Mark 3:7 - Pupu Oharo Āre 1963 Genese 1970 Rute 1972

⁷ Aka Iesu i kilea haela ila ma poe ve hoahukape, kai haela oaria Galilee ve arero airekai auvahaeape, Judea haela kara.

Mark 3:7 Iomraidhean Croise

Matthew 10:23

Ere ero karikara aeve ra hararuakilava, urahuka karikara aeva auki. O iele, ara ero maeaeaive, e va Israel ve karikara hareho pekahava va ka aiai haela ve Akore aeka kihoaukilai.

Matthew 12:15

Iesu la oharo ore lei la ita le harepape — haela oaria arero airekai auvahaeape, are erero oaria lei makukuripe.

Matthew 12:16

Are oharo mari maeaeape — areve rare hihi kailue.

Matthew 4:25

Haela oaria iele hareho areve leia ekevahaeape, Galilee haela, Decapolis haela, Jerusalem haela, Judea haela, Jordan la ukai haela hareho.

Mark 1:39

Are Galilee ita oaria ereve synagogue iroro ape, kai ovehahu haruapape.

Mark 1:45

Aka are hoai oharo oaria hihika maeape, ita oaria la oharo kopurapape. Laelave Iesu karikara hihi hoauki oki karia. Are va karikara mahokaea hiki aeaveape — kai ita oaria haela areve leia hoahukape.

Mark 3:20

Ere hareho uvi pekahavape, kai haela oaria ereve leia korukaiavahaeape, laelave ere eapai auhohi va au leila.

Mark 4:1

Are va kai ma haru poe ve iroro ipopeavape. Areve leia haela oaria korukaiavahaeape, laelave are va vevaea hekai horeai avape — kai haela oaria ma poe ve avape.

Luke 23:5

Aka ere kai mari maeape, Are va karikara urukuku leivila. Judea hoa hareho are va kileavahaevila, Galilee hoa ikiki ma kara.

Luke 6:12

Hare ae are kela aeva pekai ivaiva leipe. Are oroa heaikiapo Aualari va ivaiva lei lei mea i opape.

Luke 6:17

Are ere i hareho kihoahuka ita heheapa epavape. Kilea haela oaria i Judea i Jerusalem haela ila oaria, Tyre i Sidon ila ve miri haela oaria kara areve leia korukaiavahaeape, areve oharo iapakive: ereve maea heahaha oaria kara lei makukuripe.

John 7:41

Haela ae va maeape, Ma va Keriso iele, aka haela uku maeape, Keriso Galilee ve kihorerakilai ha?

John 7:52

Ere arero kavale maeape, A kara Galilee haela ha? Auhohi haropi — peroveta haela Galilee ve kihorera va ka.

Horova 17:10

Apavara Paul i Silas oroa hoa Beroea paparaehape. Erealila pekahavi Jew haela ve synagogue kai pekahavape.

Horova 17:14

Apavara Paul elavelave ahea ma poe ve paraeape. Silas i Timothy ila au hiki apeape.