Matthew 5:18 - Pupu Oharo Āre 1963 Genese 1970 Rute 1972

¹⁸ O iele ara ero maeaeaive, aiai kaia meahaiapo ila kari leikilai, pupu ve iota haroapo aka hohoa haroapo ila havoava va ka, aiai eharu oaria hareho iele leivahaeakive.

Matthew 5:18 Iomraidhean Croise

Matthew 10:15

O iele ara ero maeaeaive, Aireaki heheavaki hoa Sodom Gomorrha ila perehekai veveke koarakilai, aka la karikara veveke koara va ka.

Matthew 10:23

Ere ero karikara aeve ra hararuakilava, urahuka karikara aeva auki. O iele, ara ero maeaeaive, e va Israel ve karikara hareho pekahava va ka aiai haela ve Akore aeka kihoaukilai.

Matthew 10:42

Arave ma akore hekai haroapo au lari ma koa hekako haroapo avaraki la haela, kilea haela ve rare ve, o iele, ara ero maeaeaive, are kavale veveke aireaki havoava va ka.

Matthew 11:11

O iele, ara ero maeaeaive, Uavila erape haela oaria ere John Bapatiso aire ve. Kahara, ara ero maeaeaive, Kaia ve basileia ve ipi havahu haela areve akea ve.

Matthew 13:17

O iele, ara ero maeaeaive — peroveta haela, mai ehoe haela ila oaria iele, e va eavavahaeaki la eharu eavaki ikivere leivahaeape, e va iapavahaeaki la eharu ere iapaki ikivere leivahaeape, aka au iapaila.

Matthew 16:28

O iele, ara ero maeaeaive, Maia epavaki uku haela apihaea mai ore lei va ka aiai ere haela ve Akore ve basileia ve ekeki hoa ra eavakilai.

Matthew 17:20

Iesu erero mari maeaeape, Ehovea eve ikikekela hekai iele. Ehovea, o iele, ara ero maeaeaive, Eve ikikekela mustard hae haroapo hovea ra leikilava — e va ma kela ra maeakilai, Lale ita apehai aula, kai are aukilai. Horova oaria eve aheke hoveahovea leikilai. E va eharu ae va aupovearaila.

Matthew 18:18

O iele ara ero maeaeaive, E va meahaiapo ve hahaeaki la eharu, kaia akea kara hahaeakilai, e va meahaiapo ve hehelaukaki la eharu, kaia akea kara hehelaukakilai.

Matthew 18:3

Are mari maeaeape, O iele ara ero maeaeaive, E va iki helarivahaeaki aue ra leikilava, akoremari titaeka hovea leivahaeakive, e va kaia ve basileia ure ve arahava va ka.

Matthew 19:23

Iesu helari kilea haela maeaeape, O iele ara ero maeaeaive — Erohoho oaria ila la haela kaia ve basileia ure ve araeaki va heraho iele.

Matthew 19:28

Iesu arero maeape, O iele, ara ero maeaeaive, E araro airekai ekevahaeape haela, basileia are horeraki la hoa, haela ve Akore areve morapaeaki haha akea ve haiavaki la hoa, e kara terona 12 akea ve avakilai, kai Israel ve hiru 12 heheavakilai.

Matthew 21:21

Iesu erero kavale maeaeape, O iele ara ero maeaeaive, Eva ikikekela ila kai iki horahora leikiaue ra leivahaeakilava, e va ma suke kora leipe horova hiki lei va ka, aka e va ma kela ra maeakilava, Ita lahua aula, ahea ma ve hareavi aula, are lari leikilai.

Matthew 21:31

Le la akore areve oa ve oharo iapai leipe ha? Ere arero kavale maeape, Akore koare. Iesu erero maeaeape, O iele, ara ero maeaeaive — tax korukaia haela harari uavila ila Aualari ve basileia oropa arahavakilai, e oaria erero aire ve.

Matthew 23:36

O iele ara ero maeaeaive, Ma haeae oaria ve mehau ma vilakao aeakilai.

Matthew 24:2

Iesu erero maeaeape, E va ma eharu oaria eavavahaeaila: O iele ara ero maeaeaive, Maia have aeva have akea ve aireaki aea va ka, uvi oaria hareho hukilala paraeakilai.

Matthew 24:47

O iele ara ero maeaeaive, Are areve eharu oaria ve kiva leiki ve maeakilai.

Matthew 25:12

Aka are kavale maeaeape, O iele, ara ero maeaeaive, ara ero ore va ka.

Matthew 25:40

Amua erero kavale mari maeaeakilai, O iele, ara ero maeaeaive, Lae vi va, e va arave mari akore hekai iele la ikiheroe ma va laila, e va araro kara lari leipe.

Matthew 25:45

Are erero kavale mari maeaeakilai, O iele ara ero maeaeaive, Lae vi va — e va mari akore hekai ikiheroe mai leikiaue ra leikilava, e araro kara ikiheroe au leila.

