Luke 8:10 - Pupu Oharo Āre 1963 Genese 1970 Rute 1972

¹⁰ Are erero kavale maeaeape. Aualari ve basileia ve muruhari eharu e va ore leivahaeakive, heroe: aka haela oaria ara va parabole oharo hiki maeaeakilai: ere va eavakilai, iele eavava ka, iapakilai, iki iele kelava va ka.

Luke 8:10 Iomraidhean Croise

Matthew 11:25

La hoa Iesu mari ape, Oa e, kaia meahaiapo ila ve Amua, ara aro thankyou oharo ave ehovea ma eharu oaria ikiore maea hahe?-?hahe haela oaria a va au kileaila: a va ma eharu akoremari titaeka hiki la amoeavahaeape.

Matthew 16:17

Iesu arero kavale maeape, A va ikiveveke leive, Simon Bar‐Iona, ehovea aivau kai apu aro la oharo au kileaila, aka arave kaia ve Oa.

Mark 4:11

Are erero maeaeape, Aualari ve basileia ve muruhari eharu ore leiki okiharo e le avape, aka mahokaea haela ma eharu oaria ela parabole hiki maeaeakilai.

Mark 4:12

Ehovea ere va eavakilai aka auhohi eava va ka, iapakilai, aka auhohi iapa va ka: ere va hare aea iki helarivahaeaki ave, kai ereve mai haeae hapururukaki ave.

John 12:40

Are erero ovohae kariri leivahaeape, ereve iki kara are aheke leivahaeape, Ere ovohae i eavavahaeaki ave, aka iki ore leivahaeaki ave, Ere iki helarivahaeaki ave, ara erero lei makukuriki ave.

Rome 16:25

Aualari ve aheke ero kiva leivahaeaki, ara va ero iroro oharo kileavahaeape la aheke hoveahovea, kai Iesu Keriso kileape la okiharo hoveahovea. Ehovea overa muruhari aeape la eharu Iesu ve oki ve hihika leipe.

1 Corinth 12:11

Aka ma eharu oaria Ove haroapo hiki aiaravila: Ove ve ikivere hovea haela lahua lahua aiaravila.

Colossae 2:2

Ara v'ikivere erero hakakaeakive, ere va ikiheroe mai v'ila iki haroapo hovea leivahaeakive. Ere kai ikiore la erohoho koarai Aualari ve au avarapape la eharu, Keriso iele la, ere ore leivahaeakive, heroe.

1 Timothy 3:16

Ela va ma oharo ve iele ve hahari e va ka. Hehe mai ve iele Aualari aivau v'ila hihika leipe. Are va ove v'ila lei ehoe aneru arero eavape. Meahaiapo ve ita oaria iroro ape, kai akea ve la haharika pekape.