Matthew 11:1 - Pupu Oharo Āre 1963 Genese 1970 Rute 1972

¹ Iesu areve kilea haela 12 kileaki oharo kari leipe la hoa, are leia harepape, karikara oaria iroro avi aupe.

Matthew 11:1 Iomraidhean Croise

Matthew 28:20

Ara ero pupu hovea kileavahaeape la eharu oaria erero kileavahaeaila; Iapaila, ara mea oaria e i hareho apeakilai, aiai meahaiapo kari ra leiki la hoa.

Matthew 4:23

Iesu Galilee hoa veavelaripe, ereve synagogue oharo kileape, basileia ve iroro ape, maea heahaha oaria, kakare oaria kara lei makukurivahaeape.

Matthew 7:28

Iesu ma oharo kari keipe la hoa, haela oaria areve iroro oharo ve ikihorahora leivahaeape.

Matthew 9:35

Iesu karikara ehoaha titaeka ila loa veavelaripe. Are synagogue ureve oharo kileape, kai ita oaria basileia ve iroro kara ape.

Mark 6:12

Ere hoahukape kai mai haeae ve ikihuru leikive iroro ape.

Luke 23:5

Aka ere kai mari maeape, Are va karikara urukuku leivila. Judea hoa hareho are va kileavahaevila, Galilee hoa ikiki ma kara.

Luke 8:1

Aireaki hare, haiapo ka, are karikara ehoaha i titaeka ila Aualari ve basileia ve oharo veveke iroro avila loa veape. Areve kilea haela 12 are i hareho auvahaeape.

John 15:10

E va arave oharo kiva auhohi laleikilava, hoveahovea e va arave ikiheroe v'ila apeakilai: ara kara arave Oa ve oharo iapai kiva leivahaeape, laelave ara areve ikiheroe v'ila aeavila.

John 15:14

E va ara ero maeaeape la eharu oaria la leivahaeakilava, e va arave kake iele.

Horova 1:2

Aiai are Ove Veveke v'ila are hareavape la aposetolo haela oaria areve pupu kileavahaeape kai kaia akea le pekape.

Horova 10:38

Ehovea Aualari arero Ove Veveke i aheke ila paraeape. Are ita oaria horova veveke leivila veavelaripe, ovehahu ila la haela iki ovava leivahaeape, ehovea Aualari are i hareho veape.

Horova 10:42

Are elaro ape karava maeaeape, haela oaria la iroro arive, kai are Aualari ovokake i apihaeape haela ve heheavaki haela leipe la oharo vavavakive.

1 Thessalonia 4:2

Ehovea e v'ore ela Amua Iesu v'ila ape karava maeape la oharo.

2 Thessalonia 3:10

Ehovea ela eve leia apeape hoa ela ero maria maeaeape, Horova leiki aue haela eapai kara le v'arekaea.

2 Thessalonia 3:6

Ela ero ape karava maeaeairo, elaviilave Amua Iesu Keriso ve rare ve, naoae apealula la apavara kai ela avarape la okiharo kiva leivahaeaki aue la haela koarai auvahaeai v'arekaea.

1 Timothy 6:14

A va ma pupu kiva auhohi leikive, haeae karia, aiai elaviilave Amua Iesu Keriso kihorerakilai.