Luke 10:22 - Pupu Oharo Āre 1963 Genese 1970 Rute 1972

²² Arave Oa eharu oaria araro aikiarape. Haela oaria Akore haveva, Oa hiki arero ore: haela oaria kara Oa haveva, Akore hiki arero ore, akore kai amoeakive ikivere, la haela hiki.

Luke 10:22 Iomraidhean Croise

Matthew 11:25

La hoa Iesu mari ape, Oa e, kaia meahaiapo ila ve Amua, ara aro thankyou oharo ave ehovea ma eharu oaria ikiore maea hahe?-?hahe haela oaria a va au kileaila: a va ma eharu akoremari titaeka hiki la amoeavahaeape.

Matthew 11:27

Arave Oa eharu oaria araro aikiarape. Haela ae Akore va haveva, Oa hiki ore. Ae va haela Oa kara haveva, Akore hiki ore, ae ka Akore amoeaki ikivere la haela.

Matthew 28:18

Iesu iki erero mari maeaeape, Ara va kaia i meahaiapo ila ve aheke oaria aeape.

John 1:18

Haela oaria Aualari au eavaila, Aualari epape Akore haroapo hiki la, Oa ve iki ureve aeavila la akore, are hiki arero hihika amoeape.

John 10:15

Hovea hovea Oa araro ore, ara kara Oa ore: ara arave ovokake mamoe v'ila avarakilai.

John 13:3

Iesu, ehovea are v'ore Oa eharu oaria areve mai ve aiarape, kai Aualari ve kihoaupe kai Aualari ve leia pekakilai —

John 17:10

Arave eharu va ave eharu hoveahovea: ave eharu kara arave eharu: ara ere v'ila lei morapaeavila.

John 17:2

A va arero aivau oaria akea ve aheke la avarape, ehovea a arero aiarape la haela oaria are ovokake haiapo avarakilai.

John 17:26

Ara ave rare erero hihika kileape, kai aeka kileakilai — ehovea a araro leipe la ikiheroe ereve ureve aeakilai, ara kara ereve ureve aeakilai.

John 17:5

Oa e, a mahau a i hareho araro morapaeakive, elavaila avare koai meahaiapo aue hoa aeape la haharika v'ila.

John 3:35

Oa areve akore ikivere havahu, kai eharu oaria areve mai ve aiarape.

1 Corinth 15:24

Aireaki mea aeaki hoa iele. La hoa Are va oropa aheke haela i Amua haela oaria ila ve hoa haerapakilai, aireaki Are basileia elaviilave Oa Aualari avarakilai.

2 Corinth 4:6

Ehovea, Ovava mea muru ve kihorerakive maeape la Aualari, elave iki ureve kai heaoapape, ehovea Aualari ve haharika ve ikiore ve Ovava Iesu Keriso ve oropape v'ila avarakive.

Ephesus 1:21

Areve Rare va akea iele, meahaiapo amua i aheke i oropa haela oaria va ipi ve: au itavalula la rare oaria, meahaiapo hoa i aireaki kaia ve basileia ve hoa, va ipi iele, areve rare akea ve.

Hebrew 2:8

A va eharu oaria areve loa ipi ve aipevahaeape. Eharu oaria are va kiva leivahaevila, laelave are va kiva leiki aue eharu va karia. Aka ma hoa elaviila eharu oaria areve ipi ve eavavahaea va ka.

1 John 5:20

Elaviila ore Aualari ve Akore ekepe. Are elaviilara ikiore avikiarape, ehovea ore leikive. Are va o iele Aualari. Elaviila o iele la Aualari ve ureve apealula, o iele areve Akore Iesu Keriso. Ma va Aualari Iele, ovokake haiapo iele.

2 John 1:9

Haeae leivahaeaki la haela, kai Keriso ve kileaki oharo haure leiki la haela, are Aualari ve haela va ka, Keriso ve kileaki oharo iele iapaivila la haela, are va Oa i Akore ila hareho aeavila.