Matthew 4:23 - Pupu Oharo Āre 1963 Genese 1970 Rute 1972

²³ Iesu Galilee hoa veavelaripe, ereve synagogue oharo kileape, basileia ve iroro ape, maea heahaha oaria, kakare oaria kara lei makukurivahaeape.

Matthew 4:23 Iomraidhean Croise

Matthew 11:5

Ovohae kariri haela ovohae kohehe?-?laukalula, loa hahaeae haela loa ehohoe leilula, leper haela lei mekaka leivahaelula, avako ipi hahuru haela oharo iapailula, apihaea haela lei ovokake leivahaelula, merava haela iroro oharo iapailula.

Matthew 12:9

Are leia harepai synagogue pekape.

Matthew 13:19

Haela ae basileia ve oharo ra iapakilava, aka mekari iapa va ka: Haelaharihu la hoa iki areve iki ure ve puravai velaripe la oharo korea aeakive — ma haela oki poe ve hae kailape hovea.

Matthew 13:54

Are ve elare ita kihoai ereve synagogue ureve oharo kileape, laelave ere va ikihorahora eapapo leivahaeape, kai mari maeape, Ma haela ve ikiore, horova aheke oaria ila leari la aeape?

Matthew 14:14

Iesu mea hoai haela lakea eavape. Are erero ikiheheroe eapapo leivahaeape. Are ereve maea heahaha haela oaria lei makukuripe.

Matthew 24:14

Ma basileia ve iroro ita lahua lahua oaria hareho kopurapakilai, ehovea vila ipipi oaria ore leikive, aireaki va kari leiki hoa ekekilai.

Matthew 3:2

Areve oharo maria, Ikihelarivahaeaki, kaia ve basileia ekeki maia iele.

Matthew 9:35

Iesu karikara ehoaha titaeka ila loa veavelaripe. Are synagogue ureve oharo kileape, kai ita oaria basileia ve iroro kara ape.

Mark 1:14

Ere John uvi muru oropa paraeape, aireaki Iesu Aualari ve iroro avila Galilee aupe.

Mark 1:21

Ere va Capernaum arahavape — la sabati hare are synagogue pekai oharo kileape.

Mark 1:39

Are Galilee ita oaria ereve synagogue iroro ape, kai ovehahu haruapape.

Mark 3:10

Ehovea are haela lei makukuripe — laelave ere oaria are i hareho arero au hukikiroape, ehovea arero mai koharakive.

Mark 6:2

Sabati hare are synagogue oharo kileape. Areve oharo iapape haela oaria ikihorahora leivahaeape kai mari ape, Ma haela ma eharu lahoa ve aeape? Ma arero avarape ikiore learia, ehovea are horova ehoaha leivahaevila?

Mark 6:6

Are va ikihorahora leipe ehovea ereve ikikekela karia. Are helari karikara oaria iroro ape.

Luke 10:9

Maea heahaha haela lei makukuri, erero mari maeaeaki — Aualari ve basileia e v'ila le kihorerave.

Luke 13:10

Are ereve synagogue ae ve sabati ae oharo kileape.

Luke 16:16

Pupu oharo i peroveta haela ve la oharo apeapea John ve hoa. Aireaki la hoa Aualari ve basileia ve iroro haela arula, kai haela aheke la basileia ureve arahavalula.

Luke 20:1

Iapai, hare ae are haela oaria Hehe Uvi ureve kileavahaeape kai oharo veveke iroro ape. Oharo haela i hohoa haealula haela i haela hoaha ila areve leia ekevahaeape.

Luke 4:14

Iesu Ove ve aheke ila Galilee kihoaupe. Areve hari veveke la ita oaria kopurapape.

Luke 5:17

Aireaki hare ae are oharo kileape: Galilee i Judea i Jerusalem ila ve karikara oaria ve Pharisee i pupu kilealula haela oaria ila areve leia auvahaeape. Are Amua ve aheke v'ila haela lei makukuripe.

Luke 6:17

Are ere i hareho kihoahuka ita heheapa epavape. Kilea haela oaria i Judea i Jerusalem haela ila oaria, Tyre i Sidon ila ve miri haela oaria kara areve leia korukaiavahaeape, areve oharo iapakive: ereve maea heahaha oaria kara lei makukuripe.

Luke 6:6

Sabati hare ae are synagogue pekai oharo kileape. Leia mai ore ukai horo au hareavape haela epavape.

Luke 7:21

La hoa are maea heahaha oaria lei makukuripe, kai ovehahu oaria haruapape: Are ovohae kariri haela oaria ovohae kohehelaukape.

Luke 7:22

Are kai erero kavale mari maeaeape, Eali la aukilava ealila laeavila kai le iapaila ma eharu oaria John la kileaki: Ovohae kariri haela ovohae le kohehelauka — loa hahaeae haela loa ehohoe laleivahaeaila, leper haela maea mekaka laleivahaeaila, avako ipi hahuru haela oharo le iapaila, au apihaearoape haela le urahukai, merava haela oharo veveke ve iroro le iapaila.

Luke 8:1

Aireaki hare, haiapo ka, are karikara ehoaha i titaeka ila Aualari ve basileia ve oharo veveke iroro avila loa veape. Areve kilea haela 12 are i hareho auvahaeape.

Luke 9:11

Aka haela oaria erero eavi ereve aire auvahaeape. Are erero auhohi leivahaeai Aualari ve basileia oharo erero kileavahaeape; maea kakare haela kara are lei mekaka leivahaeape.

Luke 9:60

Aka are arero maeape, Apihaeape haela elare apihaeape haela ve koru ihavakive — av'auki, Aualari ve basileia ve iroro arive.

John 18:20

Iesu arero kavale maeape, Arave oharo ara meahaiapo ve hihika maeaeape. Ara hare oaria, synagogue oaria i Hehe Uvi eapapo ureve haela oaria korukaiavahaeape la ita arave oharo kileavahaeape. Ara oharo haroapo muruhari au maeaila.

John 6:59

Are Capernaum kileape la hoa are ma oharo synogogue ureve maeape.

John 7:1

Ma oharo karia lei Iesu Galilee hiki veape — Are va Jew haela ve la ita au veaila, ehovea Judea haela arero harive oki haropape.

Horova 10:38

Ehovea Aualari arero Ove Veveke i aheke ila paraeape. Are ita oaria horova veveke leivila veavelaripe, ovehahu ila la haela iki ovava leivahaeape, ehovea Aualari are i hareho veape.

Horova 18:4

Are sabati oaria synagogue ureve oharo hukavape, kai Jew i Greek haela uku hakeapuvahaeape.

Horova 20:25

Iapai, ara v'ore e oaria, ara basileia ve oharo kileavahaeape haela oaria, arave oropape aireaki eava va ka.

Horova 28:31

Are mea oaria Aualari ve basileia iroro oharo ape, kai ape karava ila Amua Iesu Keriso ve la eharu oaria kileavahaeape. Haela arero au hereavaila.

Rome 10:15

Haela erero paparaehaki aue la leikilava, ere iroro oharo learia arilai. Oharo maria hape, Havila ve iroro oharo veveke arula la haela, kai eharu mekakure ve hari veveke arula la haela, ereve loa hara mekaka iele.