Luke 15:2 - Pupu Oharo Āre 1963 Genese 1970 Rute 1972

² Pharisee i Sadducee haela elarelare hihiri oharo mari avahaeape, Ma haela mai heahaha haela auhohi leivila, are ere i hareho eapai lalavila.

Luke 15:2 Iomraidhean Croise

Matthew 11:19

Haela ve Akore ekepe hoa, are va eapai ma ila lape, kai ereve oharo maria, Ovohae eavaila — e lahua haela, uaina oaria ikivere haela ma, tax korukaia haela i mai haeae haela ila ve kake ma. Kahara, ikiore mai veveke leivila ehovea areve akoremari ve.

Matthew 9:11

Pharisee haela ra eavi ere areve kilea haela maeaeape, Eve haelapo tax korukaia haela i mai heaha haela ila eapai hareho lalaro, ehovealeve ha?

Luke 15:3

Are erero parabole oharo mari maeaeape,

Luke 19:7

Haela oaria lari eavi mari maeape, Are va mai heaha haela ve uvi aeakive pekape.

Luke 5:30

Pharisee haela i hohoa haealula haela ila areve kilea haela maria aihukamaeape, Ehovealeve tax korukaia haela i mai heahaha haela ila e i hareho eapai lalalulava ha?

Luke 7:34

Haela ve Akore eapai i ma ila la ekepe — e kai mari avahaeape, Eavaila, e lahua i ma oaria lalavila haela, tax korukaia haela i mai heahaha haela ila ve haelakaru.

Luke 7:39

Pharisee haela lari eavi elare iki mari kekelape, Ma haela peroveta haela ra leikilava are va ore leikilai ma arero mai lapaeaila uamari leari uamari la, ehovea are va mai haeae uamari.

Horova 11:3

A peritome leiki aue haela i hareho pekai eapai lape.

Galatia 2:12

Ehovea uku haela James ve aireaki ekevahaeape, Peter oropa hoa ita lahua haela i hareho eapai lape, aka ere ekevahaeape la hoa are lahua aupe, ehovea are peritome ikivere haela oaoka leipe.

1 Timothy 1:15

Ma va oharo veveke iele; haela oaria iki auhohi kelavaki: Keriso Iesu meahaiapo kihoaupe ehovea mai heaha haela lei makukurikive: ara kara mai heaha haela iele.