Rom ihirnong Por oh brak atip ohe meng oh 6:3 - Oksapmin

³ Dir er danong hatin ohe da oh mandam hapuriya hatin hat ma pati oh mamaru hat patimur. Ihat ma pati han bap dir Jisas Krais orhe tapnong hat pati han bap ma hapat dahatin ohe da oh pinggitinmat orhe tapnong ham tom waihirimur. Ihat ma tom waihiri oh orhorsi tap hat hapuriya hatin ham tom waihirimur. Ihat ma tom waihirinong oh gur am hat patimur.

Rom ihirnong Por oh brak atip ohe meng oh 6:3 Iomraidhean Croise

Matyu 28:19

Ihtin ohoh ihan gurhe aw pe mong pe ama han bap ama han bap ihirnonghe norhorsi tap hat paten han bap mat napisashenmur. Napisusa nure winsi patio rim At ohe wino brer nohe wino Yahsup ohe wino ama nure win rima tom patirinmur.

Aposer 19:5

Potporhan ihir amrapti Jisas orhe win rim it tom wangopari.

Aposer 2:38

Por dahamtiperhan Pita oh Gin guragure ihat er hat ma pati da oh mandatpera daham kom asar mandatinmur. Mandama Jisas orhe win rim tom wayonmur. Waperhan gure er hat sapti ohe pe yansi nahat napapat yan oh it yansi na naham hanhan mar namdatiprohmur. Namdama orhe musum yan timbas ma napripat Yahsup oh gure mutuhnong mat namdatiprohmur.

Rom ihirnong Por oh brak atip ohe meng oh 6:16

Guragur mohnong hanhan hat patida. Gur tit han ohe hrepnong ham be atamreinpera daham ama han orhe hrepnong hahhan ama han orhe danong hatinmat ihaptimur. Amaru hat orhor er da hrepnong hatpera daham ihyahanhe ohe danongwi ham haputin mandap teinong hat patim ihaptimur. Got ohe danong ham orhe hrepnong hatpera daham ihyahanhe duung dasi hat son ohe mandap teinong hat patim ihaptimur.

Rom ihirnong Por oh brak atip ohe meng oh 6:8

Dir Krais ohsi tap hat haputpa hatin hat pati ohoh ihan orhorsi tap hat patepriwa dahat patimur.

Rom ihirnong Por oh brak atip ohe meng oh 7:1

Nohe taptema. Gur diradire kakdah moh ohe sawa meng ohe hrepdapat hat ma pati oh gur am hat patimur. Ihan gur diradire pohon sawa meng hrepdapat hat patim orhor hapur timbas hayahanwi ama sawanong ma mandapti oh gur am hat patimur.

1 Korin 10:2

Ihir rian hrepdapat hat sayao sor tom hru oh katnong hah katnong hah hat patim deihpao ma ihtipa oh dire Krais orhe nita ham tom waptiru hat orhor ihir gonsi Moses orhe han ham ihtipamur.

1 Korin 12:13

Dir ihat trun han bap hat pati orhor tit inawi hat ma pati oh mamaru hat patmur. Juda hat pati han bapo Juda na hat pati han bapo ire hrepdapat nang tatpat patim be atamreipti han bapo ire hrepdapat nang na tatpat patim be han hat pati han bapo ama trun han bap hat ma pati han bap dirnong oh Got oh orhe Yahsup oh dire mutuhnong namtiporhan dir tap hat patim tom wasa Krais ohe ina ohsi dir tit inawi hat patimur.

1 Korin 15:29

Hanip dire da oh hapur it masapri ma hapat dahatinmat oh mohnong dahenmur. Kat han ihir ma haputiri han ihirnong Ihir tom na waihim patin haputiri ohoh ihan nuhur ire ohsi tap hat wapera daham ma tom wapti oh ihir it masapriwa daham ihat ire ohsi tap hat tom waptimur. Got oh hanip gonsi dirnong na napamson ina hat patneng ire ma ihat daham tom ma waptihe be ihat daham tom waptinengmur.