Matthew 5:26

O iele, ara aro maeaive, a va aire kihoau va ka, karia karia iele havahu, aiai a kavale eapapo hareho lei karia leikive.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:2

Laelave, a va meru avaraki la hoa, puva ave oropa kahohoalue, opore haela synagogue ureve, karikara hihi ve leilula hovea, ehovea haela erero momorapukive. O iele, ara ero maeaeaive, ereve kavale ere mave avaro.

Matthew 8:10

Iesu la oharo iapai ikihorahora eapapo leipe. Are areve aireaki auvahaeape la haela maeaeape, O iele, ara ero maeaeaive, ara haela ve ikikekela maria va au koaraila Israel ve hoa.

Mark 10:15

O iele ara ero maeaeaive — Haela Aualari ve basileia akore hekai maea ve iki hovea avaki aue ra leikilava, are va leia araea va ka.

Mark 10:29

Iesu kavale maeaeape, O iele, ara ero maeaeaive — uvi, aka apoheari aka maritaloa, aka oa, aka lou, aka uva, aka akoremari, aka elare mea, haitapape la haela oaria, ehovea arave harihari, kai ehovea oharo veveke ve harihari—

Mark 11:23

Ehovea o iele ara ero maeaive — Haela va ma kela ra maeakilava, Aula — ahea ma hihi ve hoaukive, kai iki ureve horahora karia ra leikilava, kai are maeaki la eharu iele leikive ra kekelakilava, are maeaki la eharu are iele le leikilai.

Mark 12:43

Are va areve kilea haela itavavahaeai mari maeaeape, O iele ara ero maeaeaive — ma uamari dedehi merava, are va oaria paparaehape, erohoho haela oaria areve hovea au leila.

Mark 13:30

O iele ara ero maeaive, ma vilakao karia lei va ka aiai ma eharu oaria hihi horera ka leikilai.

Mark 14:18

Ere eapai lalavahaeape la hoa Iesu maeaeape, O iele ara ero maeaeaive: Ela i hareho eapai lalavila haela ae araro hihila epakilai.

Mark 14:25

O iele ara ero maeaive ara va vine apu aireaki le va ka, aiai ara va Aualari ve basileia ureve are larilai.

Mark 14:30

Iesu arero maeape, Ara aro iele ra maeaive, ma hare, ma oroa havahu, a hoa irehoila hoa araro oropa hehepo leikilai, kokora mea hi aire arilai.

Mark 14:9

O iele ara ero maeaeaive — Oharo Veveke kopurapaki la ita oaria hareho ma uamari ve hari oharo kara kopurapakilai, ehovea areve rare haela oaria iki kelavakilai.

Mark 3:28

O iele ara ero maeaeaive, haela ve akoremari ve haeae oaria hapururukakilai, aeva ereve naoae naoae o heaha oaria kara.

Mark 6:11

Ero auhohi leiki aue ra leikilai la haela kai eve oharo iapaki aue ra leivahaeaki la haela, e va la ita harepaki hoa eve loa hara ve kekele mahuvu leia ve hareavaki, ihova erero kileakive. O iele ara ero maeaeaive, aireaki heheavaki hare ve Sodom i Gomorrah ila perehekai veveke leikilai, aka la karikara veveke lei va ka.

Mark 8:12

Are ove ve iki hoara mari maeaeape, Ehovea leve ma vilakao ihova ra haroparo ha? O iele ara ero maeaive — ma vilakao ihova ava va ka.

Mark 9:1

Are erero maeaeape, O iele, ara ero maeaive, maia lai pavakila uku haela apihaea va ore va ka aiai ere Aualari ve basileia aheke ila kihoreaki eavakilai.

Mark 9:41

Haela ero ma hekako haroapo arave rare ve ra leikilava, ehovea e va Keriso ve haela, o iele ara ero maeaeaive, are va kavale veveke havoava va ka.

Luke 11:51

Abel ve hoa aiai Zachariah ve apu kaitaupe la hoa (arura haha i hehe ita aru hihi ve apape la haela), o iele ara ero maeaeaive ere ma vilakao la kavale leikive maeakilai.

Luke 12:37

Amua iki la haela kiva va laila eavakilai, are erero momorapukilai. O iele ara ero maeaeaive — are va elare hopa erekai hahai erero eapai larive avakive maeaeakilai — are havahu elare mai ve eapai erero aiarakilai.

Luke 13:35

Iapai, eve uvi haua ka le leipe — ara ero maeaeaive — e va araro eava va ka aiai e maeakilai, Amua ve rare v'ila ekeki la haela morapaeaki.

Luke 16:17

Heraho perehekai ma, kaia i meahaiapo ila karia leikive, aka pupu ve oharo haroapo hekai iele havoavakive heraho eapapo.

Luke 18:17

O iele ara ero maeaeaive, Aualari ve basileia akore hekai hovea avaki aue la haela, are iele havahu leia araea va ka.

