1 Peter 1:3 - Pupu Oharo Āre 1963 Genese 1970 Rute 1972

³ Elaviilave Amua Iesu Keriso ve Oa Aualari lei morapaeaki. Ehovea Are elaviilara ikiheheroe eapapo leivahaeape, laelave elaviila Iesu Keriso ve api kai uroupe hoa v'ila āre erape, kai ovokake iele koarape.

1 Peter 1:3 Iomraidhean Croise

John 1:13

Ere va apu v'ila aka aivau v'ila au eravahaeaila, ere va Aualari v'ila erape.

Rome 12:12

Ikiveveke lei ikihorahora kalaivahaealue, heraho hoa ikihairihairi v'arekaea, ivaiva kiva auhohi leivahaeaki.

Rome 15:13

Mahau iki veveki leiki la Aualari eve ikikekela lei aheke leikive: are ero ikiveveke i havila ila aiarakilai, ehovea e oaria lei aheke leivahaeakive, Ove Veveke ve aheke ve oki ve.

Rome 4:25

Ehovea Iesu elaviilave haeae v'ila apape. Are elaviilara lei ehohoe leivahaeakive api kai uroupe.

Rome 5:10

Elaviila areve iri haela leivahaeape la hoa, Aualari areve Akore v'ila elaviila lei ehohoe la leivahaeakilava, o iele, elaviila lei ehohoe leivahaeaki la hoa, areve la ovokake elaviilara lei ovokake leivahaeakilai.

Rome 8:11

Aka, Iesu kapu lai urapape la Aualari ve Ove e i hareho la aeakilava, Keriso kapu ve lai urapape la Aualari eve maea kara lei ovokake leivahaeakilai, ehovea areve Ove eve ureve aeakilai.

Rome 8:24

Ehovea elaviila ikivere lei la haropakilava, elaviila ovokake leivahaeakilai. Oropa eavakive, aire haropakive, la mai va iele ka. Ehovea eharu overa eavape la haela, are aeka leve haropakilai ha?

1 Corinth 13:13

Ma hoa, aheke apealula eharu ilehoila — ikikekela mai, kai ikivere mai, kai ikiheroe mai: Aka ma eharu ilehoila ve oropa eharu iele va ikiheroe mai.

1 Corinth 15:20

Aka Keriso api kai uroupe: Are va avuku urupalula la haela ve oropa haela la.

2 Corinth 1:3

Elaviilave Amua Iesu Keriso ve Oa Aualari, ikihuru Oa iele, kai hakakaeaki Aualari iele, morapaeaki.

Galatia 6:16

Ma okiharo i pupu ila kiva leilula la haela ere va havila i ikihuru avaki, Aualari ve Isarel haela iele kara.

Ephesus 1:17

Ehovea elaviilave Amua Iesu Keriso ve Aualari, Oa mekakure iele, ikiore ove i areve ovava hihika ila ero aiarakilai.

Ephesus 1:3

Aualari, elaviilave Amua Iesu Keriso ve Oa, lei morapaeaki, ehovea are ove meru oaria Keriso v'ila elaviilara aikiarape.

Ephesus 1:7

Ehovea are i areve au hakaitapape apu, elaviila ovokake iele leilula; elaviilave mai heaha kara laria hapururukakilai, ehovea areve ikiheroe meru eapapo iele.

Ephesus 2:4

Aka, Aualari ikihuru eapapo leivila la Aualari, elaviilara ikiheheroe eapapo leivahaeape.

Ephesus 3:20

Elaviila velavela leilula kai ikivere leilula eharu perehekai, hovea hovea, aeva kepea maeakoko ila aiarakive la Aualari, elaviilave iki ureve horova leivila la Aualari Aheke.

Colossae 1:23

E va ma hoa iki auhohi kelavaki, aheke i veveke ila apeaki. Iroro oharo hakurepa v'arekaea. Kaia ve ihau ve ita oaria ape la iroro oharo va la. Ara, Paul, ara va la iroro oharo ve horova haela.

Colossae 1:27

Ehovea Aualari va ikivere ere ore leikive lela erohoho eharu mekakure ita lahua haela are v'ila avakilai. La va iele, Keriso eve ureve aeakive, mekakure leiki okiharo.

1 Thessalonia 1:3

Eve ikikekela horova i ikiheroe eapapo mai ila, kai Amua Iesu Keriso, Oa Aualari oropa ve, ikivere mai, ela hare oaria iki kelavalula.

