aualari eve iki ureve ore, ehovea haela momorupula la haela Aualari ve oropa ve heaha iele leilula.

John 12:43

Ehovea ere va Aualari ve morapaeaki oharo ikivere perehekai leivahaeape — haela ve morapaeaki oharo ere ikivere eapapo leivahaeape.

John 5:44

E va elarelare momorapulula oharo ikivere, laelave e va iki learia kelavakilai, Aualari ve kihoreaki la haharika e haropa va ka.

Horova 3:12

Peter erero eavi kavale maeaeape, Israel haela oaria e — e va ma haela v'ila horahora ehovealeve ha? E elaro ovohae auhohi eavaki ehovealeve?

Galatia 6:12

Elare maea pelaea leilula haela ere va ikivere ero peritome mai ve ahilakive, ehovea ere va ikivere ka satauro ve heraho avakive.

Hebrew 11:26

Keriso ve heraho are ikivere leipe; Egypt ve erohoho oaria are haure leipe, ehovea are aireaki la kavale mekakure iki kekelape.

Hebrew 2:1

Laelave, elaviila iapavahaeape la oharo oaria iki auhohi kelava va heroe, elaviila hihilaukaki ave.

Hebrew 6:10

Ehovea Aualari heaha va ka, are eve horova veveke haveva lei va ka, areve Rare morapaeape la horova, ehovea e va areve hehe haela kiva leivahaeape, kai ma hoa kara kiva leivahaelula.

2 John 1:8

E va elare mai kiva auhohi leivahaeaki — elaviila overa horova leivahaeape la eharu havoava v'arekaea, elaviila mai veveke ve kavale avakive heroe.