Matthew 1:21 - Pupu Oharo Āre 1963 Genese 1970 Rute 1972

²¹ Are akore la epakilava, areve rare Iesu itavaki, ehovea are areve haela oaria ereve mai heahaha ve lei makukurikilai.

Matthew 1:21 Iomraidhean Croise

Genese 17:19

Aualari maeape: “Ka! aka ave uva Sara a ve akore hekai epakilai, a va areve rare Isako rare itavakilai. Ara arave okoare are v'ila leikilai, mea oaria aeavila okoare, ehovea areve meavohula kara.

Genese 17:21

Aka arave okoare ara Isako ureve o iele leikilai. Sara oropaki hitolo epakilai la akore hekai.”

Genese 18:10

Are mariape: “O iele ara va hitolo are hoa eve maia kihelarikilai: aeka ave uva Sara akore hekai epakilai.” Sara kovo uvi ve okiape ureve pavape, kai ereve oharo iapape.

Matthew 1:25

Are arero au koaraila ikiki akore le epape, are akore rare Iesu rare itavape.

Luke 1:13

Aka aneru arero mari maeape, Zacharias, a oaoka kalailue: Aualari ave velavela oharo overa iapape. Ave uva Elizabeth ave akore la epakilai — a areve rare John itavakilai.

Luke 1:31

Iapa, A ero i eavi ari lei akore le epakilai. A areve rare Iesu itavaki.

Luke 2:11

Ehovea ma hare David ve karikara ve, haela ve lei makukuriki akore la epaila, are va Keriso Amua.

Luke 2:21

Peritome leiki la pupu ve hare hare 8 karia leivahaeai erealila areve rare Iesu ra itavape, aneru Mary oropa maeape hoveahovea.

John 1:29

La opoa hare John Iesu ekevila eavi mariape, Eavaila, Aualari ve Mamoe Akore — Meahaiapo haela ve heahaha hapururukavila la Mamoe Akore.

John 4:42

Ere la uamari maeape “Ela iki — kelavalula iele ehovea a v'ila la oharo ka, aka ehovea ela areve oharo iapai ore leipe are va meahaiapo ve lei makukuriki haela.”

Horova 13:23

Ma haela ve meavohula v'ila Aualari, areve okoare hovea Israel ve Ovokake leiki haela Iesu avarape.

Horova 3:26

Aualari areve Akore Iesu lei urapape: Are arero e v'ila oropa paraeape ehovea ero lei veveke leikive, kai eve haela oaria mai heahaha ve haitapai helari?-?vahaeakilai.

Horova 4:12

Ae va haela ae ovokake avara va ka: ehovea kaia ve ihau ve elaviilave ovokake leiki rare aeva karia.

Horova 5:31

Aualari areve mai ore v'ila arero morapaeai, Amua i Ovokake avaraki haela leikive, ehovea are v'ila Israel haela ve haeae ve ikihuru lei hapururukakilai.

Titus 2:14

Ehovea are elare maea avarape elaviilara mai heaha ve lei makukurikive. Are are havahu ve ikivere haela, mai veveroro i horova veveke ila haela oaria elare le korukaiavahaeakilai.

Hebrew 7:25

Laelave, areve la oki ve Aualari ve ekevahaeaki haela oaria are lei makukurikilai, ehovea are mea oaria ere v'ila velavela leivila.

1 John 1:7

Elaviila ovava ureve loa la loakilava, hoveahovea Are kara ovava ureve aeavila, elaviila kai elarelare ikiveveke ila apeakilai; areve Akore Iesu Keriso ve apu elaviilave mai heaha oaria hapururukakilai.

1 John 3:5

E v'ore are kihoaupe iele ehovea elaviila ve mai heaha hapururukakive; areve ureve haeae karia.

Apokalupto 7:14

Ara arero kavale maeape: Haelapo, a v'ore. Are araro kimaeape, Ma va heraho eapapo koaravahaeape haela oaria: Ere ereve pura Mamoe Akore ve apu v'ila huhelavahaeape, Ereve pura la apu v'ila houhuka havahu leivahaeape.