Luke 4:41 - Pupu Oharo Āre 1963 Genese 1970 Rute 1972

⁴¹ Uku haela ve ovehahu hivavara ila kihoahukai mari avahaeape, A va Aualari ve Akore. Are erero aihukamaeai ereve oharo haerapape, ehovea ere ore leivahaeape are va Keriso la.

Luke 4:41 Iomraidhean Croise

Matthew 26:63

Aka Iesu ve oharo ka, are muruha hiki epavape. Akea oharo haela arero aeka maeape, Ara aro ovokake Aualari ve Rare ve ahilaki — elaro kimaeaeaki — A va Keriso la, Aualari ve Akore, aka Keriso va ka ha?

Matthew 4:3

Amuraeharae haela arero kai iki maeape, A Aualari ve Akore iele la leikilava, ma have va maeaila, ere pai hovea koelarikive.

Matthew 8:16

Hailaea hoa ere ovehahu ila la haela oaria areve leia kari auvahaeape. Ovehahu areve oharo iapai le titavape, maea haela oaria kara are lei makukuri mekaka le leivaheape.

Matthew 8:29

Iapai: erealila āra hai itavape maria, Elalila aro learia leikilai, Aualari ve Akore e? A va maia lakilaila ehovea elaro haruapakive ha? Elave hoa are.

Matthew 8:4

Iesu arero mari maeape, A haela ae kavaealue: aula, ave maea oharo haela amoeakive, Mose ereve ihova ve maeape la meru kara avarakive.

Mark 1:25

Iesu arero oropai maeape maria, Oharo va arekaea, arero harepai kihorera.

Mark 1:32

Hailaea, hare hoaupe hoa, ere va areve oropa kari ekevahaeape maea heahaha lahua lahua haela oaria, kai ovehahu ila haela oaria kara.

Mark 1:34

Are maea heahaha haela oaria lei makukuripe, kai ovehahu oaria haruapape. Are la ovehahu oaria ve oharo haerapape, ehovea ere arero ore leipe.

Mark 3:11

Ovehahu arero eavi areve oropa ekaopi ara hai itavape maria, A va Aualari ve Akore.

Luke 4:39

Are areve leia epavi maea heaha huirereape; areve maea heaha arero harepape.

John 20:31

Aka ma oharo haeape ehovea e ikikelavakilai Iesu va Keriso, Aualari ve Akore. E iki la kekelakilava, e va areve rare v'ila ovokake le avakilai.

James 2:19

A va Aualari haroapo iele kekelavila — veveke la. Haelaharihu kara laria kelavalula kai oaoka leilula.