Matthew 5:10 - Pupu Oharo Āre 1963 Genese 1970 Rute 1972

¹⁰ Haela hararualula la haela ehovea ereve mai ehoe, ere ikiveveke ila ehovea kaia ve basileia ereve.

Matthew 5:10 Iomraidhean Croise

Matthew 10:23

Ere ero karikara aeve ra hararuakilava, urahuka karikara aeva auki. O iele, ara ero maeaeaive, e va Israel ve karikara hareho pekahava va ka aiai haela ve Akore aeka kihoaukilai.

Matthew 19:14

Aka Iesu maeaeape, Akoremari titaeka aikahukamaeailue ere va arave oki ka eke, ehovea ere va kaia ve basileia ve eharu veveke.

Matthew 25:34

Areve mai ore ukai vea la haela Amua mari maeaeakilai — Ekeila, arave Oa momorapaevila haela — meahaiapo ipopeavape hoa e v'ila karikipe la basileia e mave avakive leiro.

Matthew 5:3

Haeala here ikiveveke ila ehovea kaia ve basileia ereve.

Mark 10:14

Iesu laria eavi ikihairihairi eapapo leipe kai mari maeaeape, Akoremari titaeka arave oki kari ekeila, erero aikahukamaealue, ereve oropa va kahereavalue, kai hakaruarue, ehovea Aualari ve basileia ereve.

Mark 10:30

ere hoa 100 hovea aeakilai, ma hoa havahu, uvi, kai apoheari, kai maritaloa, kai lou, kai akoremari, kai mea, aka hararuaki kakare kara, kai aireaki basileia hoa, ovokake aiai kari lei va ka.

Luke 21:12

Aka ma eharu aireaki, ere va oropa ero mai papaehai hararuakilai, ere ero synagogue i uvi muru ila paparaehakilai, ere ero amua i gavana haela ila oropa ve arave rare v'ila kari auvahaeakilai.

Luke 22:29

Ara ero basileia avarakilai, hoveahovea arave Oa araro avikiarape.

Luke 6:20

Are helari kilea haela oaria ovohae eavavahaeai mari maeaeape: E merava haela iki veveke leila, ehovea Aualari ve basilea e ve.

Luke 6:22

Haela ero ikiheaha lei ero la hararuakilava kai o heaha la maeaeakilava, kai eve rare hahaure lei, heaha lari la leikilava, e oaria ikiveveke leivahaeaki, ehovea haela ve Akore ve harihari.

John 15:20

Ara ero lamaeaila la oharo ikikelavaki — horova haela areve haelapo ve akea ve va ka. Ere araro hararua la lailava, ere ero kara hararuakilai. Ere arave oharo kiva la lailava, ere eve oharo kara kiva leivahaeakilai.

Horova 5:40

Ere areve oharo iapape. Ere aposetolo haela itavi haru hai, ape karava maeaeape, Iesu ve rare kakilealue, kai erero paparaehape.

Horova 8:1

Saul arero harive ikivere leipe. La hoa Jerusalem apealula la ekalesia haela oaria, ereve eapapo hararuaki hoa ipopeavape. Ere oaria Judea i Samaria ila la kaipu karikara ve titavape, aposetolo haela hiki au titavaila.

2 Corinth 4:17

Ela va aireaki ovokake hoa ikiveveke eapapo koarakilai, ehovea ma hoa ve kakare i heraho leiki hoa.

Philippi 1:28

E va iri haela oaoka ka leivahaelue, ereve heaha leiki oki va la, aka eve ovokake okiharo, Aualari ve la ovokake.

2 Timothy 2:12

Elaviila are i hoa haroapo kakare la leivahaeakilava, elaviila are i hareho amua horova leivahaeakilai. Elaviila arero hahaure la leivahaeakilava, are kara elaviilara hahaure leivahaeakilai.

2 Timothy 3:11

Haela araro hararuape, arave heraho oaria koarape. A v'ore ara va Antioch i Iconium heraho eapapo leipe; aka Amua araro leia ve lei makuripe.

James 1:12

Amuraeaki hoa aheke leiki haela ikiveveke leikilai, ehovea amuraeharae karia leiki la hoa are ovokake iele ve korona avakilai. Amua arero ikivere leilula haela oaria okoare ape la ovokake.

James 5:11

Eavaila, elaviilave ikikekela aheke apeaki la haela va iki veveke leivahaeaki haela. E va Job ve auhohi aeaveape mai ve hari overa iapape. Amua ve hoa e kai eavavahaeape. Amua va ikiheroe i ikihuru eapapo ila leivahaevila.

1 John 3:12

Cain leipe la mai hovea v'arekaea, ehovea are va diabolo ve haela, are elare apoheari huru hape. Are arero hape ehovealeve ha? Ehovea are va mai heaha haela, aka areve apoheari va mai ehoe.

Apokalupto 2:10

Aireaki koaraki la kakare oaoka kalaivahaelue. Iapaila, diabolo eve uku haela uvi muru paparaehakilai, eve heheavaki hoa la. E va hare 10 hovea heraho eapapo koarakilai: eve ikikekela aheke lei lei apaki hoa hovea — ara ero ovokake ve Korona avarakilai.