Matthew 5:7 - Pupu Oharo Āre 1963 Genese 1970 Rute 1972

⁷ Ikiheroe leilula haela ikiveveke ila ehovea ere kara ikiheroe avakilai.

Matthew 5:7 Iomraidhean Croise

Mark 11:25

E va ivaiva leiki hoa ero haeae leivahaeape haela ve haeae hapururukaila, laelave eve kaia ve Oa eve haeae kara hapurukavakilai.

Luke 6:35

E iri haela ikiheheroe lei veveke hiki leivahaeaki — aiarakive, kai ikihairihairi kalaivahaelue: e va aireaki kavale eapapo avakilai, ehovea e Akea ve Aualari ve akoremari leivahaeakilai, ehovea are heaha i ikiheahaha haela ila ikiheheroe leivahaevila.

Rome 11:30

Hoveahovea, e va overa hoa Aualari ve rare iki au kelavaila, aka e va ma hoa Aualari ve ikihuru koaraive, ehovea ereve ikikekelaki aue mai.

1 Corinth 7:25

Vilaita karaki aue la marita v'ila ara Amua ve pupu kilea va ka. Aka ara havahu ve ikikekela ero maeaeakilai, ehovea arave ikikekela Aualari ve ikiheroe ve okiharo ve lei ehoe leipe.

2 Corinth 4:1

Laelave, ela ma horova leivila hoa, ehovea Aualari elaro ikiheroe leivahaeape, ela va mahuka leivahaea va ka.

Ephesus 4:32

Elarelare ikiheheroe leivahaeaki, elarelare heaha hapururukaki, hovea hovea, Aualari, ehovea Keriso ve harihari, eve heaha kara hapururukape.

Colossae 3:12

Ehovea e va Aualari ve ikivere haela, hehe i mekaka iele, e va ikihuru kai ikiheroe kai maeoka kai makiri kai ikihairihairi leiki aue mai ila kiva auhohi leivahaeaki.

1 Timothy 1:13

Ara va oropa hoa haela heaha, ara va haela heaha iele hararuape; lae vi va, are araro ikihuru leipe, ehovea la va arave haveva i iki kekelaki aue hoa.

1 Timothy 1:16

Aka are araro ma ikihuru leipe iele ehovea arave ureve Iesu Keriso areve kakare oaria hihika amoeakive, ihova hovea, laelave aireaki ikikelavaki haela oaria ovokake haiapo aeakilai.

Hebrew 4:16

Laelave elaviila areve ikiheroe meru avakive oaoka kalaivahaelue. Laria are elaviilara ikihuru leivahaeakilai. Elaviilave heraho hoa areve la ikiheroe meru elaviilara koarakilai.

Hebrew 6:10

Ehovea Aualari heaha va ka, are eve horova veveke haveva lei va ka, areve Rare morapaeape la horova, ehovea e va areve hehe haela kiva leivahaeape, kai ma hoa kara kiva leivahaelula.

James 2:13

Ehovea ikiheroe leikiaue haela, heheavaki hoa ere arero ikiheroe lei va ka. Ikiheroe mai aireaki aheke leikilai, heheavaki hoa va mahuka.

James 3:17

Aka akea ve kihoauvila la ikiore va veverororo i mekakure ila, harita harita, heaha karia, ikihuru i mai veveke ila, hehepo i hihiri ila karia.

1 Peter 2:10

E va oropa hoa vilai‐ipi iele ka, aka ma hoa e va Aualari ve vila‐ipi havahu; e va areve ikihuru oropa au availa — ma hoa e ka le avi.