Matthew 2:13 - Pupu Oharo Āre 1963 Genese 1970 Rute 1972

¹³ Ere auvahaeape la hoa Amua ve aneru Joseph ivahi maeape, Urou, akore hekai lou ila kari ai Egypt auvahaeai leia apeapea e oharo aea iapaki: ehovea Herod akore hekai harive haropavila.

Matthew 2:13 Iomraidhean Croise

Matthew 1:20

Kahara, are laria kekela ve ape la hoa are Amua ve aneru ivahi eavape, areve oharo mari iapape, Joseph, David ve akore, ave uva Mary a laeaki oaoka kalailue, ehovea are leipe la maea Ove Veveke ve horova.

Matthew 10:23

Ere ero karikara aeve ra hararuakilava, urahuka karikara aeva auki. O iele, ara ero maeaeaive, e va Israel ve karikara hareho pekahava va ka aiai haela ve Akore aeka kihoaukilai.

Matthew 2:12

Aualari erero ivahi maeaeape — ere Herod ve ukaki kauvahaealue: ehoveala ere elare ita oki lahua ki auvahaeape.

Matthew 2:14

Are urai akore hekai lou ila la kari oropa Egypt le aupe.

Matthew 2:16

Herod iapape ikiore haela arero au amuraeape — are hihiri eapapo leipe: are haela paparaehape ehovea Bethlehem hoa akoremari titaeka oaria haeakive, akoremari hitoloa orahoka ve la vilakao, aireaki la vilakao kara, ikiore haela arero kileape la vilakao hovea.

Matthew 2:22

Are iapape Archelaus areve oa Herod Judea ita la avape, are leia auki oaoka leipe. Ehoveala are Aualari ve oharo ivahi iapai helari Galilee ukaki hiki aupe.

Horova 10:22

Ere maeape, Cornelius — mai ehoe i Aualari ve oharo iapavila haela, Jew haela oaria morapaealula haela, Aualari ve aneru au maeape — are aro areve uvi ekekive maeakive, ehovea ave oharo iapakive.

Horova 10:7

Arero oharo maeape la aneru hoaupe la hoa, are uvi horova haela orahoka i areve horova koaravila mai ehoe hevehe haela ila itavavahaeape.

Horova 12:11

Peter iki auhohi kekelape la hoa — are maeape, Ara v'ore iele, Amua aneru lakiparaeaila, ehovea araro Herod ve mai ve i Jew haela oaria ve ikivere ve hareavakive.

Horova 12:7

Iapai, Amua ve aneru are i hareho pavape: ovava kara lalava heaoapape. Are Peter kararapi koa hurapai maeape, Elavelave urou. Areve auri horou kara areve mai ve helauka hohoape.

Horova 16:36

Uvi muru kiva haela la oharo Paul kileape, Gavana haela ero paparaehakive oharo lakiparaeaila — kihoahukaila, havila ila auvahaeaki.

Horova 5:19

Amua ve aneru oroa hoa uvi muru okiape hapai erero kari kihoai mari maeaeape,

Horova 7:19

Are elaviilave haela au amuraeape, kai elaviilave vilali heaha leivahaeape, ereve akoremari aikilapaki haeakive maeaeape, akoremari ovokake leiki ave.

Apokalupto 12:14

Ere la uamari harapa eapapo ve maho orahokaila aiarape, ehovea are huakara merava vivilakive, are havahu ve ita leia, leia hoa aea, kai hoa ae ve hapu, ere arero ekaroa eapapo ve oropape v'ila areve eapai v'ila avarape.

Apokalupto 12:4

Areve aue kaia ve kou uku au hakeavi meahaiapo koavahaeape. Hevehe heaha ero‐ila la uamari oropa ve epavape, ehovea are va ikivere areve aire epaki la akore, epaki hoa elavelave larive.

Apokalupto 12:6

La uamari huakara merava vivila Aualari are v'ila overa karikipe ita leia, ehovea are arero kiva leia leivahaeakilai, hare 1,260 hovea.