Luke 18:7 - Pupu Oharo Āre 1963 Genese 1970 Rute 1972

⁷ O iele, Aualari are iki havahu akoremari hi ila oroa i hare ila arero velavela leilula la haela are haiapo haure lei ehohoe leivahaea va ka ha?

Luke 18:7 Iomraidhean Croise

Matthew 24:22

La hoa haerapaki aue la leikilava, aivau eharu lei makukuri va ka. Aka, ehovea haela mekakure ve, la hoa ka hekai leikilai.

Matthew 24:24

Ehovea opore Keriso urahukakilai, kai opore peroveta haela. Ere va ikihorahora leiki ihova ra amoeavahaeakilai: laelave maeamaea ere va haela mekakure kara aburaeaki, maea iele.

Matthew 7:11

E va haela heaha akoremari meru veveke aiaraki ore la leivahaeakilava, eve kaia ve Oa iele havahu eharu mekaka arero apevelavela leivahaeaki la haela aiara va ka ha?

Luke 11:13

E va heaha haela la, akoremari meru mekaka aiaraki ore la leikilava, eve kaia ve Oa arero apevelavela leilula la haela, iele havahu aiarakilai.

Luke 2:37

Are kai Hehe Uvi hiki aeveape. Are hare i oroa ila ere erereape, kai mea oaria Aualari ve morapaeaki ivaiva hiki leiroape.

Luke 21:28

Ma eharu ipopeavaki la hare e va ovohae iupeki, haro urai akea ve eavakilai, ehovea eve ovokake leiki hoa kikoreraki maea iele.

Rome 8:33

Aualari ve ikivere leivahaeape haela leita heheava hahakilai? Aualari hiki lei ehohoe leivila.

Colossae 3:12

Ehovea e va Aualari ve ikivere haela, hehe i mekaka iele, e va ikihuru kai ikiheroe kai maeoka kai makiri kai ikihairihairi leiki aue mai ila kiva auhohi leivahaeaki.

1 Thessalonia 3:10

Hare i oroa ila ela va ivaiva arula, ehovea eve oropape aireaki ovohae eavakive, kai eve la ikikekela aheke leikive.

2 Thessalonia 1:6

Aualari ve ikikekela ero hararualula la haela hararuaki kavale leikive heroe la.

1 Timothy 5:5

Maitava iele la uamari, merava hovea, are Aualari ikikekelakive heroe — are va maea oaria ivaiva mai, hare i oroa ila, kiva lei va heroe.

2 Timothy 1:3

Ara Aualari ve horova mea oaria ikiveveroro ila leivila, uvari vilari leivahaeape hovea; laelave ara arero thank you oharo ave, ehovea ara mea oaria, oroa i hare ila, arave ivaiva hoa, aro kekelavila.

2 Timothy 2:10

Laelave heraho oaria hoa ara aheke aeavila, ehovea Aualari ve ikivere haela Iesu Keriso ve la haharika i ovokake haiapo iele ila aeakive.

Titus 1:1

Ara, Paul, Aualari ve horova haela, aposetolo haela kara, ehovea ikikelavalula haela oaria Aualari ve ikivere haela, aeka ehovea Aualari ve okiharo i o iele ikivere leivila haela.

1 Peter 1:1

Ara, Peter, Iesu Keriso ve aposetolo haela — Pontus kai Galatia kai Cappadocia kai Asia kai Bithynia apealula Keriso ve haela oaria ve hohoa maria haeaive.

2 Peter 3:9

Amua ve okoare hahari hahari lei va ka, Uku haela ve hahari hahari hovea. Aka are elaviilara ikihuru leilula. Are ikivere ka areve haela heaha leivahaeakive. Are va ikivere haela oaria haeae ve ikihuru lei helarivahaeakive.

Apokalupto 18:20

Kaia ve apealula hehe aposetolo haela i peroveta haela ila, ikiveveke leivahaeaila, ehovea Aualari eve la kakare ve kavale arero avarape.

Apokalupto 6:10

Ere oaria āra hai maria itavape, Hehe i O iele Amua: Haiapo iele A va meahaiapo apealula la haela elave apu v'ila heheava va ka.

Apokalupto 7:15

Laelave, ere va Aualari ve terona oropa ve apealula, Ere va hare i oroa ila hehe uvi ureve horova leilula, Terona akea ve haiavaki la Amua ere i hoa haroapo aeakilai.