Luke 6:23 - Pupu Oharo Āre 1963 Genese 1970 Rute 1972

²³ La hare ikiveveke leila, kai maea pelaea leila! E iapaila, eve kavale kaia ve le aeave: ehovea ere eve aualau peroveta haela lari leivahaeape.

Luke 6:23 Iomraidhean Croise

Matthew 5:12

Ikiveveke, ikiveveke eapapo leila, ehovea e va kavale eapapo kaia ve aeakilai, ehovea ere overa hoa peroveta haela laria hararuavahaeape.

Luke 1:41

Elizabeth areve la oharo iapai areve eharau ureve la akore aura kelape: Ove Veveke Elizabeth ve iki ureve heloekoape.

Luke 1:44

Arave avako ave la oharo iapai, arave eharau ve la akore ikiveveke lei aurakela le ara.

Luke 6:35

E iri haela ikiheheroe lei veveke hiki leivahaeaki — aiarakive, kai ikihairihairi kalaivahaelue: e va aireaki kavale eapapo avakilai, ehovea e Akea ve Aualari ve akoremari leivahaeakilai, ehovea are heaha i ikiheahaha haela ila ikiheheroe leivahaevila.

Horova 14:10

Are āra hai eapapo maeape, A va loa aheke ila urouki. Are hareai loa veavelaripe.

Horova 3:8

Are hareai au pavi loa veavelaripe. Are hareau hareau erealila i hareho Hehe Uvi Aualari morapaevila pekape.

Horova 5:41

Laelave ere oaria council hakurepai ikiveveke eapapo leivahaeape ehovea Aualari erero rare v'ila kakare leikive hovea kekelape.

Rome 5:3

Leia hiki ka, aka elaviila heraho oaria v'ila ikiveveke leilula, ehovea elaviila ore elaviila heraho leikive la okiharo ve iki aheke leivahaeakilai.

2 Corinth 12:10

Laelave kakare oaria, haela ve o heaha, heraho hoa, haela araro hararuaki hoa, ikiheraho hoa oaria kara, ehovea Keriso ve harihari, ara ikiveveke leivila; ehovea ara va mahuka la leikilava, o iele ara aheke le leikilai.

Colossae 1:24

Ara e v'ila arave kakare ve ikiveveke leivila. Ara va ikivere arave maea v'ila Keriso ve la kakare hareho koarakive, ehovea areve maea, ekalesia va la, ovokake leikive.

2 Timothy 2:12

Elaviila are i hoa haroapo kakare la leivahaeakilava, elaviila are i hareho amua horova leivahaeakilai. Elaviila arero hahaure la leivahaeakilava, are kara elaviilara hahaure leivahaeakilai.

Hebrew 11:26

Keriso ve heraho are ikivere leipe; Egypt ve erohoho oaria are haure leipe, ehovea are aireaki la kavale mekakure iki kekelape.

Hebrew 11:6

Aka ikikekelaki aue haela Aualari ikivere va ka; ehovea Aualari ve oki ekeki haela, Aualari iki iele kekela va heroe, Aualari arero auhohi haropaki la haela kavale iele leikilai,

James 1:2

Apavara, e va heraho koaraki hoa oaria ikiveveke leivahaeaki.

1 Peter 4:13

Aka ikiveveke leivahaeaki, ehovea e Keriso ve kakare herehere leilula. Areve mekakure hihika leiki la hoa e kai ikiveveke eapapo leivahaeakilai.

Apokalupto 2:17

Avako ila la haela, Ove Veveke ekalesia maeaivila la oharo iapaila: Heaha heaorapaki la haela ara va pupu ila la manna avarakilai. La manna avaki haela hiki areve have houhuka ara urapakilai: la have ve rare are hiki ore leikilai.

Apokalupto 2:26

Aeva heaorapaki haela, arave pupu kiva haiapo leiki la haela, are va vila‐ipipi oaria ve akea ve leikilai.

Apokalupto 2:7

Avako ila la haela, Ove Veveke ekalesia haela kileavahaeavila la oharo iapaila. Veveke leivahaeaki la haela ara va ovokake kola ve hae avarakilai, ehovea larive — la kola Aualari ve ita veveke aeavila.

Apokalupto 21:7

Ma karave koa la haela, ara va ovokake ma mekakure naoae naoae avarakilai.

Apokalupto 3:12

Heaorapaki haela ara va arero Aualari ve Hehe Uvi ureve ve Ive leikilai; are aireaki hoau va ka: ara areve maea ve arave Aualari ve rare harilai, kai arave Aualari ve karikara ve rare kara. Jerusalem are, arave Aualari ve kaia ve kihoaukilai: arave rare āre kara.

Apokalupto 3:5

Heaorapaki haela pura houhuka oreaukilai; ara areve rare ovokake la buka ureve hapururuka va ka. Arave Oa i aneru oaria oropa ve ara are v'ila vavavakilai.