Matthew 3:11 - Pupu Oharo Āre 1963 Genese 1970 Rute 1972

¹¹ Ara o iele ero ma ve bapatiso leikive, ehovea e ikihelarikive — aka araro aireaki ekeki la haela are va aheke, ara va mahuka, ara areve loa hara ve iilu la helaukaki hovea ka. Are ero Ove Veveke ila bapatiso leivahaeakilai, a ila kara.

Matthew 3:11 Iomraidhean Croise

Matthew 3:6

Are erero oaria bapatiso leivahaeape, ereve mai haeae oaria hihi leivahaeape.

Mark 1:4

John ita merava bapatiso leipe, mai haeae kara ve ikihuru bapatiso leiki oharo iroro ape, mai heahaha hapururukaki la okiharo.

Luke 1:17

Are kai Elijah ve Ove i aheke ila Amua ve oropa ve aukilai, Oalou haela ereve akoremari ikihuru leikive kileavahaeakilai, Kai oharo iapavahaeaki aue haela mai ehohoe haela ve okiharo aukive kileakilai, Ehovea ma vilaipi hareho Amua ve okiharo ore leikive.

Luke 3:16

John erero oaria kavale mari maeaeape, Ara ero ma hiki bapatiso leivahaeaive, aka arave aire ekeki la haela are va eapapo, ara va hekai, areve loa iilu ve ela ara va hehelaukakive hovea va ka. Are kai ero Ove Veveke ila bapatiso leivahaeakilai.

Luke 3:3

Are Jordan la ita oaria pekai mai haeae ve ikihuru lei hapuruvaki la bapatiso mai kileape.

John 1:15

John are v'ila mari kileape, Ara ma haela v'ila oropa kileape, Araro airekai ekeki la haela ere arave oropa ve ikivere leikilai ehovea are arave oropa ve aeaveape.

John 1:30

Ara ma haela v'ila maeape, Arave aire ekeki la haela arave oropa leikilai, ehovea are arave oropa ve aeaveape.

Horova 1:5

Ehovea John ma v'ila bapatiso leipe, aka haiapo ka e va Ove Veveke v'ila bapatiso leivahaeakilai.

Horova 19:4

Paul maeape, John mai haeae ve ikihuru leiki bapatiso leivahaeai haela oaria mari maeaeape — ere areve aire ekeki la haela ikikekelavahaeakilai, la haela Iesu la.

Horova 8:36

Ere auvahaeape la hoa la haela dedehi mariape, Eavi — ma haru ma, a va araro bapatiso leikilai, heroe ha?

Horova 8:38

Are chariot horova haela au pavakive maeape — erealila hareho Philip i la Eunuch haela ila ma ve hoai — Philip arero bapatiso leipe.

1 Corinth 12:13

Elaviila hareho maea haroapo hovea leivila, ehovea Ove haroapo elaviilara bapatiso leivahaeape: Jew haela i Ita lahua haela oaria hareho: au hahaeape haela i overa paparaehape haela ila. Elaviila oaria hareho Ove ma haroapo herehere lalavahaeape.

Ephesus 3:8

Ara va hehe haela oaria ve ipi iele haela, lae vi va, ma ikiheroe meru are araro avikiarape. Ara va ita lahua haela Keriso ve iroro oharo mekakure arilai.

Titus 3:5

Ehovea elaviila leivahaeape horova mekaka va ka, aka, ehovea are elaviilara ikihuru havahu leivahaeape. Are elaviilave iki ureve huhela āre hovea leivahaeape, kai Ove Veveke elaviilara avikiarape.

1 Peter 5:5

Hoveahovea, e haela āre eve oropa haela ve oharo iapai kiva leivahaeaki, kai pelaea mai kalaivahaelue: ehovea Aualari pelaea haela hereavakilai, aka maeoka haela are ikiheroe meru avarakilai.