Matthew 21:11 - Pupu Oharo Āre 1963 Genese 1970 Rute 1972

¹¹ Haela oaria mari ape, Maia Iesu, Nazareth Galilee ve la peroveta haela.

Matthew 21:11 Iomraidhean Croise

Matthew 2:23

Are karikara haroapo rare Nazareth pekai le aeape. Ehovea peroveta haela ve overa maeaeape oharo iele leikive, Ere arero Nazarene rare arilai.

Matthew 21:10

Are Jerusalem pekape kai karikara haela oaria iki horahora leivahaeai mari maeape, Ma leita ha?

Matthew 21:26

Ela va mari mamavaila — Haela ve — Ela haela oaria oaoka, ehovea ere oaria John peroveta haela rare aro.

Matthew 21:46

Ere va ikivere arero mai paeakive, aka ere haela oaria oaoka, ehovea haela oaria Iesu va peroveta rare ape.

Mark 6:15

Uku haela mariape, Are va Elias la. Uku haela maeape, Peroveta haela la, aka peroveta haela ae va la.

Luke 13:33

Kahara, ara elare oki mahau i opoa hare i aireaki la hare kara auvila — ehovea hovea ka peroveta haela Jerusalem mahokaea ve la apakilai.

Luke 24:19

Are erealilara maeape, Le eharu? Erealila arero maeape, Iesu Keriso ve la eharu oaria. Are va peroveta haela, horova i ape oharo ila Aualari i haela oaria ila oropa ve mekaka iele.

Luke 7:16

Ere oaria oaoka eapapo leivahaeai Aualari ve rare mari morapaeape, Elaviilave aru ve peroveta haela aheke le uroupe — Aualari areve haela eavakive kihoaupe.

Luke 7:39

Pharisee haela lari eavi elare iki mari kekelape, Ma haela peroveta haela ra leikilava are va ore leikilai ma arero mai lapaeaila uamari leari uamari la, ehovea are va mai haeae uamari.

John 1:21

Ere arero apevelavela leipe, Lehae a va Elias ha? Are macaeape, Ka. A va la peroveta haela ha? Are kavale maeaeape, Ka.

John 1:25

Ere arero velavela maria leivahaeape, A va Keriso, aka la peroveta haela leiki aue la leikilava, a va haela bapatiso leivahaevila ehovea leve ha?

John 4:19

Uamari arero maeape, Haelapo, ara eavi, a va peroveta haela.

John 6:14

Iesu leipe la horova eavape haela oaria maria maeaeape, O iele, ma va meahaiapo kihoreraki la peroveta haela iele.

John 7:40

Haela perehekai oaria ma oharo iapai avahaeape, Iele havahu, ma va la peroveta haela.

John 9:17

Ere va aeka ovohae kariri haela maeape, Ave ovohae ovava leipe la haela v'ila ave iki learia ha? Are mariape, Are peroveta haela.

Horova 7:37

Ma va la Moses — are kai Israel akoremari maeaeape, Peroveta ara hovea Aualari eve apavara v'ila lai urapakilai.