Matthew 22:16 - Pupu Oharo Āre 1963 Genese 1970 Rute 1972

¹⁶ Ere Herodian haela, ereve kilea haela ila arero kai paparaehape, ere mari maeape, Haelapo, ela v'ore ave oharo iele, a va Aualari ve okiharo iele havahu kileavila kai haela ve oharo oaoka lei kekela va ka, ehovea a haela hiki kekela va ka.

Matthew 22:16 Iomraidhean Croise

Matthew 22:24

Ere arero velavela leivahaeape maria, Haelapo, Moses mari ape, Uva ila haela la apakilava, akoremari karia va laila, areve akoreheari uva maitava laeai akoreapo v'ila akoremari erakive.

Matthew 22:26

Aireaki la akoreheari lahovea — aireaki apoheari oaria, ere apihaeai aiai haela 7 hareho karia leilai, akoremari karia.

Matthew 26:18

Are mariape, Karikara hihi ve auila — maria haela eavi maeaki, Haelapo ve oharo maria, Arave hoa maia iele — ara i kilea haela ila ave uvi passover leikilai.

Matthew 26:49

Are ai Iesu mari maeape, Haelapo, A va la, ha, kai arero ape popoape.

Mark 10:17

Are oki ve aupe la hoa haela ae harava vivila areve oropa ekaopi mari maeape, Haelapo mekakure e, ara va le la mai leikilai, ovokake haiapo va aeakive?

Mark 12:13

Ere Pharisee haela, Herodian haela uku ila areve leia paparaehape ehovea arero oharo harapaila hukavakive, arero au amuraeakive.

Mark 12:14

Ere iki arero mari maeape, Haelapo, ela va ore ave mai iele, kai a va haela ve oharo oaoka lei va ka, ehovea a haela ve oharo kekela va ka, aka Aualari ve okiharo iele iele kileavila. Ave iki leari ha? Tax moni Caesar ra avarakive, heroe ha, aka heaharia ha?

Mark 3:6

Pharisee haela hoahukai Herodian haela ila hareho oharo hukavape, arero leari lei harive.

Mark 8:15

Are erero ahilape maria, Kiva auhohi leila, Pharisee haela i Herod ila ve pai aeaki ave.

Luke 20:21

Ere arero apevelavela leipe, Haelapo, ela va ore ave kilea oharo iele ehoe hiki, a haela ae va aheke kekela va ka, aka iele havahu Aualari ve oki kileavila.

Luke 7:40

Iesu arero kavale mari maeape, Simon e, ara va ikivere aro oharo maeakive. Are kai maeape, Haelapo, hoa kimaea.

John 14:6

Iesu arero maeape, Ara va okiharo i oharo iele, i ovokake ila. Haela ae Oa ve leia oki ae v'ila peka va ka — ara v'ila hiki.

John 18:37

Laelave Pilate arero maeape, A va amua ha? Iesu kavale maeape, A va oharo le ara — ara va amua. Ehovea ma ara va epape, aeva ehovea ma ara meahaiapo ve kihoaupe — oharo iele v'ila vavavakive, O iele, O iele v'ila la haela oaria arave ara iapailula.

John 7:18

Elare oharo la hukavavila la haela elare hiki morapaeavila. Arero kiparaeape haela ve rare morapaeavila la haela, are va iele, areve mai heaha kara karia.

2 Corinth 2:17

Ela va Aualari ve oharo haiae kilealula la hovea hovea ka; aka o iele, Aualari oropa ve, ela va Keriso ve la o iele kileavahaelula.

2 Corinth 4:2

Ela va makiri leivahaeaki la muruhari eharu haitapape. Ela va mai heaha ve la oki auvahaea va ka, kai Aualari ve oharo opore kai hukava va ka. Ela va o iele hihika kilealula, laelave haela oaria Aualari oropa ve, elaro rare veveke rare arula.

2 Corinth 5:16

Laelave ela haela oaria haela ve maea hovea hiki kelava va ka, O iele, ela va oropa hoa Keriso haela ve maea hovea ore leipe, aka ma hoa ela arero haela ve maea hovea kelava va ka.

Galatia 1:10

Ara va ma hoa haela ve oropa ve veveke leikilai, aka Aualari oropa ve? Ara haela ve ikivere kekelavila ha? Ara haela ve ikivere hiki la kekelakilava, ara va Keriso ve horova haela iele ka.

Galatia 2:6

Aeka, haela ve oropa haela hovea la haela, (ere va akea haela la aka akea va ka la, ara kekela va ka: haela va maea hiki Aualari kekela va ka); ere ve korukaiavahaeape la hoa, ere elaro oharo lahua au kileaila.

1 Thessalonia 2:4

Aka, Aualari elaro avikiarape la iroro oharo ela laria hiki avahaelula. Ela haela ve kekela ka. Ela va iki ureve ore la Aualari kelavalula.

James 3:17

Aka akea ve kihoauvila la ikiore va veverororo i mekakure ila, harita harita, heaha karia, ikihuru i mai veveke ila, hehepo i hihiri ila karia.

1 John 5:20

Elaviila ore Aualari ve Akore ekepe. Are elaviilara ikiore avikiarape, ehovea ore leikive. Are va o iele Aualari. Elaviila o iele la Aualari ve ureve apealula, o iele areve Akore Iesu Keriso. Ma va Aualari Iele, ovokake haiapo iele.