Matthew 13:11 - Pupu Oharo Āre 1963 Genese 1970 Rute 1972

¹¹ Are erero kavale maeaeape, Ehovea kaia ve basileia ve muruhari eharu e va ore leiki oki le avape, kahara, ere oaria aea va ka.

Matthew 13:11 Iomraidhean Croise

Matthew 13:10

Kilea haela arero kai iki mari maeape, Ehovealeve a erero parabole oharo hiki maeaevila ha?

Matthew 16:17

Iesu arero kavale maeape, A va ikiveveke leive, Simon Bar‐Iona, ehovea aivau kai apu aro la oharo au kileaila, aka arave kaia ve Oa.

Matthew 19:11

Are erero kavale maeaeape, Ma oharo haela oaria iapaki hovea ka, uku haela hiki.

Matthew 20:23

Are erealilara maeaeape, O iele, ealila arave la hekako larilai, aka arave ore ukai kai keva ukai avaki — la va ara avaraki eharu va ka; arave Oa iki overa kekelape la haela are avarakilai.

Mark 10:40

Aka arave mai ore ukai ve aka mai keva ukai ve avakive, leia arave avaraki eharu va ka, aka Aualari overa kekalape la haela leia ra avarakilai.

Mark 4:11

Are erero maeaeape, Aualari ve basileia ve muruhari eharu ore leiki okiharo e le avape, aka mahokaea haela ma eharu oaria ela parabole hiki maeaeakilai.

Luke 8:10

Are erero kavale maeaeape. Aualari ve basileia ve muruhari eharu e va ore leivahaeakive, heroe: aka haela oaria ara va parabole oharo hiki maeaeakilai: ere va eavakilai, iele eavava ka, iapakilai, iki iele kelava va ka.

John 6:65

Are mariape, Laelave ara ero maeaeape haela va Oa arero avaraki la oki hiki arave maia ekekilai.

John 7:17

Haela areve ikivere horova la leikilava are kilea oharo kara ore leikilai, Aualari ve aka ara havahu ve.

Horova 16:14

Uamari aea rare Lydia, Thyatira ve maupa pura ilaea leivila uamari, elave oharo iapape. Are va Aualari morapaeavila uamari. Areve iki Amua hapape, laelave Paul maeaeape la oharo are iapai ikivere leivahaeape.

Rome 11:25

Ara va ikivere ka e va ma muruhari eharu haveva leikive — e va elare ikiore ve pelaea leiki ave — Iele ma, Israel haela perehekai ovohae kariri leivahaeape, aiai ita lahua haela hareho korukaiavahaeaki la hoa.

Rome 16:25

Aualari ve aheke ero kiva leivahaeaki, ara va ero iroro oharo kileavahaeape la aheke hoveahovea, kai Iesu Keriso kileape la okiharo hoveahovea. Ehovea overa muruhari aeape la eharu Iesu ve oki ve hihika leipe.

1 Corinth 13:2

Ara va peroveta horova ore la laikilava, ara muruhari i ikiore eharu oaria ore la leikilava, kela ehoaha hareavakive hovea, aka ikiheroe mai leiki aue la leikilava, ara iele karia.

1 Corinth 15:51

Ara ero muruhari eharu v'ila maeaeaive. Elaviila oaria avuku urupa va ka; aka elaviila oaria maea koelarikilai:

1 Corinth 2:14

Aka aivau hiki kekelavila la haela are va Aualari ve ove eharu aea va ka, ehovea are va erero ikihaveva eharu rare avila. Are kara erero ore lei va ka, ehovea erero ore leiki okiharo ove ve okiharo hiki.

1 Corinth 2:7

Aka, elaviila hukavalula la oharo va Aualari ve muruhari ikiore, au avarapape la ikiore, Aualari avare koare iki overa kekelape, ehovea elaviilara lei mekaka leivahaeakive.

1 Corinth 4:1

E haela oaria elaro maria kelavaki — Keriso ve horova haela, Aualari ve muruhari eharu ve kiva leilula haela,

1 Corinth 4:7

Ehovea ero lahua lahua leita karikivahaeape? Akoreheari e, ave la eharu haela au avaraila ha? Aro aiarape la eharu, a lahua avape ha? La opore pelaea oharo kailue.

Ephesus 1:18

E va iki ureve ovava la leivahaeakilava, e va areve itavaki ikivere okiharo ve iele ore leivahaeakilai: areve hehe haela ve haruku ve erohoho mekakure kara.

Ephesus 1:9

Areve muruhari ikivere elaviilara oropa ve hihika kileape, ehovea are leia ve iki veveke le leipe.

Ephesus 5:32

Ma va ikihorahora leiki eharu, aka ara Keriso i ekalesia ila ve oharo hukavave.

Ephesus 6:19

Ara v'ila kara ivaiva leivahaeaki, ehovea ara va iroro ve muruhari eharu oaria arave ape ve aheke lei horeavakilai, oaoka ka.

Colossae 2:2

Ara v'ikivere erero hakakaeakive, ere va ikiheroe mai v'ila iki haroapo hovea leivahaeakive. Ere kai ikiore la erohoho koarai Aualari ve au avarapape la eharu, Keriso iele la, ere ore leivahaeakive, heroe.

1 Timothy 3:16

Ela va ma oharo ve iele ve hahari e va ka. Hehe mai ve iele Aualari aivau v'ila hihika leipe. Are va ove v'ila lei ehoe aneru arero eavape. Meahaiapo ve ita oaria iroro ape, kai akea ve la haharika pekape.

1 Timothy 3:9

Ere va Aualari ve ikikekela kara kiva ehoe lei iki veveroro leivahaeakive.

James 1:5

Ikiore uku karia la haela Aualari apevelavela leivahaeaki. Aualari haela oaria meru oaria aiaravila, are o heaha e va ka; La haela la ikiore avakilai.

1 John 2:20

Hehe haela ero bapatiso leivahaeape, laelave e va eharu oaria ore leivahaeape.

1 John 2:27

Aka are ero bapatiso leivahaeape la mai eve ureve aeavila. Haela ae ero leve kileavahaeakive? Aka ero bapatiso leivahaeape la mai ero eharu oaria kileavahaevila, are va o iele, opore karia.