Matthew 26:52 - Pupu Oharo Āre 1963 Genese 1970 Rute 1972

⁵² Iesu arero maeape, Ave hoi ita havahu aipe la. Ehovea hoi mai papaehauki la haela erero ea ila hae kari leikilai.

Matthew 26:52 Iomraidhean Croise

Genese 9:6

Haela ve apu hakaitapaki la haela, areve apu haela hakaitapakilai; ehovea Aualari areve maea hovea haela karikipe.

Matthew 5:39

Ara ka ero mari maeaeaive, Eharu heaha kavale lei va arekaea, ave aho ore ukai koaki la haela ave aho keva ukai kara helari arero amoeakive.

Rome 12:19

Ikiheroe, apavara e, hihiri ve kavale hihiri kalaivahaelue; la horova Aualari la avaraki. Ehovea overa buka maria hape: Heaha ve kavale leiki horova ara havahu! Aualari ve oharo maria: Ara havahu horova heaha ve kavale avarakilai.

1 Thessalonia 5:15

Kiva leivahaeaki, haela ae ve heaha kavale heaha leivahaea v'arekaea. Mea oaria veveke leikive okiharo haropaki, elarelare ve, aeva haela lahua ve kara.

1 Peter 3:9

Heaha ve kavale heaha kavararue; hihiri ve kavale hihiri kalailue; aka oharo veveke hukavaki — ehovea e v'ore, e v'aireaki veveke koarakilai, ero itavavahaeape iele va la.

Apokalupto 13:10

Haela au hahai kari auki la haela, Arero kara hahai lai aukilai. Haela lelao mare haeavila la haela, Arero kara lelao mare harilai Hehe haela, maria auhohi leivahaeai ikikekela aheke leivahaeaki hoa ma.

Apokalupto 16:6

Ehovea ere va hehe haela i peroveta haela ve apu hakaitapape — A va erero apu avarape ehovea larive, ereva la kavale hovea.