Mark 3:5 - Pupu Oharo Āre 1963 Genese 1970 Rute 1972

⁵ Are va ikiheaha helari erero ovohae eavape, kai ikihuru eapapo leipe ehovea ereve iki aheke iele. Are la haela maeape, Ave mai horapa. Are mai le horapape — areve mai veveke havahu leipe, mai ukai hoveahovea.

Mark 3:5 Iomraidhean Croise

Genese 6:6

Laelave Iehova ikihairihairi leipe ehovea are meahaiapo ureve haela karikivahaeape; Are kai ikihuru le leipe.

Matthew 12:13

Are la haela maeape, Ave mai horapa — are mai horapape, la mai veveke le leipe, mai ukai hoveahovea.

Mark 3:4

Are erero maeaeape, Lehae ha? Pupu leari ha? Sabati hare mai veveke leikive, aka mai heaha leikive — haela lei makurikive, aka haela harive? Ere va oharo ka, muruha le avape.

Luke 13:15

Amua arero kavale maeape, A opore haela e, lehae! E haela oaria sabati hare eve boromakau aka asini va areve hahaki ita ve paraea va ka ehovea ma avarakive ha?

Luke 17:14

Are erero eavi mari maeaeape, Auila, eve maea oharo haela amoeaki. Ere auvahaeape la hoa ereve maea veveke le leivahaeape.

Luke 6:10

Are aire elari haela oaria ovohae eavi la haela maeape, Ave mai au horapa. Are lari lei areve mai veveke le leipe.

John 9:7

Are maeape — Aula, Siloam ve la ma haru oropape ma huhelaki (La ma ve rare ve iele, Paraeape). Are ai leia oropape ma huhelai ovohae le eavape.

Rome 11:25

Ara va ikivere ka e va ma muruhari eharu haveva leikive — e va elare ikiore ve pelaea leiki ave — Iele ma, Israel haela perehekai ovohae kariri leivahaeape, aiai ita lahua haela hareho korukaiavahaeaki la hoa.

2 Corinth 3:14

Aka ereve iki le kokaukavape, ehovea aiai ma hoa, overa buka mureaki hoa, haela ve iki mekari au hapaila, aiai Keriso havahu haela ve iki la hapakilai.

Ephesus 4:18

Ereve iki muru iele, ere va Aualari ve ovokake ve apehai iele, ehovea ereve ikihaveva, ehovea ereve iki ureve ovohae kariri iele.

Ephesus 4:26

Hihiri mai kalaivahaelue; mai hahaeae leivahaea v'arekaea: eve hihiri karia oropa leikive, hare aire hoaukive, heroe.

Ephesus 4:30

Aualari ve Ove Veveke kahararuarue; ehovea la Ove Veveke ero ovokake leikive ihova avarape.

Hebrew 3:10

Laelave la vilakao ara iki hairihairi leipe Kai mariape, Ere va mea oaria iki haeae kelavalula: Ere arave okiharo haveva la leivahaeape.

Hebrew 3:17

Hitolo 40 hovea Are leita la hihiri leipe ha? Mai heaha leivahaeape la haela ka ha? Ere va huakara hiki apihaeape.

Hebrew 5:9

Laelave are mekakure leipe — are va ovokake haiapo iapailula oaria ve avarape.

Apokalupto 6:16

Ere kela maeaeape, Elave akea ve oaukive: terona akea ve haiavaki la haela ve oropape ve elaro aiarapakive, kai Mamoe Akore ve hihiri ve.