Luke 12:32 - Pupu Oharo Āre 1963 Genese 1970 Rute 1972

³² Oaoka kalailue, mamoe hiru hekai e, ehovea eve Oa ero basileia avarakive ikivere leive.

Luke 12:32 Iomraidhean Croise

Matthew 14:27

Iesu erero elavelave maeaeape, Ikiveveke leila, ara mae: Oaoka kalaivahaelue.

Matthew 20:16

Laria, aireaki haela oropaki leikilai, oropaki haela aireaki leikilai. Ehovea oaria itavavahaeape, oaria ikivere au leila.

Matthew 25:34

Areve mai ore ukai vea la haela Amua mari maeaeakilai — Ekeila, arave Oa momorapaevila haela — meahaiapo ipopeavape hoa e v'ila karikipe la basileia e mave avakive leiro.

Matthew 7:15

E va opore peroveta haela kiva leiki, ere ero kai ekeki mamoe iilu pura ila, aka ereve ureve viva aeha iele hovea.

Luke 10:21

La hoa havahu are Ove Veveke ila ikiveveke lei mariape, Oa e, kaia i meahaiapo ila ve Amua, ara va ikiveveke ehovea a va ikiore i elavelave iapaki haela ma eharu au amoeaila, aka akoremari titaeka la kileavahaeape — ehovea ave ikikekela, laria veveke.

John 18:36

Iesu maeape, Arave basileia ma meahaiapo v'ila ka. Arave basileia ma meahaiapo v'ila la leikilava, arave horova haela hahari le arilai, Jew haela araro paeaki ave. Arave basileia maia va ka.

Horova 20:28

E elare mai i ekalesia haela oaria ve mai v'ila kiva leivahaeaki; ehovea Ove Veveke ero hareavape ehovea are elare apu v'ila ilaea leipe Aualari ve ekalesia kiva leivahaeakive.

Horova 20:29

Ara v'ore, ara ero oropa haitapakive, aireaki mamoe ikiheroe leivahaeaki aue avita merava aeha iele e i hareho pekahavakilai.

Rome 6:23

Ehovea mai heaha ve kavale va au hiki le apihaeakilai. Aka Aualari ve meru ma, Iesu Keriso, elaviilave Amua, ovokake haiapo aikiarape.

1 Corinth 1:21

Ehovea Aualari ve ikiore mai ma: Meahaiapo ve ikiore oki ve haela Aualari ve ikiore au koaraila — laelave Aualari iroro oharo ve ikihaveva v'ila ikikekela haela oaria lei makukuripe.

Philippi 2:13

Ehovea eve ureve horova leivila va Aualari iele, are va ikivere e v'ila iki veveke leikive.

2 Thessalonia 1:11

Ehoveala ela va e v'ila ivaiva mea oaria arula; elaviilave Aualari ero basileia haela hovea hovea leivahaeakilai, kai eve ureve areve ikivere mekakure i ikikekela horova i aheke ila iele leivahaeakilai.

2 Thessalonia 1:5

La va Aualari ve heheavaki mai ehoe ve ihova veveke. Laelave e va mea oaria Aualari ve basileia hoveahovea, ehovea e va la basileia v'ila kakare leivahaelula.

Hebrew 12:28

Laelave ehovea elaviila lalaeapaki aue la basileia avakilai, elaviila ikiheroe meru kiva leivahaeakilai. Elaviila Aualari ve horova veveke oaoka ila kai ikiveveke ila kiva auhohi leivahaeakilai.

James 2:5

Apavara e, ikiheroe: Aualari meahaiapo merava leivahaeape haela, basileia ve erohoho haela hovea itavavahaeape: Arero iele ikivere leivahaealula haela la basileia are okoare maeape.

2 Peter 1:11

Laria, e va elaviilave ovokake leiki Amua Iesu Keriso ve basileia araeakive oki veveke le koarakilai;

Apokalupto 1:6

Are elaviilara Areve Oa Aualari ve amua i oharo haela haharika i aheke ila mea oaria aeakilai. Amene.

Apokalupto 22:5

Leia va oroa karia, ereve lamepa i hare ve ovava ila ikivere leivahaea va ka; ehovea Amua Aualari erero ovava avarakilai; ere va Amua hovea leivahaeakilai, aiai karia lei va ka.