Matthew 5:16 - Pupu Oharo Āre 1963 Genese 1970 Rute 1972

¹⁶ Eve ovava haela oropa ve hihika amoeakive, ere eve horova veveke laria ovohae eavakilai, eve kaia ve Oa ere morapaeakilai.

Matthew 5:16 Iomraidhean Croise

Matthew 23:5

Aka ereve horova oaria ere va ikivere haela hihika eavakive — ereve phylactery huraha leivahaelula, ereve pura kao oaria kara.

Matthew 23:9

Ae va meahaiapo hoa haela oa rare ka itavalue — ehovea e va Oa haroapo hiki — kaia akea ve la Oa.

Matthew 5:45

Ehovea e va kaia ve Oa ve akoremari iele havahu leivahaeakive, ehovea areve hare haela veveke haela heahaha ila ve hareho pekavila, areve lai — mai ehoe haela i mai haeae haela ila ve hareho ihauvila.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:9

E va ivaiva mari leikive: Elave Oa kaia akea, Ave rare hehe iele leikive.

Matthew 9:8

Haela oaria la horova eavi iki oaoka leivahaeape. Ere Aualari ve rare morapaeape ehovea are haela aheke laria avarape.

Luke 11:2

Are erero maeaeape, E va ivaiva leiki hoa oharo mari ari, Oa e, ave rare lei morapaeaki — Ave basileia ekekive —

John 15:8

Arave Oa ve morapaeaki eharu iele mae — e va iele oaria horeavakive, laria e va arave kilea haela iele.

Horova 9:36

Joppa karikara aeaveape kilea uamari rare Tabitha (uri aea ve rare Dorcas) are va horova veveke oaria leivila uamari, kai mea oaria Aualari v'ila meru veveke aiarape.

1 Corinth 14:25

Laelave areve iki ureve hihika le leikilai. Are va haro ekaopi Aualari morapaeakilai. Are e v'ila maria maeaeakilai, Aualari e i hareho aeavila.

2 Corinth 9:13

E va ma horova la leivahaeakilava, haela oaria Aualari morapaeakilai, ehovea e va areve horova iele koarailula, Keriso ve iroro ve okiharo ve, aeka, ehovea e va la haela kara ikiheroe eapapo leivahaelula.

Galatia 1:24

Ere ara v'ila Aualari ve rare morapaeape.

Ephesus 2:10

Ehovea elaviila are karikivahaeape eharu, Iesu Keriso v'ila karikivahaeape aiai horova veveke leikive. Aualari elaviilave la horova mekaka oaria ikivere overa leivahaeape.

Ephesus 5:8

Ehovea e overa hoa muru ka apearoape — Ma hoa e va Amua ve ovava akoremari. Ovava akoremari hoveahovea apeakive, heroe.

1 Thessalonia 2:12

Ehovea ela v'ikivere e Aualari oropa ve oki ehoe auvahaeakive, ero basileia i mekakure v'ila itavape la Aualari.

1 Timothy 2:10

Aka (Aualari ve mai ikivere uavila hovea) horova mekaka oaria leivahaeaki va heroe.

1 Timothy 5:10

Hari veveke la uavila hiki, ehovea ereve horova veveke. Are akoremari kiva leivahaeape, aka hahi haela kiva leivahaeape, aka hehe haela ve loa huhelavape, heraho haela koarape, horova veveke oaria kiva leivahaeape la uavila hiki hoveahovea.

1 Timothy 5:25

Laria kara, uku haela ve horova veveke haela ae ore elavelave leivahaelula, aka aireaki hare la haela, haela erero ore leivahaeakilai.

1 Timothy 6:18

Erero ahilaki — ere ikiheroe mai leivahaeaki, horova veveke leivahaeaki, eharu herehere mai ikivere leivahaeaki, elare hiki v'arekaea.

Titus 2:14

Ehovea are elare maea avarape elaviilara mai heaha ve lei makukurikive. Are are havahu ve ikivere haela, mai veveroro i horova veveke ila haela oaria elare le korukaiavahaeakilai.

Titus 2:7

A havahu ve horova veveke ereve ihova la. Ave kileaki oharo haeae kalailue, o iele i ehoe ila kileakive.

Titus 3:14

Elaviilave haela horova oaria mekaka auhohi leivahaeakive, heroe, ere va naoae naoae kapealue.

Titus 3:4

Aka aireaki hoa Aualari haela oaria v'ila leipe la ikiheroe hihika kihorerape.

Hebrew 10:24

Elaviila elarelare ikiheheroe mai i horova veveke ila kiva auhohi leivahaeakilai.

1 Peter 2:12

E va ita lahua haela oropa ve oharo ehoe hiki hukavaki. Ere va eve rare heaha arula, mai heaha haela hovea, aka ere eve horova mekaka oaria ovohae la eavakilava, eve heheavaki hoa ere Aualari morapaeakilai.

1 Peter 2:9

Aka e va Aualari ve ikivere leipe vilakao, amua ve oharo haela, hehe hiru iele, au itavape vila‐ipi, ehovea ero muru hoa ve aiai ovava hoa mekakure iele itavape la Amua ve morapaeaki oharo arive.

1 Peter 3:1

Hoveahovea, e uavila eve vilaita kiva auhohi leivahaeaki. O iele uku vilahoaha oharo au iapaila, aka ere va ereve uavila ve mai veveke v'ila iki helarivahaeakive, oharo hiki iapa ka.

1 Peter 3:16

Eve iki ehoe leivahaeaki; ere eve rare lei heaha la leikilava, mai hahaeae haela hoveahovea, ere makiri leivahaeakilai, ehovea eve mai oaria veveke hiki; Keriso ve hoveahovea.

1 Peter 4:11

Iroro oharo arive la haela, Aualari ve iroro oharo iele arive, heroe. Horova leiki la haela, Aualari ve horova hoveahovea leiki va heroe. Laria, Iesu Keriso ve okiharo ve, Aualari ve Rare iele morapaeakilai; areve rare mea oaria lei morapaeaki, Amene.

1 Peter 4:14

Eve rare heaha la leikilava, ehovea Keriso ve harihari, ikiveveke leivahaeaki; ehovea Aualari ve Ove mekakure e v'ila aeakilai. Ere areve rare heaha leilula. E va areve rare morapaealula.