Luke 12:5 - Pupu Oharo Āre 1963 Genese 1970 Rute 1972

⁵ Aka, e oaoka leiki la haela ara ero kileakilai — eve maea haeakilai, aireaki ero Gehena paraeakive ore la haela, e va oaoka arero leiki va heroe. Kaire, ara ero maeaeaive — e va arero oaoka lei va heroe.

Luke 12:5 Iomraidhean Croise

Matthew 10:28

Eve maea iilu haealula la haela oaoka kalailue, ere va ove he va haveva. O iele, maea iilu ove ila Gehena hoa haeaki ore la haela, e va arero oaoka eapapo leivahaeaki, heroe.

Matthew 25:41

Are areve mai keva ukai la haela mari maeaeakilai, E va haela heahaha ita lahua auila, lari hiki hahavila a ve, diabolo aneru ila ve overa karikipe la a.

Matthew 25:46

Ma haela ere va au hiki apihaeakilai — mai ehohoe haela ere va ovokake hiki apeakilai.

Matthew 5:22

Kahara, ara ero maeaeaive, areve apoheari hihiri naoae leiki la haela, gavana arero o heheavaki ave. Areve apoheari, Raka, maeaki la haela, Sanhedrin arero o heheavaki ave. Ihape oharo maeaki la haela, arero Gehena a veaki ave.

Mark 13:23

E kiva auhohi leila. Iapai, ara va eharu oaria ero overa lamaeaila.

1 Thessalonia 4:6

Aeva haela ae elare apoheari ma mai v'ila haeae lei v'arekaea. Ehovea Aualari lahovea haeae oaria kavale leikilai, ela va ero overa kileavahaeape la mai hovea.

Hebrew 10:31

Heaha iele ma: ovokake Aualari ve oropa ve haeae leikive.

2 Peter 2:4

Aualari haeae leipe la aneru heheavape. Are arero Hell ve ipi iele la koape. Are erero muru iele la ita auri horou hahape aiai aireaki la heheavaki hoa.

Apokalupto 14:7

Are āra eapapo hape maria, Aualari oaoka lei morapaeaki; ehovea areve heheavaki hare me kihorerave. Kaia i meahaiapo ila, ahea ma i mai ma oaria ila, karikivahaeape la Amua morapaeaki.

Apokalupto 15:4

Amua e, Aro oaoka leiki aue haela leita ha? Ave rare morapaeaki aue haela leita ha? Ehovea A hiki hehe iele Vila‐ipipi oaria iki ave oropa ve ekaopakilai, Ehovea Ave heheavaki mai oaria hihika leivahaeape.

Apokalupto 20:14

Apaki hoa i Hell ila a ila la ma haru ureve koavape. Ma va aireaki apaki hoa.