Matthew 5:1 - Pupu Oharo Āre 1963 Genese 1970 Rute 1972

¹ Are haela oaria eavavahaeai kela le pekape. Are au haiavape la hoa areve kilea haela kara leia korukaiavahaeape.

Matthew 5:1 Iomraidhean Croise

Matthew 13:2

Haela oaria areve oropa ve korukaiape: ehoveala are vevaea horeai haiavape. Haela oaria ma kao le epavahaeape.

Matthew 15:29

Iesu leia harepai Galilee ma haru maeamaea ve aupe: are kela pekai leia le avape.

Matthew 4:25

Haela oaria iele hareho areve leia ekevahaeape, Galilee haela, Decapolis haela, Jerusalem haela, Judea haela, Jordan la ukai haela hareho.

Matthew 5:2

Are erero oharo mari kileavahaeape:

Mark 3:13

Are kela pekai areve ikivere leipe haela itavavahaeape. Ere kai areve leia korukaiavahaeape.

Mark 3:20

Ere hareho uvi pekahavape, kai haela oaria ereve leia korukaiavahaeape, laelave ere eapai auhohi va au leila.

Mark 4:1

Are va kai ma haru poe ve iroro ipopeavape. Areve leia haela oaria korukaiavahaeape, laelave are va vevaea hekai horeai avape — kai haela oaria ma poe ve avape.

Luke 6:12

Hare ae are kela aeva pekai ivaiva leipe. Are oroa heaikiapo Aualari va ivaiva lei lei mea i opape.

Luke 6:17

Are ere i hareho kihoahuka ita heheapa epavape. Kilea haela oaria i Judea i Jerusalem haela ila oaria, Tyre i Sidon ila ve miri haela oaria kara areve leia korukaiavahaeape, areve oharo iapakive: ereve maea heahaha oaria kara lei makukuripe.

Luke 6:20

Are helari kilea haela oaria ovohae eavavahaeai mari maeaeape: E merava haela iki veveke leila, ehovea Aualari ve basilea e ve.

Luke 9:28

Ma oharo karia lei aireaki hare 8, are Peter i John i James ila hareho kela kari pekape ivaiva leikive.

John 6:15

Iesu eavape ere va arero eakea ila hakeavi arero amua leivahaeape, laelave are lahua ai muruhari kela pekape.