Luke 1:19 - Pupu Oharo Āre 1963 Genese 1970 Rute 1972

¹⁹ Aneru arero kavale maeape, Ara vea Gabriel, Aualari ve oropa ve epavila aneru va: Are kai araro kiparaeape ehovea aro ma ikiveveke leiki eharu kileakive.

Luke 1:19 Iomraidhean Croise

Matthew 18:10

Auhohi iapaila, e maria akore hekai haroapo haure lei va arekaea, ehovea ara ero maeaeaive — ereve aneru arave kaia ve Oa ve oropape mehae mehae eavalula.

Luke 1:20

Iapai — ave karave ipi haihaharoa o ari aue leikilai aiai ma eharu horeavaki hare, ehovea a arave oharo au iapakue; ma oharo aireaki iele horeavakilai.

Luke 1:26

Areve papare six hoa Aualari aneru Gabriel Galilee karikara rare Nazareth maea popou mari ve lei a paraeape.

Luke 2:10

Aneru erero maeaeape, E oaoka kalaivahaelue — Iapaila, ara hari veveke ero kai maeaeaive, haela oaria ve ikiveveke leivahaeaki oharo.

Luke 21:36

E va mea oaria kiva hiki leila, ivaiva ila, ma aireaki kihoreavaki eharu heaha oaria ero hararuaki ave. Laelave e va aireaki haela ve Akore ve oropa ve epavakive hovea leikilai.

Hebrew 4:14

Elaviilave Akea oharo Haela iele le aeave — kaia ve overa pekape la Iesu, Aualari ve Akore. Laelave elaviila avahaeape la okoare kiva auhohi leivahaeakive heroe.