1 Korin 3:16

Gur mohnong dahat pati basda. Guragure ina bok oh Got orhe ap yawar hatin hat pati ohoh ihan orhe Yahsup oh gure mutuh patmur.

1 Korin 5:6

Gur Nuhur yah hatwi sapti ma hapat daham armi tahat sapti danong ohri hapri. Bretnong pipirpat han yis ohnong dahenmur. Yis oh gar saripti orhora; bret gonsi isip deipat hanmur. Yis gar ma isip hat sapatru hat orhor gure mutuh oh mama er hat pat han oh Gar er hat patmur ma poripti han oh pa sahapo yiso ire tan isip ham mutuh sus er hat sapat han ohnong giporiptimur.

1 Korin 6:19

Gur mohnong dahat patimur. Got oh Hanip ire ina moh ap yawar hatin hat patin norhe Yahsup oh ros sa patepra daham orhe Yahsup oh dire mutuhnong naham napapatin dir orhorsi patimur.

1 Korin 6:9

Got orhe napapindin hrepnong er hat sapti han ihir ma na hatipri oh gur na dahat patim ihat saptida. Er hat sapti han ihir Got ohe napapindin hrepnong hatiprikin daham guragure danonghe dasuh mathe pisasipri. Mohnong dahat patim ihat sashenmur. Bisei saw hat sayao dasuh got ire danong hayao han inap ihirnong abisei saw mat pisayao han yot gutagut bisei saw goshat sayao

1 Korin 9:13

Gur Got ohe ap yawar ma atamreiptinong oh gur am hat patimur. Kat han ihir Moh Got ohe denmur por ma asaripti den oh ama ap yawar tamreipti han bap ihir kat oh dar daptimur. Hanat bok han hat pati han ihirhe Got gwemur por ma asaripti apop oh ihir kat dar daptimur. Ma ihaptinong oh guragur am hat patimur.

1 Korin 9:24

Gur am hat patimur. Han ire erer datinmat en taham ma sakaripti oh sakara gonsi ihir yan na dariptimur. Ohri hat sus nang dap ma dakmeir han oh pokwi yan darpatmur. Ihan ire Nohri yan oh datiprohneng daham kasip ham sakariptiru gurhe ihat orhor Got orhe yah da ma nat pat oh Nuhur sus datipriwa daham Got ohe danong kasip hat orhorwi sashenmur.

2 Korin 13:5

Ihan gur Por oh apris inahatiprakin daham Noh Krais orhe danong ham orhorsi tap hat pat handa da orhe tapnong na hat pat han daham guragure danong sama dahatinmur. Sama gur arpin Krais orhe danong hat patihanhe Nuhur Jisas Krais orhe tap hat pati ma hapat daham am hatiprohemur. Na ihat patihanhe Nuhur Krais orhe tapnong na hat pati han sa daham guragur am hatiprohemur.

Garesia 3:27

Napotporhan Gin nuhur Krais orhe nitamur rim tom waptimur. Orhor hatin ham orhe nitao rim tom waptimur.

Jemis 4:4

Ihat daham ma ihat sapti bap gur Got ohnong bisei mar ihaptimur. Gur mohnong hanhanda. Kakdah mohe danong rum mutuh mat ma papti oh Got ohnong mahaw mat paptimur. Gur ama danong hanhan hat patim ihat saptida. Ihtin ohoh ihan kakdah mohe danong hat inper ma dahapti guroh Nuhur Got ohnong mahaw mar ihapti ma hapat dahenmur.

1 Pita 3:21

Tom hru dahdapat orhor ma ambutip oh kaput Norhe kuuhan ihir tom waperhan mimat ambutipramur rim namgitipmur. Gin ma namgitipru hat orhor dir tom waperhan namburpatmur. Tom ma wapti oh sirap tambor hirmat mandatinmat na waptimur. Hanip ire kintei Nohe da ohri gin Got orhe kintei oh ongeng matwi paptepramur rim tom waptimur. Ama ihat waya ohe pe oh Got oh Krais ohe hapur mashup dap tei oh dirnong namburpatmur.