Mark 10:2 - Pupu Oharo Āre 1963 Genese 1970 Rute 1972

² Pharisee haela iki areve leia arero velavela leipe maria, Haela ae va areve uva haure leikive pupu karia ha? Ere arero au amuraeape.

Mark 10:2 Iomraidhean Croise

Matthew 15:12

Areve kilea haela la hoa arero kai iki mari maeape, Pharisee haela aro hihiri ehovea a lamaeaila la oharo.

Matthew 16:1

Pharisee haela Sadducee haela ila hareho ekevahaeape. Ere arero au amuraeai arero kaia ve ihova ve velavela leipe.

Matthew 19:3

Pharisee haela kara iki arero amuraeape — ere mari maeape, Haela areve uva naoae haure leikive pupu karia ha?

Matthew 22:35

Ereve pupu haeavila haela ae arero au amuraeape maria,

Matthew 23:13

Aka — Ikihuru e, hohoa haealula haela i Pharisee haela ila, opore haela e, ehovea e va kaia ve basileia haela v'ila kokauvahaelula: ehovea e kara leia arahava va ka — e va haela ae kara ve oki hereavalula.

Matthew 9:34

Kahara — Pharisee haela mari maeaeape, Are ovehahu haruapavila ehovea are ovehahu ve amua.

Mark 10:1

Are leia harepai urai Jordan la ukai Judea ita ve elaupe. Haela areve leia kai korukaiavahaeape — are aeka erero kileavahaeape, areve hare oaria va la mai hovea.

Mark 10:3

Are erero kavale oharo maeaeape, Moses ero leari kileavahaeape ha?

Mark 8:11

Pharisee haela kihoreavi arero au amurai arero kaia ve ihova ve velavela leipe:

Mark 8:15

Are erero ahilape maria, Kiva auhohi leila, Pharisee haela i Herod ila ve pai aeaki ave.

Luke 11:39

Amua arero maeape, E Pharisee haela ve mai — hekako haita ila mahokaea ve ma huhelavaelula, aka eve ureve korea mai i mai heahaha ila heheloekoape.

Luke 16:14

Pharisee haela, ehovea ere va moni ikivere eapapo leilula haela, ma oharo iapai heheo oharo oaria ape.

Luke 5:30

Pharisee haela i hohoa haealula haela ila areve kilea haela maria aihukamaeape, Ehovealeve tax korukaia haela i mai heahaha haela ila e i hareho eapai lalalulava ha?

Luke 6:7

Hohoa haealula haela i Pharisee haela ila arero ovokape ehovea ore leikive are sabati hare maea veveke leikilai la, ehovea ere va arero harapaila amuraeakive oharo haropape.

Luke 7:30

Aka Pharisee haela i pupu ore haela ila Aualari ve kilea oharo hahaure leivahaeape ehovea John erero bapatiso au leila.

John 11:47

Oharo haela i Pharisee haela ila hareho Council ve korukaiavahaeai mari maeape, Elaviila leari leikilai ha? Ehovea ma haela ihova oaria leivahaevila.

John 11:57

Ohara haela i Pharisee haela ila pupu oharo erero maria maeape, Haela ae areve aeavila ita ore la leikilava, are hihika kai ari, ehovea ere arero mai paeakive.

John 7:32

Pharisee haela are v'ila hukavape la oharo oaria iapavahaeape. Pharisee haela i oharo haela ila kapena haela uku arero mai paeakive paparaehape.

John 7:48

Akea haela i Pharisee haela ila arero ikikelavape ha?

John 8:6

Ere arero ma oharo v'ila arero au amuraeape, ehovea ere va ikivere arero au hahakive. Iesu ekaopi mai lekoka kekele ve hohoa hape.

1 Corinth 10:9

Ere uku haela Aualari amuraeape la mai hovea, elaviila Keriso kamuraealue. Ekaroa erero haeape, ehovea la haeae.