Luke 9:11 - Pupu Oharo Āre 1963 Genese 1970 Rute 1972

¹¹ Aka haela oaria erero eavi ereve aire auvahaeape. Are erero auhohi leivahaeai Aualari ve basileia oharo erero kileavahaeape; maea kakare haela kara are lei mekaka leivahaeape.

Luke 9:11 Iomraidhean Croise

Matthew 12:15

Iesu la oharo ore lei la ita le harepape — haela oaria arero airekai auvahaeape, are erero oaria lei makukuripe.

Matthew 14:14

Iesu mea hoai haela lakea eavape. Are erero ikiheheroe eapapo leivahaeape. Are ereve maea heahaha haela oaria lei makukuripe.

Matthew 21:31

Le la akore areve oa ve oharo iapai leipe ha? Ere arero kavale maeape, Akore koare. Iesu erero maeaeape, O iele, ara ero maeaeaive — tax korukaia haela harari uavila ila Aualari ve basileia oropa arahavakilai, e oaria erero aire ve.

Matthew 21:43

Laelave, ara ero maeaeaive, Aualari ve basileia e v'ila hareavakilai, hae iele ikaeaki haela lahua ra avarakilai.

Luke 1:53

Eroa haeape haela are eapai veveke aiarape: Erohoho haela are mai ka haruapape.

Luke 5:31

Iesu erero kavale maeaeape, Maea mekaka haela doctor haela ikivere lei va ka — aka maea heahaha haela hiki.

Luke 8:1

Aireaki hare, haiapo ka, are karikara ehoaha i titaeka ila Aualari ve basileia ve oharo veveke iroro avila loa veape. Areve kilea haela 12 are i hareho auvahaeape.

Luke 8:10

Are erero kavale maeaeape. Aualari ve basileia ve muruhari eharu e va ore leivahaeakive, heroe: aka haela oaria ara va parabole oharo hiki maeaeakilai: ere va eavakilai, iele eavava ka, iapakilai, iki iele kelava va ka.

Luke 9:10

Apostolo haela helari ekevahaeape la hoa ere leivahaeape horova oaria ere arero kileavahaeape. Are erero lahua kari ai karikara rare Bethsaida ukavupe.

Luke 9:12

Hare hoauki hoa maeamaea, kilea haela 12 iki arero mari maeape, Ma haela oaria paparaehai maeamaea la karikara avuku ita i eapai ila haropakive, ehovea elaviila maia eapai aue ita apearo.

Luke 9:2

Are erero paparaehape Aualari ve basileia ve iroro arive, kai maea kakare haela mekaka leikive.

John 4:34

Iesu erero maeaeape, Arave eapai iele ma — araro kiparaeape la haela ve ikivere mai leikive, kai areve horova hovea hovea leikive.

John 6:37

Oa araro aikiarape la haela oaria ere va arave maia ekevahaeakilai. Arave maia ekeki la haela ara avaka va ka.

Horova 28:31

Are mea oaria Aualari ve basileia iroro oharo ape, kai ape karava ila Amua Iesu Keriso ve la eharu oaria kileavahaeape. Haela arero au hereavaila.

Rome 10:14

Laelave, ere iki au kelavaila la rare learia itavavahaeakilai? Ere va ore au laila la haela, ere areve rare leari ikikelavakilai? Ereve iroro arive karia la leikilava, ere learia iapakilai?

Rome 10:17

Laelave — haela iapa veveke la leikilava, iki le kekelakilai. Iapaki la oharo ve iele Aualari ve oharo.

Rome 15:3

Ehovea Keriso kara elare ikivere au laila, aka overa hape la oharo hovea hovea ma, Haela oaria ve heaha ve mehau ara le avape.

2 Timothy 4:2

Iroro oharo arive, mea oaria la horova kiva auhohi leikive; aihukamaeaki, o iele kileakive, ape karava aheke iele ila oharo ehoe kileakive.

Hebrew 4:16

Laelave elaviila areve ikiheroe meru avakive oaoka kalaivahaelue. Laria are elaviilara ikihuru leivahaeakilai. Elaviilave heraho hoa areve la ikiheroe meru elaviilara koarakilai.