1 Thessalonia 4:13

Ela va ikivere e va apihaeape la haela v'ila haveva leivahaea v'arekaea: e va haveva haela oaria ve ikihairihairi mai kalaivahaelue.

2 Thessalonia 2:16

Elaviilave Amua Iesu Keriso kai ikiheroe meru v'ila elaro ikiheheroe lei hakakaeape la Oa Aualari, eve iki ureve lei aheke leivahaeaki, ikiheroe meru la okiharo ve,

1 Timothy 1:14

Aeva areve ikiheroe meru eapapo iele are araro avikiarape, kai Iesu Keriso ve ikikekela i ikiheroe arave ureve leipe.

Titus 2:13

Elaviilave Aualari iele, Amua Iesu Keriso ila haharika veveke ila kihoaukilai. Elaviila leia ve la hoa karikilai.

Hebrew 3:6

Aka Keriso, Akore havahu, elare uvi ve horova kiva leipe. Elaviila mea oaria aheke hiki la apeakilava, elaviila kara Keriso ve uvi.

James 1:18

Ehovea are havahu ikivere leipe, are elaviilara o iele ve erape. Elaviila va areve ovokake haela oaria ve akoremari koare.

1 Peter 1:13

Laelave, eve ikikekela aheke leivahaeaki, iki ehohoe leivahaeaki, aireaki Iesu Keriso ve kihoreraki hoa ve la ikiheroe meru ikivere havahu leivahaeaki:

1 Peter 1:21

Ehovea e va areve okiharo v'ila Aualari va rare ikikelavalula. Aualari arero apaki hoa ve lai urapape, kai areve rare morapaeape. Ehovea e va Aualari iele havahu iki kelavakilai.

1 Peter 1:23

E va āre erape haela, meahaiapo v'ila au eraila, aka kaia ve erape haela, Aualari ve oharo v'ila. La oharo va ovokake aiai karia lei va ka.

1 Peter 2:2

Elaviila āre erape akoremari titaeka hovea — Oharo Veveke ve amae apu hovea ikivere leivahaeaki; e va Ove v'ila aheai aheke leivahaeakive.

1 Peter 3:15

Aka eve iki ureve Aualari ve rare iele morapaeaki: Haela eve ikikekela ve iele v'ila apevelavela leiki hoa, erero kavale oharo maeaeaki, horahora kalaivahaelue; maeoka i harita harita ila oharo kavale maeaeaki.

1 Peter 3:21

Hoveahovea, ma hoa, elaviila bapatiso mai v'ila ovokake leivahaeakilai, o iele, maea ve hirihiri huhelaki mai hiki ka, aka Aualari oropa ve iki veveroro leikive, Iesu Keriso api kai uroupe la okiharo ve.

1 Peter 3:5

Ehovea overa hoa hehe uavila maria leivahaeape — ere Aualari ikikelavape, iki ureve mekakure leivahaeai vilahoaha ve oharo iapai kiva leivahaeroape.

1 John 2:29

Areve mai ehoe iele e v'ore la leivahaeakilava, e v'ore leivahaeakilai, mai ehoe kiva leivahaelula haela oaria are v'ila erape.

1 John 3:3

Ma oki ikivere haela oaria elare mai veveroro leivahaeaki va heroe, areve la veveroro hovea.

1 John 3:9

Aualari v'ila epape haela mai haeae lei va ka, ehovea areve iele areve ureve aeavila. Are mai haeae leikive hovea ka, ehovea are Aualari v'ila epape akore.

1 John 4:7

Apavara, elaviila elarelare ikiheheroe leivahaeaki, ehovea ikiheroe va Aualari ve. Ikiheroe leilula la haela va Aualari ve epape haela — are kara Aualari ore.

1 John 5:1

Iesu va Keriso ikikekelavila la haela are va Aualari ve haela. Haela oaria au epape la haela ikivere la leikilava, arero epape la haela kara ikivere leive.

1 John 5:18

Elaviila ore Aualari v'ila epape haela mai haeae lei va ka: aka Aualari v'ila epape la haela, are elare mai kiva hiki leivila, laelave diabolo arero kurupaea va ka.

1 John 5:4

Ehovea Aualari ve epape la haela meahaiapo heaorapakilai. Meahaiapo ve heaorapaki eharu iele va elaviilave ikikekela iele.