Matthew 13:21 - Pupu Oharo Āre 1963 Genese 1970 Rute 1972

²¹ Aka, are havahu elele iele karia, hare haroapoharoapo hiki aheke aeavila, aireaki heraho leiki la hoa, aka hararuaki la hoa, ehovea oharo, are haiapo ka le hilaukilai.

Matthew 13:21 Iomraidhean Croise

Matthew 10:22

Haela oaria arave rare ve ero ikiheaha leikilai. Kahara, aheke apeaki la haela aiai meahaiapo kari leikilai, ere ovokake leivahaeakilai.

Matthew 11:6

Ara ve hilauki aue la haela ikiveveke ila.

Matthew 13:20

Have ita hae kailape la haela are va mahovea — haela oharo la iapakilava kai ikiveveke ila iapakilava.

Matthew 13:57

Ere va arero hihiri leivahaeape. Kahara, Iesu erero mari maeaeape, Peroveta haela ve morapaeaki oharo are havahu ve ita are havahu ve uvi ve hiki karia.

Matthew 13:6

Hare ahea pekape hoa ereve kororo le haroropape: ehovea ereve elele karia, ere va elavelave oae kari leivahaeape.

Matthew 24:13

Aheke aiai kari leiki hoa la haela are va okokake leikilai.

Matthew 26:31

Iesu erero aire mari maeaeape, Ma oroa hoa e oaria araro ikihairihairi leivahaeakilai. Ehovea overa hape oharo maria, Ara mamoe kiva haela harilai, kai areve mamoe oaria le titavakilai.

Matthew 26:33

Peter arero kavale maeape, Haela oaria aro ikihairihairi ra leivahaeakilava, ara va aro ikihairihairi leiva ka.

Mark 4:17

Aka ereve elele va karia — laelave ere va hare uku hiki aheke leilula — aireaki — heraho hoa kai hararuaki hoa ra kihorerakilava, ehovea oharo veveke ve harihari, ere elavelave hihilaukilai.

Luke 8:13

Have akea ve hohoape la hae — are v'oharo iki veveke lei iapape haela hovea: aka ereve elele karia, laelave ereve ikikekela perehekai kai amuraeharae hoa ere le hihilaukilai.

John 6:26

Iesu erero kavale maeaeape, O iele, o iele ara ero maeaeaive — eva araro la haropila iele ehovea horova veveke ikivere va ka, aka, ehovea e pai lalavahaeai eharau huharavahaeape.

Rome 2:7

Mai veveke kiva leilula la haela, ovokake haiapo i basileia ve mea veveke aeakilai: ere va ovokake haiapo aeakilai.

Galatia 5:6

Ehovea Iesu Keriso ureve peritome mai aeva peritome aue mai kara iele karia. Aka, ikiheroe ve ikikekela va iele ila.

Galatia 6:12

Elare maea pelaea leilula haela ere va ikivere ero peritome mai ve ahilakive, ehovea ere va ikivere ka satauro ve heraho avakive.

Galatia 6:15

Ehovea peritome, aka peritome aue va iele ka; iele maria hiki: haela iki are avakilai.

Ephesus 3:17

Ehovea eve ikikekela Keriso eve iki ureve aeakilai. E kara ikiheroe mai iele havahu ore la leikilava,

Philippi 1:6

Ara va ore iele, eve ureve horova veveke ipopeavape la Aualari, la horova mekakure le leikilai, aiai Iesu Keriso ve hare iele:

2 Timothy 1:15

A v'ore overa leipe — Asia apealula la haela oaria araro haure leipe; Phygellus i Hermogenes ila kara.

2 Timothy 4:10

Ehovea Demas araro hakurepape: are va meahaiapo eharu ikivere leipe, kai Thessalonica aupe: Crescens Galatia aupe, Titus kai Dalmatia aupe.

James 3:2

Ehovea elaviila oaria hahaeae leilula haela. Haela ae va oharo v'ila haeae leiki aue la leikilava, are va haela mekakure, are va elare maea kiva auhohi leikive ore.

1 Peter 1:5

Elaviilave ovokake iele leivahaeakilai, ehovea elaviilave ikikekela aheke iele aiai meahaiapo karia leiki hoa.

Apokalupto 2:13

Aka ave ikikekela aheke leivila, a va ikikekela v'ila hehepo au leila. O iele, a va ara v'ila kakare koarape; Antipas ara v'ila apape la hoa kara.