Luke 11:13 - Pupu Oharo Āre 1963 Genese 1970 Rute 1972

¹³ E va heaha haela la, akoremari meru mekaka aiaraki ore la leikilava, eve kaia ve Oa arero apevelavela leilula la haela, iele havahu aiarakilai.

Luke 11:13 Iomraidhean Croise

Genese 8:21

Iehova la muo veveke koape hoa, are iki ureve mariape: “Ara aireaki meahaiapo ve o heaha e va ka, ehovea haela ve, ehovea areve iki ureve, areve āre hoa aiai haela leiki hoa va heaha hiki. Ara va aireaki hoa ovokake eharu hai ka lei va ka, ara oropa leipe la mai hovea.

Matthew 5:16

Eve ovava haela oropa ve hihika amoeakive, ere eve horova veveke laria ovohae eavakilai, eve kaia ve Oa ere morapaeakilai.

Matthew 5:45

Ehovea e va kaia ve Oa ve akoremari iele havahu leivahaeakive, ehovea areve hare haela veveke haela heahaha ila ve hareho pekavila, areve lai — mai ehoe haela i mai haeae haela ila ve hareho ihauvila.

Matthew 6:14

E va haela ve mai heaha halapurukakilava, eve kaia ve Oa eve mai heaha kara hapururukakilai.

Matthew 6:30

Laelave — Aulari huakara ve la hohe ve maupa la leikilava, hare ae kemo ureve paraeaki la hohe, are ero pura ra aiarava ka ha, e iapaki aue haela e!

Matthew 6:32

(Ehovea ita lahua haela ma eharu oaria haropalula hiki.) Eve kaia ve Oa ore overa leipe e va ma eharu oaria ikivere.

Matthew 7:11

E va haela heaha akoremari meru veveke aiaraki ore la leivahaeakilava, eve kaia ve Oa iele havahu eharu mekaka arero apevelavela leivahaeaki la haela aiara va ka ha?

Luke 11:12

Aka kokora hae velavela la leikilava are arero aukara avarakilai?

Luke 11:2

Are erero maeaeape, E va ivaiva leiki hoa oharo mari ari, Oa e, ave rare lei morapaeaki — Ave basileia ekekive —

Luke 18:7

O iele, Aualari are iki havahu akoremari hi ila oroa i hare ila arero velavela leilula la haela are haiapo haure lei ehohoe leivahaea va ka ha?

John 4:10

Iesu arero kavale maeape, A va Aualari ve meru iele, aeva aro lari ma ve velavela laleila la haela ore va leila, a va arero havahu velavela leikilai — are kara aro ovokake ma le avarakilai.

Horova 2:38

Peter erero maeaeape, Heaha ve ikihuru leivahaeaki, e haela oaria Iesu ve rare v'ila bapatiso leivahaeaki aiai mai haeae ve hapururukakilai: e va Ove Veveke la meru avakilai.

Rome 5:17

Ehovea haela haroapo ve haiae haela oaria la apihaeakilava, o iele haela oaria ikiheroe meru eapapo i mai ehoe ila, haela haroapo, Iesu Keriso v'ila aeakilai.

Rome 7:18

Ehovea ara v'ore arave ureve aeavila eharu (oharo iele arave aivau ve) veveke va ka. Ehovea ara horova veveke leikive ikivere, aka la horova veveke ara lei va ka.

Rome 8:32

Are iki havahu akore avarakive oaoka au leila la Aualari, Are areve maea ve la okiharo elaviilara eharu oaria aikiarakilai.

Titus 3:3

Ehovea elaviila kara oropa hoa iki haveva mai leivahaeape. Elaviila kara oropa hoa pupu oharo au iapaila, iki haeae kelavape: meahaiapo ve mai lahua lahua oaria ikivere leivahaeape. Elaviila kara overa hoa ikiheaha leivahaeape kai hahari oaria avahaeape.