Matthew 13:51 - Pupu Oharo Āre 1963 Genese 1970 Rute 1972

⁵¹ Iesu erero velavela leipe maria, E va ma oharo auhohi ka kelavaro ha? Ere kavale maeape, E, Amua e.

Matthew 13:51 Iomraidhean Croise

Matthew 13:11

Are erero kavale maeaeape, Ehovea kaia ve basileia ve muruhari eharu e va ore leiki oki le avape, kahara, ere oaria aea va ka.

Matthew 13:19

Haela ae basileia ve oharo ra iapakilava, aka mekari iapa va ka: Haelaharihu la hoa iki areve iki ure ve puravai velaripe la oharo korea aeakive — ma haela oki poe ve hae kailape hovea.

Matthew 13:50

Erero kemo ureve a aroukilai, ere va hivavara eapapo kai kao heheavahaeakilai.

Matthew 13:52

Are erero la hoa maeaeape, Ehoveala — kaia ve basileia oharo oaria ore leilula la hohoa haealula haela oaria ere va uvi haela haroapo hovea: la uvi haela areve eharu are kai overa eharu kara areve aroate ve oaeakilai.

Matthew 15:17

E va iki kekela va ka ha? Ape lari la eharu eharau ureve ra hoaukilai, kai e le heavakilai.

Matthew 16:11

Leia va learia e va iapa va ka ha? Ara Pharisee haela i Sadducee haela ve pai kiva leiki oharo maeape hoa ara ero pai iele ve oharo au maeaeaila.

Matthew 24:15

E va hararua eharu heaha iele i oaoka lei hukauki eharu, peroveta Daniel maeape la eharu, hehe ita epavaki ra eavakilava (ma oharo mureaki haela auhohi iapaki);

Mark 4:34

Are va erero parable okiharo hiki kileavahaeape. Kai ere lahua apeape hoa eharu oaria are kilea haela hihika kileavahaeape.

Mark 7:18

Are erero maeaeape, E kara auhohi iapa va ka ha? E kekela va ka ha, eharu haela ape ra larilava, la eharu arero lei haeae lei va ka.

1 John 5:20

Elaviila ore Aualari ve Akore ekepe. Are elaviilara ikiore avikiarape, ehovea ore leikive. Are va o iele Aualari. Elaviila o iele la Aualari ve ureve apealula, o iele areve Akore Iesu Keriso. Ma va Aualari Iele, ovokake haiapo iele.