Matthew 22:3 - Pupu Oharo Āre 1963 Genese 1970 Rute 1972

³ Are horova haela paparaehape ehovea apavara haela la hurai eapai larive itavavahaeakive. Ere ikivere au leila.

Matthew 22:3 Iomraidhean Croise

Matthew 21:34

Hae hovare maea iele la hoa are mekehaku la horova haela kai paparaehape, ehovea oru ve hae iele aeakive.

Matthew 23:37

Jerusalem e, Jerusalem e, a va peroveta haela haeavila, aro paparaehape la haela oaria have haealula — ara va hoa leavaila ave akoremari korukaeaki ikivere leipe, kokora lou areve akoremari maho ureve vovoro leivahaeavila hovea, aka a va ikivere au leila.

Matthew 3:2

Areve oharo maria, Ikihelarivahaeaki, kaia ve basileia ekeki maia iele.

Matthew 9:15

Iesu erero mari maeaeape, Laeaki hurai ve akoremari laeaki haela erero koarai aeaki la hoa ikihuru leve leiki? Kahara, aireaki hare kihorerakilai, la hare laeaki haela erero haitapakilai, ere va la hoa ikihuru leiki, heroe.

Luke 13:34

Jerusalem, Jerusalem, peroveta haela haeavila karikara e, eve leia paparaehape la haela have koavavila karikara e, ara mea oaria ave akoremari korukaiaki va ikivere leivila, kokora lou akoremari maho ureve movoro kohari eaeavila hovea, aka e va ikivere au leila.

Luke 15:28

Are hihiri lei uvi pekakive haure leipe. Oa kihoai arero here leipe.

Luke 19:27

Arave iri haela, araro amua leikive ikivere au leila la haela, erero kari iki arave oropa huru haeakive.

John 5:40

E kara araro kai ekeva ka, ehovea ovokake avakive.

Horova 13:45

Aka Jew haela haela oaria eavi ikiheaha leivahaeai Paul ve oharo huelapai, o heaha oaria maeaeape.

Rome 10:21

Aka are Israel haela maria maeaeape: Ara iapaki aue, oharo hahari hiki arula haela, Ara va mai hiki haravaeape.

Hebrew 12:25

Oharo kileaki la haela ve oharo haure leivahaea v'arekaea. Ehovea meahaiapo hoa au kileape oharo hahaure leivahaeape la haela heaha leivahaeape. Laelave elaviila kaia ve la kileaki oharo hahaure la leivahaeakilava, elaviila heaha eapapo koarakilai.

Hebrew 9:15

Are va okoare are ve leiki haela, ehovea areve apaki maea, oropa la okoare ureve la hahaeae oaria hapururukape; laelave au itavavahaeape la haela ovokake haiapo la okoare avakilai.

Apokalupto 22:17

Ove i vila maepaki mari ila ve oharo maria, Ekeila. Ma oharo iapaki haela kara maeaki, Ekeila. Ma karave koa la haela ekekive, heroe. Ikivere haela oaria ovokake ma larive heroe, naoae, kavale karia.