Luke 1:17 - Pupu Oharo Āre 1963 Genese 1970 Rute 1972

¹⁷ Are kai Elijah ve Ove i aheke ila Amua ve oropa ve aukilai, Oalou haela ereve akoremari ikihuru leikive kileavahaeakilai, Kai oharo iapavahaeaki aue haela mai ehohoe haela ve okiharo aukive kileakilai, Ehovea ma vilaipi hareho Amua ve okiharo ore leikive.

Luke 1:17 Iomraidhean Croise

Matthew 11:14

E va ma oharo iki ra kelavakilai, ma haela, rare Elia, ekeki rare avi ape la haela.

Matthew 14:4

Ehovea John arero maeape, A arero laeakive pupu ila.

Matthew 3:3

Ehovea ma haela ve hari Isaiah peroveta haela overa hukavape maria: Ara haroapo ita merava ve hape, Amua ve okiharo karikikive, Areve oki pakupaku lei heheapa leikive.

Matthew 3:4

La haela John ve pura kamela ve koro, areve hopa boromakau iilu erekai hahape: areve eapai paitau, avare ila.

Luke 1:16

Are kai Israel ve akoremari oaria Aualari ve oki ve kari aukilai.

Luke 1:76

Iele havahu, Akore e, A va Akea Iele Aualari ve peroveta haela rare itavakilai, Ehovea a Amua ve oropa ai areve okiharo karikikilai.

John 1:13

Ere va apu v'ila aka aivau v'ila au eravahaeaila, ere va Aualari v'ila erape.

John 1:34

Ara eavape — kai vavavape — la haela are va Aualari ve Akore.

John 3:28

E havahu ara v'ila vavavape ehovea ara mariape, Ara Keriso va ka, aka ara areve oropa kiparaeape haela.

Horova 10:33

Laelave ara haela elavelave paparaehape: a va veveke leipe ehovea a elavelave ekepe. Ela oaria va Aualari oropa mave korukaeaive ehovea Amua aro maeape oharo iapakive.

Rome 9:23

Are kara aireaki ikihuru leikilai la eharu, areve lei veveke leiki okiharo ere v'ila hihika leivahaeape, are oropa kekelape la veveke leiki okiharo.

Colossae 1:12

E va Oa, thank you, ivaiva avahaeaki. Are elaviilara karikivahaeape ehovea hehe haela ila hareho ovava ve haruku herehere avakive.

2 Timothy 2:21

Laelave haela ma mai heaha hahaure la leikilava, are va horova eharu mekakure hovea, hehe iele, Oa ve horova eapapo leikive hovea hovea; kai horova mekaka oaria hovea hovea.

1 Peter 2:9

Aka e va Aualari ve ikivere leipe vilakao, amua ve oharo haela, hehe hiru iele, au itavape vila‐ipi, ehovea ero muru hoa ve aiai ovava hoa mekakure iele itavape la Amua ve morapaeaki oharo arive.

1 John 2:28

Akoremari titaeka e, e va areve ureve apeaki. Laelave areve kihoreraki hoa elaviila ikihorahora leivahaea va ka. Ela va areve oropa ve makiri leivahaea va arekaea.

Apokalupto 20:4

Ara terona oaria eavavahaeape. Haela ereve akea ve avape. Erero kai heheavape. Iesu i Aualari ve oharo ve harihari v'ila haro haerapape la haela ve ove ara eavavahaeape: aeha eharu i areve harihu ila au momorapuila la haela: ereve hevere i mai ila areve ihova au aeaila la haela. Ere va Keriso ila Amua horova lei lei hitolo 1,000 hovea.