Luke 9:20 - Pupu Oharo Āre 1963 Genese 1970 Rute 1972

²⁰ Are erero apevelavela leipe, E va arave va leari aro ara leita ha? Peter arero kavale maeape, A va Aualari ve Keriso.

Luke 9:20 Iomraidhean Croise

Matthew 22:42

E va Keriso learia kelavaro ha? Are va leita ve akore? Ere arero kavale maeape, Are David ve Akore.

Matthew 26:63

Aka Iesu ve oharo ka, are muruha hiki epavape. Akea oharo haela arero aeka maeape, Ara aro ovokake Aualari ve Rare ve ahilaki — elaro kimaeaeaki — A va Keriso la, Aualari ve Akore, aka Keriso va ka ha?

Matthew 5:47

E va apavara hiki la momorapukilava, eve maea ve leari lei veveke leivahaeakilai ha? Tax korukaia haela laria leivahaea va ka ha?

Mark 14:61

Are kai muruha hiki epavape, kai kavale oharo au maeaila. Akea oharo haela arero kai velavela leipe maria, A va Keriso ha, Hehe haela ve Akore ha?

Mark 8:29

Are erero maeaeape, E va arave rare va leaora aro ara leita ha? Peter kavale maeape, A va Keriso iele.

Luke 22:67

Aka are erero maeaeape, Ara ero la maeaeakilava, e va kekela va ka;

Luke 9:19

Ere kavale maeape, John Baptist, aka, uku haela Elijah rare arura, kai uku overa peroveta haela aro aeka urou rare arura.

John 1:41

Are oropa Simon areve akoreapo koarai mari maeape — Ela Messiah (la oharo ve iele, Keriso) lakoaraila.

John 1:49

Nathaniel kavale maeape, Rabbi, a va Aualari ve Akore! A va Israel ve Amua!

John 11:27

Are arero maeape, Kaire, Amua e, ara va ikikekela. A va Keriso meahaiapo ve kihoaupe Aualari ve Akore.

John 20:31

Aka ma oharo haeape ehovea e ikikelavakilai Iesu va Keriso, Aualari ve Akore. E iki la kekelakilava, e va areve rare v'ila ovokake le avakilai.

John 4:29

Ekeila, haela ae ovohae eavakive; are ara leivahaeape horova oaria araro hihika lakimaeaila. Ma va Keriso iele ha?

John 4:42

Ere la uamari maeape “Ela iki — kelavalula iele ehovea a v'ila la oharo ka, aka ehovea ela areve oharo iapai ore leipe are va meahaiapo ve lei makukuriki haela.”

John 7:41

Haela ae va maeape, Ma va Keriso iele, aka haela uku maeape, Keriso Galilee ve kihorerakilai ha?

Horova 17:3

Are buka oharo ve iele hihika maeaeape, ehovea Keriso kakare le api kai uroukive la oharo iele havahu. Are kai maeaeape, Ara ero kileavila ma Iesu are Keriso la.

Horova 8:36

Ere auvahaeape la hoa la haela dedehi mariape, Eavi — ma haru ma, a va araro bapatiso leikilai, heroe ha?

Horova 9:22

Aka Saul aheke iele lei Damascus apealula Jew haela lei horahora leivahaeape — ma Keriso iele hihika vavavila.

1 John 5:1

Iesu va Keriso ikikekelavila la haela are va Aualari ve haela. Haela oaria au epape la haela ikivere la leikilava, arero epape la haela kara ikivere leive.