Matthew 23:8 - Pupu Oharo Āre 1963 Genese 1970 Rute 1972

⁸ Aka e Rabbi rare ikivere kalaivahaelue — ehovea haroapo hiki eve haelapo la — Keriso hiki — e oaria apoheari.

Matthew 23:8 Iomraidhean Croise

Matthew 10:25

Veveke maria — kilea haela areve amua hovea leikive, kai horova haela areve haelapo hovea leikive. Ere va uvi ve haelapo rare Beelzebub rare ra itavakilava, ere va iele havahu areve uvi haela kara lari itavakilai.

Matthew 17:5

Are oharo ape leia, meuru ovava ila erero aerape. Iapaila meuru ureve ara hape maria, Maia va ara iki akore, ara arero ikivere havahu. E areve oharo ra iapai.

Matthew 23:10

E va haelapo rare kavarue — ehovea eve haelapo haroapo hiki, Keriso la.

Matthew 23:7

Ae va karikara hihi ve morapaea oharo oaria — ae va haela erero Rabbi rare itavakive.

Matthew 26:25

Aire Judas, arero hihila epape la haela, arero velavela leipe maria, Haelapo, ara ha? Are arero maeape, A havahu le avi.

Matthew 26:49

Are ai Iesu mari maeape, Haelapo, A va la, ha, kai arero ape popoape.

Mark 10:51

Iesu arero kavale oharo maeape, A va ikivere ara aro leari leikive ha? Ovohae kariri haela maeape, Amua, arave ovohae hela kohehelaukakive.

Mark 11:21

Peter iki kekelape kai arero maeape, Haelapo — eava — A o heaha ape la suke kora le haroropi.

Mark 14:45

Are iki areve leia ehoe pekai mari maeape, Rabbi e, kai arero ape popoape.

Mark 9:5

Peter Iesu kavale maeape, Haelapo e, veveke ela maia lakivikahavila va! Ela va kovo uvi irehoila ra kukueakilai, aeva Ave, aeva Moses ve, aeva Elias ve.

Luke 22:32

Kahara, ara a v'ila ivaiva leipe ave ikikekela karia leiki ave. A va aireaki iki helariki la hoa ave apavara kara aheke leivahaeakilai.

John 1:38

Iesu helari erealilara eavi maeape, Ealila le la haroparo ha? Erealila kavale maeape, Rabbi (la oharo ve iele Haelapo), a va lahoa aeavila ha?

John 1:49

Nathaniel kavale maeape, Rabbi, a va Aualari ve Akore! A va Israel ve Amua!

John 11:8

Kilea haela arero maeape, Rabbi, Jew haela ma hoa aro have koavi harive ikivere leilula. A va leia aeka pekakilai ha?

John 20:16

Iesu arero maeape, Mary. Are helari arero Hebrew uri maeape, Rabboni! la oharo ve iele, Haelapo.

John 3:2

Are iki oroa hoa Iesu ve leia arero maeape, Haelapo, ela v'ore a va Aualari ve ekepe kilea haela — ehovea a leivahaevila ma ihova oaria Aualari koarai aeavila haela hiki ore.

John 3:26

Ere iki John ve leia mari maeape, Jordan ukai ve a i hareho veape la haela, a are v'ila vavavape la haela; iapai, are bapatiso leivahaevila, haela oaria areve leia korukaiavahaelula.

John 4:31

Ere lari laila areve kilea haela arero maeape, Rabbi — eapai larive?

John 6:25

Ere arero ma ukai ve koarape la hoa ere arero mari maeape, Rabbi, a maia leahau leikila?

John 9:2

Areve kilea haela arero velavela maria leipe, Mai haeae leita leipe ha — ma haela aka areve oa i lou ila, ehovea arero ovohae kariri la va epape?

2 Corinth 1:24

Ela va eve ikikekela v'ila pelaea leivahaea va ka: ela va e i hareho ikiveveke leilula: ehovea eve ikikekela ero lei aheke leivahaeavila.

2 Corinth 4:5

Ehovea ela elare oharo kilea va ka; ela va Amua Iesu Keriso ve iroro oharo arula. Ela va eve horova haela, ehovea Iesu ve harihari.

Ephesus 3:15

(Arev'ila kaia i meahaiapo ila la lalava oaria rare avape)

Philemon 1:16

Ma hoa a arero au hahape haela hovea hiki ava va ka, aka ave ikivere apoheari hoveahovea. O iele ara arero ikivere eapapo leive, aivau haela hovea, kai Amua ve haela hovea.

James 3:1

Apavara, kilea haela oaria hoveahovea kalaivahaelue, ehovea kilea haela ve heheavaki hoa aheke havahu leikilai.

1 Peter 5:3

E va Aualari ve mamoe amua hovea hiki kiva leivahaea v'areakaea; aka erero Aualari ve ihova hovea leivahaeaki.

Apokalupto 1:9

Ara, John, eve apoheari, ara e i hareho basileia ve heraho i Iesu ve aheke ila herehere leivila. Ere araro ma Patmos hiru kiparaeape, ehovea ara Aualari ve oharo ikivere leipe, kai Iesu Keriso ve oharo iele iroro ape.

Apokalupto 19:10

Ara areve loa ipi ve ekaopape ehovea arero morapaeakive. Are araro kimaeape, Laria kalailue — ara ave horova haela kake — kai Aualari ve vavavaki oharo avape apavara ve haela ae — Aualari morapaeaki, ehovea Iesu ve vavavaki oharo va peroveta oharo ve ove iele.

Apokalupto 22:9

Are araro mari maeape, Araro kamorapaealue. Ara ave horova haela kake, ave peroveta apavara ve horova kake kara; ma buka ve oharo kiva leilula la haela kara — Aualari morapaeaki.