Luke 7:13 - Pupu Oharo Āre 1963 Genese 1970 Rute 1972

¹³ Amua la uamari eavi ikihuru eapapo lei mariape, Hi va kailue.

Luke 7:13 Iomraidhean Croise

Mark 8:2

Ara haela lakea ikihuru eapapo, ehovea ere ara i hareho apealula hare irehoila, kai eapai au laila.

Luke 10:1

Ma eharu oaria karia lei la, Amua areve ikivere haela 70 karape. Are erero oropa aukive ila orahoka orahoka paparaehape.

Luke 11:1

Iapai: are ita ae ivaiva lei kari leipe la hoa areve kilea haela ae arero maeape, Amua elaro ivaiva mai kileavahaeakive, John areve kilea haela kara laria kileape.

Luke 11:39

Amua arero maeape, E Pharisee haela ve mai — hekako haita ila mahokaea ve ma huhelavaelula, aka eve ureve korea mai i mai heahaha ila heheloekoape.

Luke 12:42

Amua erero maeaeape, Mai ehoe i ikiore iele kiva haela leita? Areve amua arero uvi eharu hareho kiva leikive maeakilai, kai uvi haela oaria ve eapai aiarakive maeakilai.

Luke 13:15

Amua arero kavale maeape, A opore haela e, lehae! E haela oaria sabati hare eve boromakau aka asini va areve hahaki ita ve paraea va ka ehovea ma avarakive ha?

Luke 17:5

Aposetolo haela Amua maeape, Elave ikikekela lei aheke leikive.

Luke 17:6

Amua erero kavale maeaeape, Eve ikikekela mustard hae ve aheke hovea la leikilava, e va ma lauka kora mari maeakilai, A hareai ahea ma ure ve epavakilai, are kai eve la oharo iapai lari leikilai.

Luke 18:6

Amua kai mariape, Haeae la heheavaki haela ve oharo iapai:

Luke 19:8

Zacchaeus epavi Amua mari maeape, Amua e, iapa, arave eharu ara hamureai ukai ara merava haela aiarakilai. Ara haela ae va eharu korea va lailava ara la eharu hoa 4 hovea aiarakilai.

Luke 22:61

Amua helari Peter ovohae le eavape. Peter Amua ve oharo iki kekelape, ehovea are arero maeape, Ma hare kokora mea hi aire arilai, a va ara v'ila hehepo hoa ilehoila oropa leikilai.

Luke 24:3

Ere kapu ve arahavi Iesu ve maea au eavaila.

Luke 24:34

O iele havahu, Amua overa urai kai Simon ve oropa ve hihika laleila.

Luke 7:12

Are karikara okiape maeamaea epavape. Iapaila, ere au apape haela oraiavi ekepe: areve lou ve akore haroapo la. La lou kara uamari maitava. Karikara haela oaria arero koarai ekevahaeape.

Luke 7:14

Are maeamaea epavi haha mai paeape. Haha oraiavape la haela au epavaheape. Are kai mari maeape, Harokou e, ara aro maeaive — Urou.

Luke 7:19

John areve kilea haela orahokaila itavavahaeai Amua ve leia paparaehape ehovea maria oharo maeakive, Ekeki rare arura haela va a ha, aka ela haela ae la karikilai ha?

Luke 8:52

Haela oaria opaopoi hivavarai ape, aka are maeaeape, Hivavara i opaopoi ila va kaelue. Are va au apakue — are avuku eaeave.

John 11:2

La Mary Amua ve loa muramura muo veveke hariripe, kai elare haro koro haroroape la uamari — areve loare Lazarus maea heaha leipe.

John 11:3

Laelave la maritaloa Iesu oharo maria paraeape, Amua, iapai — a iki havahu haela ma maea heaha lei aeavila.

John 20:13

Erealila arero maeape, Uamari, a va hi ehovealeve? Are erealilara maeaeape, Ehovea ere arave Amua la hareavi, ara ore va ka ere arero lahoa aipepe.

John 20:15

Iesu arero maeape, Uamari, a hi ehovealeve ha? A va leita haropave ha? Areve ikikekela are aru kiva haela, laelave are arero maeape, Haelapo, a va arero hareavi la lailava, a arero aipepe la ita araro hela kimaeaki — ara arero hareavakilai.

John 4:1

Amua ore lei Pharisee haela iapape Iesu haela oaria kileavahaeai bapatiso leivahaeape, John va oaria ka.

John 6:23

Lae vi va Iesu erero eapai hamuri aiarape. Tiberius maeamaea ve, la ita ve vevaea uku elahukape.

1 Corinth 7:30

Hivavara arula la haela hi avahaeaki aue la haela hovea hovea leikive, heroe. Ikiveveke leilula haela ikiveveke leiki aue haela kara hoveahovea: ilaea leilula haela, eharu karia la haela hoveahovea.

1 Thessalonia 4:13

Ela va ikivere e va apihaeape la haela v'ila haveva leivahaea v'arekaea: e va haveva haela oaria ve ikihairihairi mai kalaivahaelue.

Hebrew 2:17

Laelave, veveke maria: areve maea areve apoheari hovea hovea leikive. Laria are ikihuru i ikiheroe ila Aualari ve mai hovea hovea leikilai, ehovea haela oaria Aualari oropa ve lei ehohoe leivahaeakive.

Hebrew 4:15

Ehovea elaviilave Akea Oharo Haela elaviilave heraho oaria ore overa leipe. Are va amuraeharae hoa kara ore leipe, elaviila hovea hovea; aka are mai heaha au laila.