Matthew 5:3 - Pupu Oharo Āre 1963 Genese 1970 Rute 1972

³ Haeala here ikiveveke ila ehovea kaia ve basileia ereve.

Matthew 5:3 Iomraidhean Croise

Matthew 11:25

La hoa Iesu mari ape, Oa e, kaia meahaiapo ila ve Amua, ara aro thankyou oharo ave ehovea ma eharu oaria ikiore maea hahe?-?hahe haela oaria a va au kileaila: a va ma eharu akoremari titaeka hiki la amoeavahaeape.

Matthew 11:6

Ara ve hilauki aue la haela ikiveveke ila.

Matthew 13:16

Kahara, e va ovohae ve ikiveveke leiro, ehovea ovohae auhohi eavalula, avako kara, ehovea oharo mekari iapailula.

Matthew 19:14

Aka Iesu maeaeape, Akoremari titaeka aikahukamaeailue ere va arave oki ka eke, ehovea ere va kaia ve basileia ve eharu veveke.

Matthew 24:46

Areve haelapo ve horova auhohi kiva leiki la haela are iki lari ra eavakilava, la haela ikiveveke leikilai.

Matthew 25:34

Areve mai ore ukai vea la haela Amua mari maeaeakilai — Ekeila, arave Oa momorapaevila haela — meahaiapo ipopeavape hoa e v'ila karikipe la basileia e mave avakive leiro.

Matthew 3:2

Areve oharo maria, Ikihelarivahaeaki, kaia ve basileia ekeki maia iele.

Matthew 8:11

Ara ero maeaeaive Kauri ukaki haela, hurava ukaki haela oaria aireaki ekevahaeakilai, ere Abraham, Jacob, Isaac ila Kaia ve basileia ureve hareho korukaiavahaeakilai.

Mark 10:14

Iesu laria eavi ikihairihairi eapapo leipe kai mari maeaeape, Akoremari titaeka arave oki kari ekeila, erero aikahukamaealue, ereve oropa va kahereavalue, kai hakaruarue, ehovea Aualari ve basileia ereve.

Luke 11:28

Aka are mari ape, Maria oharo va heroe — Aualari ve oharo iapai kiva auhohi leilula la haela va momorapuki.

Luke 18:14

Ara ero maeaeaive — Ma haela elare uvi ai iki ehoe le leipe, oropa la haela va ka: ehovea pelaea leivila la haela hilaukilai, maeoka la haela lei morapaeakilai.

Luke 22:29

Ara ero basileia avarakilai, hoveahovea arave Oa araro avikiarape.

Luke 22:30

E ara i hareho arave eapai haha ve basileia hoa avakilai. E va terona 12 akea ve Israel ve eravo 12 heheavakive avakilai.

Luke 4:18

Amua ve Ove ara i hareho aeavila, ehovea Are araro avikiarape horova — Merava haela ve iroro oharo arive: Are araro kiparaeape au hahaeape haela hehelaukakive oharo maeaeakive, ovohae kariri haela ve ovohae kohehelaukakive oharo arive, maea kakare koarape haela maea mekaka leivahaeakive;

John 20:29

Iesu arero maeape. Ehovea a araro laeavila ava iki lakekelaila. Au eavaila kai iele iapape la haela ere ka veveke iele.

James 1:10

Erohoho haela ipi ve leiki la hoa kara ikiveveke leikive, ehovea mea ve la hohe i pupuri ila hoveahovea, are karia leikilai.

James 1:12

Amuraeaki hoa aheke leiki haela ikiveveke leikilai, ehovea amuraeharae karia leiki la hoa are ovokake iele ve korona avakilai. Amua arero ikivere leilula haela oaria okoare ape la ovokake.

James 2:5

Apavara e, ikiheroe: Aualari meahaiapo merava leivahaeape haela, basileia ve erohoho haela hovea itavavahaeape: Arero iele ikivere leivahaealula haela la basileia are okoare maeape.

Apokalupto 19:9

Are araro kimaeape, Hohoa harive: Mamoe Akore ve uva laeaki hurae ve itavavahaeape haela oaria lei mekaka leivahaeaki. Are araro kimaeape, Ma va Aualari ve oharo iele havahu.

Apokalupto 22:14

Areve pupu iapai kiva leivahaelula la haela ikiveveke kara leivahaeakilai, ehovea ovokake kora ve iele ereve eharu: ere va okiape havahu leia ve karikara pekahavakilai.

Apokalupto 3:17

Ehovea eve oharo maria, Ara va erohoho haela, eharu oaria ila, ara va ikivere eharu aea karia. A va haveva, ava o iele maea hovea ka, heaha hiki, merava kai ovohae kariri, kai maheare ila.