Luke 10:20 - Pupu Oharo Āre 1963 Genese 1970 Rute 1972

²⁰ Aka e va ikiveveke kalaivahailue ehovea ovehahu eve oharo iapailula — E va ikiveveke iele leivahaeaki ehovea eve rare kaia ve le apearo.

Luke 10:20 Iomraidhean Croise

Matthew 10:1

Are areve kilea haela 12 itavavahaeai, erero aheke aiaravahaeape, ehovea ovehahu haruapaki kai maea heahaha lahua lahua oaria lei makukurikive.

Matthew 26:24

Haela ve Akore are ve rare hape la okiharo aukilai, aka oea ehovea arero hihila epaki la haela. La haela epaki aue ra leikilava, la va heroe.

Matthew 27:5

Are la 30 shillings Hehe Uvi ureve koavape, kai are ai elare maea airovo le kaeape.

Philippi 4:3

O iele, arave horova kake e, ma uavila koarakive, ehovea erealila arave iroro horova hukapape. Aeva Clement kara, aeva arave horova kake haela oaria kara: ereve rare oaria ovokake Buka ureve le apearo.

Hebrew 12:23

E va akoremari koare ve korukaiaki ekalesia ekevahaearo. Ereve rare Kaia ve overa haeape. E va Aualari, haela oaria ve heheavaki Aualari ve ekevahaearo: e va mai ehoe haela ve ove ve korukaiaki ita ekevahaearo.

Apokalupto 13:8

Meahaiapo apealula haela oaria arero morapaeakilai; meahaiapo avare koare hoa ve hape la Mamoe Akore ve ovokake buka ureve rare au haeaila la haela.

Apokalupto 17:8

Ara eavape la aeha eharu oropa aeape, kai ma hoa aea va ka; are kai ipi karia la karu kivikakilai, are kai havoavaki ita hoaukilai. Meahaiapo apealula haela oaria (meahaiapo avare koare ipopeavape la hoa ve buka ureve, rare au haeaila la haela) ikihorahora leivahaeakilai, ere aeape, aeaki aue kai aeakilai, la aeha eharu eavakilai.

Apokalupto 20:12

Ara eavape au apihaeape haela, titaeka i ehoaha ila, Aualari oropa ve epavavahaeape. Buka oaria au hapape, kai buka aea kara, ovokake ve buka, hapape. Apihaeape haela ereve horova hoveahovea, la buka ureve haeape oharo hovea, heheavavahaeape.

Apokalupto 20:15

Ereve rare ovokake buka ureve au haeaila la haela va a ila ma haru ureve la koavavahaeape.

Apokalupto 21:27

Hirihiri leivahaeaki eharu, kai heaha eharu, kai opopoe eharu oaria leia arahava va ka. Mamoe Akore ve ovokake buka ve rare haeape la haela hiki.

Apokalupto 3:5

Heaorapaki haela pura houhuka oreaukilai; ara areve rare ovokake la buka ureve hapururuka va ka. Arave Oa i aneru oaria oropa ve ara are v'ila vavavakilai.