Matthew 5:22 - Pupu Oharo Āre 1963 Genese 1970 Rute 1972

²² Kahara, ara ero maeaeaive, areve apoheari hihiri naoae leiki la haela, gavana arero o heheavaki ave. Areve apoheari, Raka, maeaki la haela, Sanhedrin arero o heheavaki ave. Ihape oharo maeaki la haela, arero Gehena a veaki ave.

Matthew 5:22 Iomraidhean Croise

Genese 37:4

Areve apoheari eavape areve oa arero ikivere eapapo leipe, erero kai perehekai, ere arero ikiheaha leivahaeape; ere arero oharo veveke maeakive ikivere au leila.

Genese 37:8

Areve huhohoaha arero maeape: “O iele, a va elave amua haela leikilai ha? A va elave oropa haela leikilai ha?” Laelave ere arero aeka hihiri leivahaeape, ehovea areve ivahi i oharo ila.

Matthew 10:17

E va haela oaria kiva auhohi leila: ehovea ere va ero Sanhedrin oropa ve kari auvahaeakilai, ere ero synagogue ureve huhari haeakilai.

Matthew 10:28

Eve maea iilu haealula la haela oaoka kalailue, ere va ove he va haveva. O iele, maea iilu ove ila Gehena hoa haeaki ore la haela, e va arero oaoka eapapo leivahaeaki, heroe.

Matthew 12:24

Pharisee haela la oharo iapai mari maeaeape, Ma hilavila ovehahu haruapavila, ehovea Beelzebub ovehahu ve amua ve aheke.

Matthew 17:5

Are oharo ape leia, meuru ovava ila erero aerape. Iapaila meuru ureve ara hape maria, Maia va ara iki akore, ara arero ikivere havahu. E areve oharo ra iapai.

Matthew 18:21

Peter arero kai iki mari maeape, Amua e, ara arave apoheari araro haeae leiki hoa leavaila hapururukakilai ha? Hoa 7 ha?

Matthew 18:35

Lahovea, e va iki ureve ero haeae leilula haela ve haeae ra hapururukaki aue ra leikilava, arave kaia ve Oa ero lari leikilai.

Matthew 23:15

Ikihuru e, hohoa haealula haela i Pharisee haela ila, opore haela e, ehovea e ahea i mea ila helari hupakai ikihelariki haela haroapo paeakive — aka e arero paeaki la hoa e va arero heaha havahu leivahaelula — e havahu ve la heaha hoveahovea.

Matthew 23:33

Ekaroa e, ekaroa ve vilakao e, eve Gehena va heaha leiki hoa leari ovokake lei hukaukilai ha?

Matthew 25:41

Are areve mai keva ukai la haela mari maeaeakilai, E va haela heahaha ita lahua auila, lari hiki hahavila a ve, diabolo aneru ila ve overa karikipe la a.

Matthew 26:59

Oharo haela, haela hoaha ila, counsellor haela oaria kara, Iesu ve rare ve naoae naoae opopoe hukavai haela haropape, ehovea arero harive.

Matthew 3:17

Ara kaia ve hape maria, Maia ara iki Akore havahu, ara are v'ila ikiveveke leivila.

Matthew 5:34

Kahara, ara ero mari maeaeaive, Kaia ve rare ve, ehovea Aualari ve terona la, o iele oharo e va arekaea.

Matthew 5:44

Ara ero mari maeaeaive, E i iri haela ikiheheroe leikive, ero o heaha maeaeaki la haela o ai momorapukive — ero aeha leiki la haela kavale veveke hiki leivahaeaki — ero haeae leiki hararuaki ila la haela ve ivaiva arive.

Mark 14:55

Oharo haela, Counsellor haela oaria ila Iesu ve rare ve hahaki hukavaki haela haropape, aka ere va au koaraila.

Mark 15:1

La vevelare oharo haela i haela hoaha i hohoa haelula haela i council haela oaria ila oharo hukavape. Ere Iesu hahai Pilate oropa ve lai aupe.

Luke 12:5

Aka, e oaoka leiki la haela ara ero kileakilai — eve maea haeakilai, aireaki ero Gehena paraeakive ore la haela, e va oaoka arero leiki va heroe. Kaire, ara ero maeaeaive — e va arero oaoka lei va heroe.

Luke 22:66

Vevelare, mea vitovito hoa, haela hoaha i oharo haela i hohoa haealula haela ila hareho korukaiavahaeape. Ere arero ereve oharo hukavaki ita lai ai mari maeape, A va Keriso la leikilava, elaro kimaeaeaki.

John 11:47

Oharo haela i Pharisee haela ila hareho Council ve korukaiavahaeai mari maeape, Elaviila leari leikilai ha? Ehovea ma haela ihova oaria leivahaevila.

John 15:25

Maria iele leipe, ehovea ereve pupu buka haeape la oharo iele le horerakilai, Ere va araro ikiheaha leivahaeape, ehovea iele karia.

John 7:20

Haela arero kavale maeape, A va ovehahu ila — aro harive leita la haropalula ha?

John 8:48

Jew haela arero kavale maeape, Elava oharo iele maeaive — A ka Samaria haela, a va ovehahu ila?

