Matthew 18:3 - Pupu Oharo Āre 1963 Genese 1970 Rute 1972

³ Are mari maeaeape, O iele ara ero maeaeaive, E va iki helarivahaeaki aue ra leikilava, akoremari titaeka hovea leivahaeakive, e va kaia ve basileia ure ve arahava va ka.

Matthew 18:3 Iomraidhean Croise

Matthew 13:15

Ehovea ma vilakao ve iki aheke iele, Ereve avako ipi hahuru iele, Ereve ovohae le apukilavape, Ere hare aea eavavahaeaki ave, Oharo iele iapaki ave, Iki helarivahaeaki ave, Ara erero le makukuriki ave.

Matthew 18:2

Iesu akore hekai ra itavape kai ereve aru hihi havahu aepape.

Matthew 18:4

Ma akore hekai hovea maraha ra leiki la haela, are va kaia ve basileia ureve oropa haela.

Matthew 19:14

Aka Iesu maeaeape, Akoremari titaeka aikahukamaeailue ere va arave oki ka eke, ehovea ere va kaia ve basileia ve eharu veveke.

Matthew 19:23

Iesu helari kilea haela maeaeape, O iele ara ero maeaeaive — Erohoho oaria ila la haela kaia ve basileia ure ve araeaki va heraho iele.

Matthew 5:18

O iele ara ero maeaeaive, aiai kaia meahaiapo ila kari leikilai, pupu ve iota haroapo aka hohoa haroapo ila havoava va ka, aiai eharu oaria hareho iele leivahaeakive.

Matthew 5:20

Ara ero maeaeaive, Eve mai ehoe, pupu haealula haela, Pharisee haela ila ve mai ehoe ka heaurapakue ra leikilava, e va kaia ve basileia arahava va ka, karia karia iele havahu.

Matthew 6:16

Aeka oharo mae — e va eapai ere ereavakilava, e va hehepo leilula haela ve oropape ikihuru hovea kalailue. Ehovea ere oropape here‐maea leilula, ereve ere ereavaki mai haela ve oropaki hihika leikive. O iele ara ero maeaeaive — ereve kavale ere mave avaro.

Matthew 6:2

Laelave, a va meru avaraki la hoa, puva ave oropa kahohoalue, opore haela synagogue ureve, karikara hihi ve leilula hovea, ehovea haela erero momorapukive. O iele, ara ero maeaeaive, ereve kavale ere mave avaro.

Matthew 6:5

A va ivaiva leiki la hoa, ava hehepo leilula haela hovea kalailue, ehovea ere ikivere eapapo synagogue ureve, karikara hihi ve ila ivaiva leikive, haela erero ovohae eavakive. O iele ara ero maeaeaive — ereve kavale ere mave avaro.

Mark 4:12

Ehovea ere va eavakilai aka auhohi eava va ka, iapakilai, aka auhohi iapa va ka: ere va hare aea iki helarivahaeaki ave, kai ereve mai haeae hapururukaki ave.

Luke 13:24

Okiape koko hekai ve arahavaki ikivere leiki: ehovea haela oaria arahavakive ikivere leivahaeakilai, aka hoveahovea leivahaea va ka.

Luke 22:32

Kahara, ara a v'ila ivaiva leipe ave ikikekela karia leiki ave. A va aireaki iki helariki la hoa ave apavara kara aheke leivahaeakilai.

John 1:51

Are arero maeape, O iele, o iele, ara aro maeaive, aireaki hoa a va kaia hapaila eavakilai, kai Aualari ve aneru pekahavaki kihoahukaki v'ila eavakilai.

John 3:3

Iesu arero kavale maeape, O iele, O iele, ara aro maeaive — haela ae va āre epaki aue la leikilava, are Aualari ve basileia eava va ka.

John 3:5

Iesu arero kavale maeape, O iele, O iele, ara aro maeaive. Haela ma i ove v'ila epaki aue la leikilava, are Aualari ve basileia araeakive hovea lei va ka.

Horova 14:22

Ere leia ve ikikekela haela lei aheke leivahaeape, kai erero oharo karava maeaeape — iki auhohi kekela apeakive — ehovea elaviila heraho oaria v'ila Aualari ve basileia arahavakive,

Horova 28:27

Ehovea ma haela ve iki aheke leivahaeape Ereve avako ipi hahuru iele, Ereve ovohae apu le kilavape, Ere ovohae iele eavaki ave Ere avako ila oharo iele iapaki ave Ere iki iele kelavaki ave. Ere ikihelari are erero lei makukuriki ave.

Horova 3:19

Eve haeae ve ikihuru leivahaeai iki kekelaki, aireaki Amua ve oropa ve iki veveroro leiki la hoa, eve mai heahaha le hapururukakilai.

1 Corinth 14:20

Apavara, e va akoremari ve ikiore hiki hovea kalaivahaelue. E va mai heaha v'ila akoremari titaeka hiki leivahaeakive, heroe, aka ikiore v'ila, haela havahu leivahaeakive.

1 Peter 2:2

Elaviila āre erape akoremari titaeka hovea — Oharo Veveke ve amae apu hovea ikivere leivahaeaki; e va Ove v'ila aheai aheke leivahaeakive.

2 Peter 1:11

Laria, e va elaviilave ovokake leiki Amua Iesu Keriso ve basileia araeakive oki veveke le koarakilai;