Matthew 5:30 - Pupu Oharo Āre 1963 Genese 1970 Rute 1972

³⁰ Ave mai ore ukai aro haeae la leikilava, koerapai aukapa: A ve veveke mai ukai i hiki heaha leikive, ave maea oaria Gehena ve a veaki ave.

Matthew 5:30 Iomraidhean Croise

Matthew 11:6

Ara ve hilauki aue la haela ikiveveke ila.

Matthew 13:21

Aka, are havahu elele iele karia, hare haroapoharoapo hiki aheke aeavila, aireaki heraho leiki la hoa, aka hararuaki la hoa, ehovea oharo, are haiapo ka le hilaukilai.

Matthew 16:23

Aka are helari Peter mari maeape, Satan e, a araro hararua va arekaea — a arave oropa hereavaki haela, ehovea ave ikikekela Aualari ve hovea ka, aka haela ve ikikekela hovea.

Matthew 17:27

Lae vi va — ela erero lei hihiri leivahaeaki ave — a ma haru poe ve hoauki kivai ra paraea — a oropa koheravaki la ekaka kaivi areve ape ra hapai, a ureve shilling haroapo leia koarakilai, erero ra aiaraki, elavaila ve rare ve.

Matthew 18:8

Ehoveala, ave mai aka loa aro ra hararuakilava, erero koerapai, aikilapa. Ave veveke perehekai maria loa ukai aka mai ukai karia ila ovokake ve basileia araeakive — aka mai ukai ukai loa ukai ukai ila, ere gehena ve laria hiki hahavila la a ureve aro ra paraeaki ave.

Matthew 22:13

Amua horova haela maeaeape, Arero mai loa ila hahai lai hoauki muru ita aukapaila. Leia hivavara oaria, kao kara heheavakilai.

Matthew 25:20

Taleni 5 aeape la haela taleni 5 kepea aikepe — kai mari maeape Amua e, a araro taleni 5 aikiarape — eavaki — ara va taleni 5 kepea koarape.

Matthew 26:31

Iesu erero aire mari maeaeape, Ma oroa hoa e oaria araro ikihairihairi leivahaeakilai. Ehovea overa hape oharo maria, Ara mamoe kiva haela harilai, kai areve mamoe oaria le titavakilai.

Matthew 5:22

Kahara, ara ero maeaeaive, areve apoheari hihiri naoae leiki la haela, gavana arero o heheavaki ave. Areve apoheari, Raka, maeaki la haela, Sanhedrin arero o heheavaki ave. Ihape oharo maeaki la haela, arero Gehena a veaki ave.

Matthew 5:29

Ave ovohae ore ukai haeae la leikilava, hauavi aukapa: A ve veveke ovohae ukai i hiki heaha leikive, ave maea oaria Gehena a veaki ave.

Mark 9:43

Ave mai ukai aro la hararuakilava, koerapa — veveke perehekai maria, mai ukai hiki karia, ovokake ve basileia araeakive, aka mai ukai ukai ila ere Hell ve laria hiki hahavila la a aro ure ve paraeaki ave.

Luke 12:5

Aka, e oaoka leiki la haela ara ero kileakilai — eve maea haeakilai, aireaki ero Gehena paraeakive ore la haela, e va oaoka arero leiki va heroe. Kaire, ara ero maeaeaive — e va arero oaoka lei va heroe.

Luke 17:2

Veveke, wheat hae haipepekaki have la haela ve karave heropakive, kai arero avavu iele paraeakive, are maria akore hekai hereavaki ave.

Rome 9:33

Overa oharo maria hape: Iapaila, ara va Zion ita haela lei hilaukive have aipape, hereavaki have eapapo. Areve rare ikikekelaki la haela oaria makiri leivahaea va ka.

1 Corinth 8:13

Laelave, arave apoheari aivau v'ila ikihorahora la leikilava, ara va mea oaria aivau le va ka, arave apoheari haeae leiki ave.

Galatia 5:11

Apavara, ara peritome mai la kileakilava, haela araro hararualula ehovealeve ha? Laria, satauro ve iele karia le leikilai.

1 Peter 2:8

Are va ere v'ila lei hihilauki have, Heraho leivila have: Ehovea oharo iele va erero au hereavalula, ehovea ere roaiarape la oharo ere va au iapaila.