Luke 18:29

Are erero maeaeape, O iele ara ero maeaeaive — Areve uvi aka uva, aka apavara, aka oalou, aka akoremari, haela la hakorepakilava ehovea Aualari ve basileia,

Luke 23:43

Are arero maeape, O iele, ara aro maeaive — mahau hare a ara i hareho Paradise apeakilai.

Luke 4:24

Are erero maeaeape, Ara ero maeaive — Peroveta haela are havahu ve la ita haela hahaure leilula.

John 1:51

Are arero maeape, O iele, o iele, ara aro maeaive, aireaki hoa a va kaia hapaila eavakilai, kai Aualari ve aneru pekahavaki kihoahukaki v'ila eavakilai.

John 10:1

Iele havahu, ara ero maeaeaive mamoe ve kara okiape havahu ve hoauki aue, kara ikupa muruhari hareauki la haela, are va opore korea haela va la.

John 10:7

Laelave Iesu erero aeka maeaeape, O iele havahu, ara ero maeaeaive — mamoe oaria ve okiape ara ma.

John 12:24

Iele havahu, ara ero maeaeaive wheat hae haroapo are va kekele ve hohoai apaki aue la leikilava, are lahua le aeakilai, aka are la apakilava, areve iele oaria huhoreavakilai.

John 13:16

Iele, iele, ara ero maeaeaive — horova haela areve haelapo ve akea ve lei va ka — aeva paraeape la haela arero paraeape haela ve akea ve lei va ka.

John 13:38

Iesu arero maeape, A va elare ovokake ara v'ila avarakilai ha? O iele ara aro maeaive — kokora hi e va ka, aiai a va oropa ara v'ila hoa three hehepo leikilai.

John 14:12

O iele, ara ero maeaeaive — araro ikikekela la haela ara leivahaevila la horova are kara leivahaeakilai. Are kai horova ehoaha ae va leivahaeakilai, ehovea ara Oa ve leia pekakilai.

John 16:20

O iele, ara ero maeaeaive — E va hivavara arilai, aka meahaiapo ikiveveke leikilai, e va ikihuru leivahaeakilai, aka eve ikihuru koelari ikiveveke le leikilai.

John 16:23

La hare e va araro eharu ae velavela leiva ka — O iele ara ero maeaeaive — e va lela eharu aea velavela la leikilava, are arave rare v'ila avarakilai.

John 21:18

O iele, o iele, ara aro maeaive — ave harokou hoa a va elare pura hahape: ave ikivere oki a le aupe. Aka ava haela eapapo leiki la hoa a va mai horapai haela ae aro pura hahakilai, kai ava ikivere leiki aue la okiharo are aro oraiavi aukilai.

John 3:11

O iele ara aro maeaive, Ela va ore la eharu ela hukavalula, ela eavape la eharu ela vavavaelula, aka elave oharo e kelava va ka.

John 3:3

Iesu arero kavale maeape, O iele, O iele, ara aro maeaive — haela ae va āre epaki aue la leikilava, are Aualari ve basileia eava va ka.

John 3:5

Iesu arero kavale maeape, O iele, O iele, ara aro maeaive. Haela ma i ove v'ila epaki aue la leikilava, are Aualari ve basileia araeakive hovea lei va ka.

John 5:19

Iesu erero kavale maeaeape, Akore lahua horova lei va ka, aka are Oa leivila eavape horova la leikilai, ehovea are leivila la eharu, Akore kara laria leivila.

John 6:26

Iesu erero kavale maeaeape, O iele, o iele ara ero maeaeaive — eva araro la haropila iele ehovea horova veveke ikivere va ka, aka, ehovea e pai lalavahaeai eharau huharavahaeape.

John 6:32

Iesu erero maeaeape, Iele havahu ara ero maeaeaive — Moses ero la eapai kaia ve au avaraila. Arave Oa kaia ve la pai iele avarakilai.

John 6:47

Iele havahu, ara ero maeaeaive — araro ikikelavaki la haela ovokake haiapo apeakilai.

John 6:53

Iesu erero maeaeape, Eva haela ve Akore ve aivau i apu ila le aue la leikilava, e va ovokake leivahaea va ka.

John 8:34

Iesu erero kavale maeaeape, Mai heahaha leilula haela ere va mai heaha ve horova v'ila au hahaiape haela.

John 8:51

O iele havahu ara ero maeaeaive — haela arave oharo iapai kiva la leikilava, are apaki hoa eava va ka.

John 8:58

Iesu erero maeaeape, O iele havahu, ara ero maeaeaive — Abraham va aireaki, ara va oropa aeaveape.

1 Peter 1:25

Aka Amua ve oharo aiai karia lei va ka. Ma oharo iroro ve la okiharo v'ila ero kai kileavahaeape.

Apokalupto 20:11

Ara terona eapapo houhuka iele eavape. Terona akea ve haiavape la Amua ve oropa ve, kaia i meahaiapo ila oaoka lei hukaupe: ereve ita au koaraila.