Matthew 2:6 - Pupu Oharo Āre 1963 Genese 1970 Rute 1972

⁶ A Bethlehem, Judea hoa ve, A Judah amua oaria ve hekai lei va ka, Ehovea ave ita ve amua eapapo aire kihorerakilai, Are va arave Israel haela oaria ve Amua leikilai.

Matthew 2:6 Iomraidhean Croise

Genese 49:10

Basileia ve ahea ve kaika Iuda ve hakurepa va ka; amua va la haru areve loa ve aru ve haela hareava va ka, aiai are areve amua havahu arero o iele avakilai; vilaipipi oaria areve ipi ve leivahaeakilai.

Matthew 2:1

Iesu Bethleham Judea ve epape la hoa, Herod amua hoa ve, ikiore haela kauri ukai ve Jerusalem ekevahaeape: ere mari avahaeape,

Matthew 28:18

Iesu iki erero mari maeaeape, Ara va kaia i meahaiapo ila ve aheke oaria aeape.

John 21:16

Are arero aeka maeape, Simon, Jonas ve akore, a araro ikivere iele leive ha? Are arero maeape Kaire, Amua e, a v'ore ara aro ikivere leivila. Are arero maeape, Arave mamoe kiva leikive.

John 7:42

Buka maria au maeaila ha? Keriso, David ve meavore, Bethlehem karikara ve kihorerakilai — David aeaveape karikara la.

Ephesus 1:22

Are eharu oaria areve loa ipi ve aipevahaeape, kai arero ekalesia oaria ve haro leikive avarape.

Colossae 1:18

Are va ekalesia maea ve haro — are va oropa iele, apape hoa ve epape, ehovea are va eharu oaria ve akea ve leikilai.

Hebrew 7:14

O iele elaviilave Amua Judah ve epape. Moses la hiru ve Oharo Haela rare au itavaila.

Apokalupto 11:15

Aneru aeva puva hohoape. Kaia ve āra ehoaha hihika maria avaheape, Ma meahaiapo ve basileia, elaviilave Amua ve basileia hoveahovea leivahaeape, areve Keriso ve kara. Are va Amua mea oaria leikilai, aiai karia lei va ka.

Apokalupto 2:27

Are ereve mamoe kiva haela leikilai; areve kiva leiki mai aheke iele leikilai — Hoveahovea elaa karikiki haela ve eharu va koekakilai — areve aheke, ara Oa ve avape la aheke hovea hovea leikilai.

Apokalupto 7:17

Ehovea terona oropa ve aeavila la Mamoe Akore erero eapai aiarakilai. Are erero ovokake ma ve la ita veveke kari aukilai. Aualari kara ereve ovohae ve o ma lei kakarara leikilai.