Horova 17:18

Epicurean i Stoic ikiore haela arero koarape. Uku mariape, Ma haela le naoae naoae oharo hukavavila ha? Uku mariape, Are va harihu eharu lahua oharo hukavavila la, ehovea are Iesu api kai uroupe la oharo iroro ape.

Horova 22:30

La opoa hare, ehovea are ikivere ore leikive ehovealeve Jew haela are v'ila hahaki oharo maeape, are horou helaukai, oharo haela i council haela oaria ila korukaiakive oharo maeape. Are Paul lai kihoai ereve aru hihi ve aepape.

Horova 23:1

Paul council haela auhohi eavi mari maeaeape, Apavara — ara Aualari oropa ve iki ehoe ila aeaveape ikiki ma hare.

Horova 24:20

Aeka, ara council ve oropa ve epavape la hoa, ere arave leia eavape la haeae hihika maeaeakive, heroe.

Horova 4:15

Ere erero council ve mahokaea ve paparaehai elarelare oharo hukavape:

Horova 5:21

Ere ma oharo iapai, mea opape hoa ere Hehe Uvi pekahavi haela oaria kileavahaeape. Aka Akea oharo haela i are i hareho loape haela, elare council haela i Israel akoremari ve council ila korukaiavahaeai, haela uku uvi muru paparaehai erero kari ekevahaeakive.

Horova 5:27

Ere erero kari iki council haela oropa ve aipevahaeape. Akea oharo haela erero mari maeaeape,

Horova 6:12

Ere karikara haela i haela hoaha i hohoa haealula haela kurupaeape, ehovea arero mai pai council ve oropa ve lai ekekive.

Horova 6:15

Council avape haela oaria areve oropape aneru ve oropape hovea hovea eavape.

Horova 7:37

Ma va la Moses — are kai Israel akoremari maeaeape, Peroveta ara hovea Aualari eve apavara v'ila lai urapakilai.

Rome 12:10

Elarelare ikiheheroe leivahaeaki, apavara hovea, elarelare momorapu va heroe.

1 Corinth 6:10

Eharu korea haela kai korea ikivere haela, ma heaha lala ihape leilula haela, o heaha haela kai moni korea haela: ere oaria Aualari ve basileia ava va ka.

1 Corinth 6:6

Aka apoheari i apoheari ila elare heheavalula, aeva la heheavaki horova va ikikelavaki aue haela ve oropa ve.

1 Thessalonia 4:6

Aeva haela ae elare apoheari ma mai v'ila haeae lei v'arekaea. Ehovea Aualari lahovea haeae oaria kavale leikilai, ela va ero overa kileavahaeape la mai hovea.

Titus 3:2

Ere haela ae ve rare o heaha kavahaelue, hahari kalaivahaelue, ikiheroe mai leivahaeaki; haela oaria hoveahovea ikihuru leivahaeakive.

Hebrew 12:25

Oharo kileaki la haela ve oharo haure leivahaea v'arekaea. Ehovea meahaiapo hoa au kileape oharo hahaure leivahaeape la haela heaha leivahaeape. Laelave elaviila kaia ve la kileaki oharo hahaure la leivahaeakilava, elaviila heaha eapapo koarakilai.

Hebrew 5:9

Laelave are mekakure leipe — are va ovokake haiapo iapailula oaria ve avarape.

James 2:20

Aka — a va auhohi iapaki, a pelaea iele haela, horova mai karia ila la ikikekela va iele karia.

James 3:6

Auri are va a kae hovea, heaha eapapo leikive hovea: elaviilave maea ve eharu oaria are heaha leikive ore: are va a hovea Hell ve horova heaha eapapo leikive ore.

1 Peter 2:23

Haela arero o heaha maeape la hoa, are kavale o heaha au kimaeaila. Are kakare koarape la hoa are hihiri au leila; are ehoe heheavila la Oa iki kekelape.

1 Peter 3:9

Heaha ve kavale heaha kavararue; hihiri ve kavale hihiri kalailue; aka oharo veveke hukavaki — ehovea e v'ore, e v'aireaki veveke koarakilai, ero itavavahaeape iele va la.

1 John 2:9

Haela ae ovava ureve aeavila oharo la maeakilava, kai apoheari ikiheaha la leikilava, are va muru hoa iele aeavila ikiki mahau.

1 John 3:10

Mahovea Aualari ve akoremari hihika leilula, diabolo ve akoremari kara. Mai ehoe leivahaeaki aue haela va Aualari ve akore va ka. Apoheari ikiheroe leiki aue la haela kara.

1 John 5:16

Haela ae elare apoheari ve haeae la eavakilava, la haeae heaha havahu ka, are are v'ila ovokake apevelavela leikilai; are kai ovokake avakilai, ehovea areve haeae heaha havahu ka. Mai haeae heaha havahu le apearo.

Jude 1:9

O iele akea ve aneru Michael, are Moses ve maea v'ila Satan hahari ape la hoa, arero heheo oharo maeakive ikivere au leila aka are mariape, Amua aro erereakilai,

Apokalupto 20:14

Apaki hoa i Hell ila a ila la ma haru ureve koavape. Ma va aireaki apaki hoa.