Luke 8:13 - Pupu Oharo Āre 1963 Genese 1970 Rute 1972

¹³ Have akea ve hohoape la hae — are v'oharo iki veveke lei iapape haela hovea: aka ereve elele karia, laelave ereve ikikekela perehekai kai amuraeharae hoa ere le hihilaukilai.

Luke 8:13 Iomraidhean Croise

Mark 6:20

Ehovea Herod ore overa leipe John va mai ehoe hehe haela ae, laelave are arero oaoka leipe, kai areve kilea oharo iapape. Are areve oharo iapai ikiveveke lei horova veveke le leipe.

Luke 8:12

Oki poe ve hohoape la hae va maria: Haela oharo la iapakilava aka diabolo iki ereve iki ureve la oharo le hareavakilai: ere iapai kekela lei ovokake leiki ave.

Luke 8:14

Kora mamareke ureve hohoape la hae ere va maria — haela oharo la iapakilava, aka elare oki ai meahaiapo ve heraho i erohoho i ikiveveke leiki eharu kelavi are va hae veveke horeravahaea va ka.

John 15:2

Arave hae horeavaki aue mamaeako oaria are koerapakilai. Hae ila la mamaeako are au koelaeavahaeakilai, laelave ere hae oaria horeavakilai.

John 15:6

Haela ara i hareho aeaki aue la leikilava, ere arero maeako hovea aukapakilai, harou ila. La mamaeako ere korukaiavahaeai a aroukilai.

John 5:35

Are va ovava veveke heauapavila, lamepa veveke havahu; eva areve ovava eavi ikiveveke perehekai leivahaeape.

1 Corinth 13:2

Ara va peroveta horova ore la laikilava, ara muruhari i ikiore eharu oaria ore la leikilava, kela ehoaha hareavakive hovea, aka ikiheroe mai leiki aue la leikilava, ara iele karia.

1 Corinth 15:2

Ara ero iroro ape hoa kileape la oharo e iki iele la kelavakilava, e va are v'ila kara lei ovokake leivahaeakilai. Aka e va naoae kelavape ha?

Galatia 3:1

E ikihaveva Galatia haela e! Ero leita amuraeape, ehovea e va o iele iapa va ka: Iesu Keriso eve oropa ve satauro ve hihika apape.

Galatia 3:4

E va kakare oaria naoae naoae koarape ha? Kakare naoae iele ha?

Ephesus 3:17

Ehovea eve ikikekela Keriso eve iki ureve aeakilai. E kara ikiheroe mai iele havahu ore la leikilava,

Colossae 1:23

E va ma hoa iki auhohi kelavaki, aheke i veveke ila apeaki. Iroro oharo hakurepa v'arekaea. Kaia ve ihau ve ita oaria ape la iroro oharo va la. Ara, Paul, ara va la iroro oharo ve horova haela.

Colossae 2:7

Eve ihau i uvi ve aheke ila are havahu, laelave, eve ikikekela aheke leivahaeaki, ero kileavahaeape la okiharo hovea hovea: e kai Aualari momorapuki.

1 Thessalonia 3:5

Laelave ara kara, ehovea ara va e v'ila horahora leipe, ara eve leia paraeape, eve ikikekela ore leikive, Amuraeharae ero kurupaeaki ave, kai elave horova naoae naoae leiki ave.

1 Timothy 1:19

Iki aheke kekelaki, iki ehoe leiki. Uku haela la iki ehoe haure leivahaeai ikikekela haeae leivahaeape.

Hebrew 10:39

Elaviila lahovea oaoka leivahaeai havoavaki haela va ka. Elaviila ikikekela aheke kai ove ovokake leivahaeaki haela.

James 2:26

Ehovea, hoveahovea, maea va ove karia la leikilava, are huru iele, ikikekela mai horova veveke mai leiki aue la leikilava, are kara huru iele.

2 Peter 2:20

Ere va oropa meahaiapo ve mai heaha la hakurepakilava, Ovokake Iesu Keriso ve okiharo ve, kai aireaki la mai heaha erero la heaora?-?pakilava, o iele, ereve la oropa hoa perehekai heaha, aka aireaki hoa ere va heaha iele.

2 Peter 2:22

Overa hape oharo ere v'ila iele leipe maria, Mu kaitavape la ave helari areve la mu aeka le lape. Mi mitape la ila abu, aeka elare pikuru le hoaupe.

1 John 2:19

Ere elaviilara haitapape, aka ere elaviilave haela havahu ka. Ere va elaviilave haela hovea la leivahaeakilava, ere elaviila ila hareho apeakilai. Aka ere elaviilara haitapape, ehovea elaviilara hihika amoeakive ere elaviilave haela ka.

Jude 1:12

Ma va eve ikiheroe hurae ve heaha leivahaeaki haela, ere va eve leia eapai herehere larive oaoka leivahaea va ka. Ere va ma karia meuru hovea, mea erero koalula meuru; ere va hae haroropape kora hovea, iele karia, hoa orahokaila apihaeape, elele ila hoa haroapo hareape.