Luke 7:19 - Pupu Oharo Āre 1963 Genese 1970 Rute 1972

¹⁹ John areve kilea haela orahokaila itavavahaeai Amua ve leia paparaehape ehovea maria oharo maeakive, Ekeki rare arura haela va a ha, aka ela haela ae la karikilai ha?

Luke 7:19 Iomraidhean Croise

Genese 22:18

Aeka, ave meavohula ve la okiharo ve, meahaiapo ve vilaipipi oaria lei mekaka leivahaeakilai, ehovea a arave oharo la iapaila.”

Genese 3:15

A va uamari ve iri haela leikilai, ave akoremari kai areve akoremari v'ila aeha hiki leivahaeakilai. Ere kai ave haro loa huharakilai, a kai ereve loa ikipi buravakilai”.

Genese 49:10

Basileia ve ahea ve kaika Iuda ve hakurepa va ka; amua va la haru areve loa ve aru ve haela hareava va ka, aiai are areve amua havahu arero o iele avakilai; vilaipipi oaria areve ipi ve leivahaeakilai.

Mark 6:7

Are haela 12 itavavahaeape kai erero orahoka orahoka paparaehape. Are erero aheke avarape ehovea ovohahu haruapakive.

Luke 10:1

Ma eharu oaria karia lei la, Amua areve ikivere haela 70 karape. Are erero oropa aukive ila orahoka orahoka paparaehape.

Luke 11:1

Iapai: are ita ae ivaiva lei kari leipe la hoa areve kilea haela ae arero maeape, Amua elaro ivaiva mai kileavahaeakive, John areve kilea haela kara laria kileape.

Luke 11:39

Amua arero maeape, E Pharisee haela ve mai — hekako haita ila mahokaea ve ma huhelavaelula, aka eve ureve korea mai i mai heahaha ila heheloekoape.

Luke 12:42

Amua erero maeaeape, Mai ehoe i ikiore iele kiva haela leita? Areve amua arero uvi eharu hareho kiva leikive maeakilai, kai uvi haela oaria ve eapai aiarakive maeakilai.

Luke 13:15

Amua arero kavale maeape, A opore haela e, lehae! E haela oaria sabati hare eve boromakau aka asini va areve hahaki ita ve paraea va ka ehovea ma avarakive ha?

Luke 17:5

Aposetolo haela Amua maeape, Elave ikikekela lei aheke leikive.

Luke 17:6

Amua erero kavale maeaeape, Eve ikikekela mustard hae ve aheke hovea la leikilava, e va ma lauka kora mari maeakilai, A hareai ahea ma ure ve epavakilai, are kai eve la oharo iapai lari leikilai.

Luke 18:6

Amua kai mariape, Haeae la heheavaki haela ve oharo iapai:

Luke 19:8

Zacchaeus epavi Amua mari maeape, Amua e, iapa, arave eharu ara hamureai ukai ara merava haela aiarakilai. Ara haela ae va eharu korea va lailava ara la eharu hoa 4 hovea aiarakilai.

Luke 22:61

Amua helari Peter ovohae le eavape. Peter Amua ve oharo iki kekelape, ehovea are arero maeape, Ma hare kokora mea hi aire arilai, a va ara v'ila hehepo hoa ilehoila oropa leikilai.

Luke 24:34

O iele havahu, Amua overa urai kai Simon ve oropa ve hihika laleila.

Luke 7:13

Amua la uamari eavi ikihuru eapapo lei mariape, Hi va kailue.

Luke 7:20

Erealila iki areve leia maria maeape, John Bapatiso elaro a v'ila velavela leikive lakipaparaehaila — A va ekeki rare arura haela ha, aka ela va haela ae la karikilai?

John 11:2

La Mary Amua ve loa muramura muo veveke hariripe, kai elare haro koro haroroape la uamari — areve loare Lazarus maea heaha leipe.

John 4:1

Amua ore lei Pharisee haela iapape Iesu haela oaria kileavahaeai bapatiso leivahaeape, John va oaria ka.

John 4:25

Uamari arero maeape, Ara va ore Messiah ekekilai (rare itavape rare va Keriso) Are elave maia kihoreraki la hoa are eharu oaria ela v'ila hihika kileavahaeakilai.

John 6:23

Lae vi va Iesu erero eapai hamuri aiarape. Tiberius maeamaea ve, la ita ve vevaea uku elahukape.

Apokalupto 11:3

Ara va arave vavavaki haela orahokaila aheke aiarakilai: Ere maea pute haro kohahai peroveta oharo avahaeakilai, hare 1,260.