Matthew 20:16 - Pupu Oharo Āre 1963 Genese 1970 Rute 1972

¹⁶ Laria, aireaki haela oropaki leikilai, oropaki haela aireaki leikilai. Ehovea oaria itavavahaeape, oaria ikivere au leila.

Matthew 20:16 Iomraidhean Croise

Matthew 19:30

Aka, oropaki haela oaria ere va aireaki leivahaeakilai, aireaki la haeala ere oropaki leivahaeakilai.

Matthew 21:31

Le la akore areve oa ve oharo iapai leipe ha? Ere arero kavale maeape, Akore koare. Iesu erero maeaeape, O iele, ara ero maeaeaive — tax korukaia haela harari uavila ila Aualari ve basileia oropa arahavakilai, e oaria erero aire ve.

Matthew 22:14

Ehovea itavavahaeape haela oaria, ikivere leivahaeape haela va perehekai.

Matthew 7:13

Okiape koko hekai ve arahavaki, ehovea apihaeaki ukai ve la okiape huraha iele, okiharo kara hurahapo iele, haela perehekai oaria leia ve arahavalula.

Mark 10:31

Aka oropa haela oaria aireaki leivahaeakilai, kai aireaki haela oaria oropaki leivahaeakilai.

Luke 14:24

Ehovea ara ero maeaeaive, Oropa itavavahaeape la haela oaria hareho arave eapai aireaki lalavahaea va ka.

Luke 15:7

Ara ero maeaeaive — Laria kara ere kaia ve ikiveveke eapapo leivahaeakilai, ehovea mai heaha haela haroapo areve haeae ve ikihuru leikilai, 99 mai ehohoe haela ve la ikiveveke hoveahovea va ka, ehovea ereva haeae au leila.

Luke 7:47

Laelave ara aro maeaive — Areve mai hahaeae, ere va iele oaria, le hapururuka, ehovea are ikiheroe eapapo laleila, aka haeae perehekai hapururukape la haela, are kara ikiheroe perehekai leivila.

Rome 5:20

Aeka ma — Pupu kihoaupe, laelave mai heahaha hihika leivahaeape. Aka mai heahaha hihika leivahaeape la ita, leia kara ikiheroe meru kara lei aheke leipe.

Rome 8:30

Aeva ma — are oropa ikivere leivahaeape la haela are kai itavavahaeape — are itavavahaeape la haela are lei ehohoe — are lei ehohoe leivahaeape la haela Are momorapupe kara.

Rome 9:30

Elaviila learia maeakilai ha? Mai ehoe ve pupu au koaraila la ita lahua haela, mai ehoe le koarape, ikikekela aheke la mai ehoe.

1 Thessalonia 2:13

Laelave ela Aualari thank you oharo hare oaria arula, ehovea e va iroro oharo elave ape ve iapape, Aualari ve oharo la: e va arero haela ve oharo hovea iki au kelavaila, aka o iele Aualari ve oharo hovea, e ikikelavalula haela ve ureve horova leivila la oharo.